පාස්කු ප්‍රහාරයේ වගකීම භාර ගන්න, මම වාර්තාව පවා වෙනස් කරන්නම් : හිටපු පොලිස්පතිට මෛත්‍රීපාල ජනාධිපතිතුමා කිව්වා


පාස්කු ප‍්‍රහාරය සම්බන්ධයෙන් හිටපු ආරක්‍ෂක ලේකම් හේමසිරි ප‍්‍රනාන්දු ආන්දෝලනාත්මක ප‍්‍රකාශයක් සිදුකර තිබෙනවා. ඒ, පාස්කු ප‍්‍රහාරය පිළිබද විමර්ශනය කෙරෙන ජනාධිපති කොමිසම හමුවේ තුන්වන දිනටත් සාක්ෂි ලබාදෙමින්. එහිදී හිටපු ආරක්‍ෂක ලේකම්වරයා පවසා ඇත්තේ පාස්කු ප‍්‍රහාරය වළක්වා නොගැනීමේ වගකීම භාරගෙන පොලිස්පති ධූරයෙන් ඉවත් වුවහොත් විදෙස් තානාපති ධූරයක් ලබා දෙන බවට එවකට පොලිස්පති පූජිත් ජයසුන්දරට හිටපු ජනාධිපති මෛත‍්‍රීපාල සිරිසේන මහතා දැනුම් දී තිබූ බවයි.

ඒ සදහා ප‍්‍රහාරය පිළිබඳ සෙවීමට මුල්වරට පත්කෙරුණු මලල්ගොඩ කමිටුවේ වාර්තාවද වෙනස් කරන බව හිටපු ජනාධිපතිවරයා දැනුම් දී තිබූ බව හිටපු ආරක්‍ෂක ලේකම් හේමසිරි ප‍්‍රනාන්දු මෙහිදී ප‍්‍රකාශ කර තිබෙනවා. කෙසේවෙතත් එවකට පොලිස්පති පූජිත් ජයසුන්දර, එම යෝජනාවට එකඟ නොවූ බවයි ඔහු පවසා ඇත්තේ. එහිදී අදහස් දැක්වූ හිටපු ආරක්‍ෂක ලේකම්වරයා ප‍්‍රකාශ කර ඇත්තේ ප‍්‍රහාරයට පෙර රාජ්‍ය බුද්ධි අධ්‍යක්ෂ විසින් ඒ පිළිබඳව හිටපු ජනාධිපතිවරයාව දැනුවත් කරන්නට ඇතැයි තමන් විශ්වාස කරන බවයි.

රාජ්‍ය බුද්ධි සේවයෙන් ආරක්ෂක ලේකම් වෙත එවා තිබූ පාස්කු ප‍්‍රහාරය සම්බන්ධයෙන් වූ බුද්ධි තොරතුරු ඇතුළත් වාර්තා නිසි ලෙස පරිශීලනය කළේ දැයි මෙහිදී රජයේ අතිරේක සොලිසිටර් ජෙනරාල්වරිය සාක්ෂිකරුගෙන් ප‍්‍රශ්න කර තිබෙනවා. 
ඊට පිළිතුරු දෙමින් හේමසිරි ප‍්‍රනාන්දු පවසා ඇත්තේ තමන්ට රාජ්‍ය බුද්ධි සේවය ලබාදුන් සෑම වාර්තාවක්ම, කිසිදු විශ්ලේෂණයකට භාජනය නොකර, හුදු තොරතුරු පමණක් කොළයකට සීමා කර එවා තිබූ බවයි.

එමඟින් ගත හැකි ක‍්‍රියාමාර්ගයක් නොතිබූ බවත් එවැනි තොරතුරු අවශ්‍ය වන්නේ ක‍්‍රියාත්මක මට්ටමේ සිටින පොලීසිය, අපරාධ පරීක්ෂණ දෙපාර්තමේන්තුව සහ ත‍්‍රස්ත මර්ධන හා විමර්ශන කොට්ඨාසයට බැවින් තමන්ට විශ්ලේෂණය කළ තොරතුරු ලබාදීම සිදුවිය යුතුව තිබූ බවත් හිටපු ආරක්‍ෂක ලේකම් හේමසිරි ප‍්‍රනාන්දු පවසා තිබෙනවා.

ජනාධිපති කොමිසමේ අභියාචනාධිකරණ විනිසුරුවරයා මෙහිදී ඔහුගෙන් විමසා සිටියේ නිසි ලෙස විශ්ලේෂණය කළ තොරතුරු රාජ්‍ය බුද්ධි සේවය ලබා නොදුන්නා නම් ඒ පිළිබද ජනාධිපතිවරයා දැනුවත් නොකළේ මන්ද යන්නයි. ඊට පිළිතුරු ලෙස හිටපු ආරක්ෂක ලේකම් හේමසිරි ප‍්‍රනාන්දු පවසා ඇත්තේ ඒ පිළිබද තේරුම් ගැනීමට හෝ තවදුරටත් තේරුම් කරදීමට තරම් ශක්තියක් නොතිබූ බැවින් තමන් ඒ සම්බන්ධයෙන් හිටපු ජනාධිපති මෛත‍්‍රීපාල සිරිසේන මහතාට දැනුම් නොදුන් බවයි.

එම තත්ත්වය පාස්කු ප‍්‍රහාරය එල්ලවන තුරුම පැවතුණාද යනුවෙන් එහිදී ප‍්‍රශ්න කළ ජනාධිපති කොමිසමේ විනිසුරුවරයා, එලෙස ආරක්ෂක කටයුතු මඟහැරෙන්නට එයද හේතුවක් වූයේ දැයි විමසා සිටියා. එම තත්ත්වය දැඩිව පැවතුනු බවත් දිනෙන් දින එය වැඩි වූ බවත් ඊට පිළිතුරුදෙමින් හිටපු ආරක්ෂක ලේකම් හේමසිරි ප‍්‍රනාන්දු පවසා තිබෙනවා.

හිටපු ආරක්‍ෂක ලේකම් හේමසිරි ප‍්‍රනාන්දු ප‍්‍රහාරයෙන් පසුව ප‍්‍රකාශ කර තිබුණේ ප‍්‍රහාරයක් එල්ල වන බව දැනගෙන සිටියද මෙතරම් ප‍්‍රහාරයක් එල්ල වේ යැයි තමා නොසිතූ බවයි. ජනාධිපති කොමිසමේ විනිසුරුවරයා එහිදී හේමසිරි ප‍්‍රනාන්දු විසින් ප‍්‍රහාරයෙන් පසු මාධ්‍යට කර තිබූ එම ප‍්‍රකාශය පිළිබද ප‍්‍රශ්න කළා. ඊට පිළිතුරු දෙමින් හිටපු ආරක්ෂක ලේකම්වරයා පවසා ඇත්තේ 

ඒ අවස්ථාව වනවිට පැය 48 ක් පමණ නිදිවර්ජිතව සිටීම හේතුවෙන් තෙහෙට්ටුවෙන් සිටි බැවින් තමා කුමක් ප‍්‍රකාශ කළේ දැයි මතකයේ නොමැති බවයි. ඒ අවස්ථාවේ හේමසිරි ප‍්‍රනාන්දු විසින් විදෙස් මාධ්‍යකට ලබාදී තිබූ ප‍්‍රකාශය ජනාධිපති කොමිසම හමුවේ යළි පෙන්වීමට කටයුතු කළා. එහිදී ජනාධිපති කොමිසමේ විනිසුරුවරයා ප‍්‍රකාශ කළේ ප‍්‍රකාශ කරන තරම් තෙහෙට්ටුවක් අදාළ වීඩියෝ පටයේදී දක්නට නොලැබෙන බවත් ජවයෙන් උත්තර දෙන අයුරක් එහිදී දක්නට ලැබෙනු බවයි. ඊට පිළිතුරු දෙමින් හිටපු ආරක්ෂක ලේකම් හේමසිරි ප‍්‍රනාන්දු කියාසිටියේ ඇසූ ප‍්‍රශ්නවලට තමා කේන්තියෙන් සිටි බවයි.

ඔබේ ප්‍රතිචාරය කුමක්ද ?
පට්ට !
0
11.svg?v=2.6
අවුල් වගේ !
0
22.svg?v=2.6
හරි හිනා !
0
3.svg?v=2.6
හම්මෝ !
0
31.svg?v=2.6
මාර දුකයි !
0
27.svg?v=2.6
මලපනිනව !
0
30.svg?v=2.6
කුජීතයි !
0
48.svg?v=2.6

සතියේ පලවූ මෙවැනිම පුවත්

Subscribe
Notify of
guest
0 Comments
Inline Feedbacks
සියලු ප්‍රතිචාර බලන්න !

අපගේ නවතම පුවත්

සතියේ පලවූ තවත් පුවත්

මම ආයෙත් එනවා – සමාජ මාධ්‍ය තුල බොහෝ කතා මැවූ වික්ටර් රත්නායකයන් නැවතත් කරලියට

දැඩි ලෙස රෝගාතුරව සිට සුවය ලද ආචාර්ය වික්ටර් රත්නායකයන් ඔහුගේ මුහුණු පොත ඔස්සේ රසිකයන්ට...

වාහන මිල දෙගුණ තෙගුණ වෙයි

මෙරට වාහන අලෙවිය සීග්‍රයෙන් පහළ බැස ඇති බවට වාහන ආනයනකරුවන් පවසයි. ඔවුන් පෙන්වා දෙන්නේ වාහන...

“මේ ළමයව අසරණ වෙන්න ඇරපු මේ ගෑනු ළමයගෙ දෙමව්පියො නෑදෑ හිතවත්තු සේරම කුරුසෙ ඇණ ගහන්න ඕනි”

 ඉතාලියේ ඝාතනය සම්බන්ධයෙන් ඉතාලියේ වෙසෙන ශ්‍රී ලාංකික කාන්තාවක් මෙවැනි සටහනක් තබා තිබුණා.එම සටහන...

“ගණිකා වෘත්තියේ යෙදීම වරදක් නෙවෙයි.. ගණිකා වෘත්තියේ යෙදෙන තැනැත්තියකට නඩු දාන්නත් බෑ..”

ගණිකාව ගැන මේ සමාජය ඇතුලේ විවිධ කතා ඇතිවෙලා තියෙනවා.ඉතිං අපි හිතුවා ගණිකාව සහ නීතිය...

ආණ්ඩුවේ මන්ත්‍රීවරුන්ගෙන් ජනපති කළ ඉල්ලීම

ආණ්ඩුව ඇතුළේ ප්‍රශ්න ඇතුළේම සාකච්ඡා කර විසඳාගන්නැයි ජනාධිපති ගෝඨාභය රාජපක්ෂ මහතා ආණ්ඩු පක්ෂයේ මැති...
0
මේ පුවත ගැන ඔබේ ප්‍රතිචාරය කුමක්ද ?x
()
x