පෙම්වතිය තරුණ ව්‍යාපාරිකයාට මරු කැඳවයි

ෆේස්බුක් ඔස්සේ තරුණියක හඳුනා ගැනීමට සලස්වා ඇය හමුවීම සඳහා පැමිණි තරුණ ව්‍යාපාරිකයකු අතරමඟදී පැහැරගෙන ගොස් ලණුවකින් ගෙල සිරකර ඝාතනය කිරීමේ සිද්ධියක් අනාවරණය කර ගැනීමට සීදුව පොලිසියට හැකිව තිබෙනවා.

පැහැරගෙන ගොස් මරා දැමුණු මෙම ව්‍යාපාරිකයාගේ සිරුර කොටවෙහෙර ප්‍රදේශයේ කැලෑවක දමා ගොස් තිබියදී සොයාගැනීමට පොලිසියට හැකි වී තිබුණා.

මේ අතර මේ පිළිබඳ විමර්ශනය සිදුකළ සීදුව පොලිසියේ නිලධාරීන් අනාවරණය කරගෙන ඇත්තේ මරාදමන ලද තරුණ ව්‍යාපාරිකයාගේ නැන්දණියද මෙලෙස කපා කොටා මරා දමා ඇති බවයි.

ඇය ඝාතනය වන්නේ 2018-01-12 වැනිදා බව සඳහන් කරන පොලිසිය එකී සිද්ධිය සම්බන්ධයෙන්ද මෙතෙක් කිසිවකු අත්අඩංගුවට ගෙන නැති අතර එම ඝාතනය මෙතෙක් අබිරහසක්ව පැවැති බවද සඳහන් කළා.

සිද්ධිය සම්බන්ධයෙන් ෆේස්බුක් හරහා ව්‍යාපාරිකයා සමඟ ආදර සම්බන්ධයක් පවත්වා ඔහු රවටා සැලසුම් කළ පරිදි සීදුව ප්‍රදේශයට ගෙන්වා ගත් විසි දෙහැවිරිදි තරුණියද මේ වන විට පොලිස් අත්අඩංගුවට ගෙන ඇති අතර මෙම ඝාතනයේ සැලසුම්කරුවද පොලිසිය විසින් අත්අඩංගුවට ගෙන තිබෙනවා.

සිද්ධියෙන් මියගොස් ඇත්තේ මග්ගොන, දියලගොඩ පදිංචි ශාමෙන් හිරන්ත නමැති අයෙකි.

පොලිසිය පවසන අන්දමට ශාමෙන් අදාළ ෆේස්බුක් මඟින් හඳුනාගත් තරුණිය හමුවීමට සීදුවට පැමිණ ඇත්තේ තවත් මිතුරකු සමඟ වෑන් රියකින් වන අතර තරුණිය මුණ ගැසී ඇය සමඟ කතාබස් කරමින් සිටියදී එතැනට වාහනයකින් පැමිණි කණ්ඩායමක් තරුණිය හා ශාමෙන් ඔවුන් පැමිණි රථයට බලහත්කාරයෙන් දමාගෙන තිබුණා.

අතරමඟදී රුපියල් විසිදහසක් දී තරුණිය වාහනයෙන් මුදාහැරි අතර ඇය සමඟ සිටි ශාමෙන් වාහනය තුළදීම ලණුවකින් ගෙල සිරකර මරා දමා තිබෙනවා.

පසුව ඔහුගේ සිරුර රැගෙන ගොස් කොටවෙහෙර ප්‍රදේශයේ කැලෑබද ප්‍රදේශයක දමා මොවුන් යළි සිය නිවෙස්වලට ගොස් තිබුණා.

මෙම පැහැර ගැනීම සැලසුම් කළ මහ මොළකරු වීරකැටිය මිද්දෙණිය පාරේ, පදිංචිකරුවකු වනවා.

ව්‍යාපාරික ආරවුලක් මත මහ මොළකරු බව කියන පුද්ගලයා ආර්ථික අතින් ඉමහත් අපහසුතාවට පත්ව ඇති අතර ඒ පිළිබඳ වෛරයක් ඇති කරගත් ඔහු තරුණ ව්‍යාපාරිකයා මෙසේ මරා දමා ඇතැයි මූලික පරීක්ෂණවලදී අනාවරණය වී තිබෙනවා.

Subscribe
Notify of
guest
0 Comments
Inline Feedbacks
සියලු ප්‍රතිචාර බලන්න !

සතියේ ජනප්‍රියම පුවත්

කොළඹ කෝටිපතියෙකුගේ පුතා රෝහලක උඩුමහලකින් පැන මරුට කැපවෙයි..

කොළඹ කෝටිපති ව්‍යාපාරිකයකුගේ තරුණ පුතකු කොල්ලුපිටිය ප්‍රදේශයේ පෞද්ගලික රෝහලක දස වැනි මහලෙන් බිමට පැන...

රෝහණ විරසිංහ සහ සුනිල් ආරියරත්න ඔස්කා සංවිධානයේ ධුරවලින් ඉල්ලා අස්වෙති

ආචාර්ය රෝහණ වීරසිංහයන් සහ මහාචාර්ය සුනිල් ආරියරත්න මහත්වරුන් ඔස්කා සංවිධානයේ තම ධුරවලින් ඉල්ලා අස්වීමේ...

26 හැවිරිදි චතුරිකාගේ දේහය යළි ගොඩගනී

යක්කල ප්‍රදේශයේ පදිංචි 26 හැවිරිදි විවාහක කාන්තාවක්ගේ දේහය යළි ගොඩගැනීම සිදු කරනු ලැබුවා. ඇය...

ලස්සන කවියක් කියා මව සමඟ යන්නම ගිය සමනලිය

බිබිල, බදුල්ලගම්මන ප්‍රදේශයේ පදිංචිව සිටි මවක් ඊයේ (21) රාත්‍රියේ සිය තුන් හැවිරිදි දියණිය ද...

උමාරියාගේ ප්‍රකාශය පොලිසියේ අවධානයට (VIDEO)

සමාජයේ විවිධ කේෂ්ත්‍රවල සිටින ජනප්‍රිය පුද්ගලයින් ඉලක්ක කර ගනිමින් සිදුවන අපහාසාත්මක ක්‍රියාවන් දිනෙන් දින...

අපගේ නවතම පුවත්

0
මේ පුවත ගැන ඔබේ ප්‍රතිචාරය කුමක්ද ?x
()
x