පේරාදේණිය විශ්ව විද්‍යාලයේ සිසුන් 8කටත් කොරෝනා

ඊයේ (14) දිනයේදීත් තවත් කොරෝනා මරණ 07ක් වාර්තා වීමත් සමඟ මෙරට සමස්ත කොරෝනා මරණ සංඛ්‍යාව 397 දක්වා ඉහළ ගියා.

එමෙන්ම, ඊයේ දිනයේදී තවත් කොරෝනා ආසාදිතයින් 802 නෙකු මෙරටින් වාර්තා වීමත් සමඟ සමස්ත කොරෝනා ආසාදිතයින් සංඛ්‍යාව ද 75,654 දක්වා ඉහළ ගොස් ඇති බවයි වසංගත රෝග විද්‍යා ඒකකය සඳහන් කළේ.

එසේම පසුගිය ජනවාරි මස 29 වන දින සිට ඊයේ දිනය දක්වා පුද්ගලයින් එක්ලක්ෂ 89,349 දෙනෙකුට කොරෝනා වෛරසයට එරෙහි එන්නත් ලබාදී තිබෙනවා.

වසංගත රෝග විද්‍යා ඒකකය සදහන් කළේ ඊයේ දිනයේදී පමණක් ලබාදී ඇති එන්නත් සංඛ්‍යාව 2695ක් බවයි.

මේ අතර, පේරාදෙනිය විශ්වවිද්‍යාලයේ සිසුන් 08 දෙනෙකුට ද කොරෝනා ආසාදනය වී ඇති බවට තහවුරු වී තිබෙනවා.

ඔවුන් 08 දෙනා ඉංජිනේරු පීඨයේ සිසුන් වන අතර මහනුවර සහ තෙල්දෙනිය කොරෝනා මධ්‍යස්ථානවලට මේ වන විටත් යොමු කර ඇති බවයි විශ්වවිද්‍යාල පරිපාලනය සඳහන් කළේ.

මීට අමතරව තවත් සිසුන් 250ක් පමණ විශ්වවිද්‍යාල ඉංජිනේරු පීඨයේ අක්බාර් සිසු නේවාසිකාගාරයේ ආරක්ෂිතව රදවා තබා තිබෙනවා.

මේ අතර, කැළණිය විශ්වවිද්‍යාලයේ ක්ෂේත්‍ර අධ්‍යයනයකට සහභාගිවීමට නියමිතව සිට කොවිඩ් 19 ආසාදනය වූ ශිෂ්‍ය කණ්ඩායමේ පළමු පෙළ ආශ්‍රිතයින් 4 දෙනෙකුට ද කොරෝනා ආසාදනය වී ඇති බවට ඊයේ (14) තහවුරු වී තිබෙනවා.

ඒ, පසුගිය 4 වන දින මානව ශාස්ත්‍ර පීඨයේ සිසුන් 5 දෙනෙකුට කොරෝනා ආසාදනය වූ බවට තහවුරු වීමෙන් පසුව පසුගිය 12 වන දා සිදුකරන ලද පී.සී.ආර්. පරීක්ෂණවලින් අනතුරුවයි.

අදාළ සිසුන් මේ වන විට පැවැත්වෙන අවසන් වාර විභාග කටයුතු සඳහා සම්බන්ධ සිසුන් නොවන බැවින් විභාග කටයුතු අඛණ්ඩව පැවැත්වීමට විශ්වවිද්‍යාල පාලන අධිකාරිය තීරණය කර තිබෙනවා.

එමෙන්ම, දිවුලපිටිය ප්‍රදේශයේ ඇඟලුම් කර්මාන්තශාලාවකින් ද කොරෝනා ආසාදනය වූ සේවක සේවිකාවන් 27 දෙනෙකු හඳුනාගෙන ඇති බවටයි ප්‍රදේශයේ මහජන සෞඛ්‍ය පරීක්ෂක කාර්යාලය සඳහන් කළේ.

ඒ අනුව තවත් සේවක සේවිකාවන් 67 දෙනෙකු පී.සී.ආර්. පරීක්ෂණ සඳහා යොමු කර තිබෙනවා.

කොරෝනා වෛරසය ව්‍යාප්ත වෙමින් පවතින මොහොතක තම ගැටළු සම්බන්ධයෙන් නිසි විසදුමක් මෙතෙක් නොලැබුණු හෙයින් අනිද්දා දින රට පුරා රෝහල්වල සේවයෙන් බැහැර වී වෘත්තීය ක්‍රියාමාර්ගයක නිරතවීමට ඒකාබද්ධ සෞඛ්‍ය සේවක සංගමය තීරණය කර තිබෙනවා.

සෞඛ්‍ය ආදේශක සේවකයින් ස්ථීර නොකිරීම ඇතුළු ඉල්ලීම් 11ක් සම්බන්ධයෙන් මීට පෙර ද ඔවුන් වෘත්තීය ක්‍රියාමාර්ගවල නිරත වී තිබුණා.

මේ අතර ශ්‍රී ලංකා සංචාරක රියදුරු එකමුතුව ඊයේ මාධ්‍ය හමුවක් පවත්වමින් කියා සිටියේ තමන්ට ලීසිං වාරික ගෙවීමට ලබාදී තිබූ සහන කාලය මාර්තු 31 වනදායින් අවසන් වීමට නියමිත බැවින් එය තවත් වසරකින් දීර්ඝ කරන ලෙසටයි.

ඔබේ ප්‍රතිචාරය කුමක්ද ?
පට්ට !
0
11.svg?v=2.6
අවුල් වගේ !
0
22.svg?v=2.6
හරි හිනා !
0
3.svg?v=2.6
හම්මෝ !
0
31.svg?v=2.6
මාර දුකයි !
0
27.svg?v=2.6
මලපනිනව !
0
30.svg?v=2.6
කුජීතයි !
0
48.svg?v=2.6

සතියේ පලවූ මෙවැනිම පුවත්

Subscribe
Notify of
guest
0 Comments
Inline Feedbacks
සියලු ප්‍රතිචාර බලන්න !

අපගේ නවතම පුවත්

සතියේ පලවූ තවත් පුවත්

මහ රෑ මහ මඟදී යතුරුපැදිකරුවෙකුට අමානුෂික වූ පසුපැදිකරුවෙකු කළ දේ

යතුරුපැදිකරුවෙකුට තවත් යතුරු පැදිකරුවන් දෙදෙනෙකු විසින් අමානුෂික ලෙස පහර දෙන අයුරු දැක්වෙන වීඩියෝවක් සමාජ...

පහරදී මරා දැමු තරුණයෙකුගේ සිරුරුක් කැළණියෙන් හමුවෙයි

පෑලියගොඩ, වනවාසල පාරේ තිබී තරුණ පුද්ගලයෙකුගේ මළ සිරුරක් හමුවී ඇති බව පොලිසිය සඳහන් කර...

කාලගුණ අනාවැකි

දිවයිනේ බොහෝ ප්‍රදේශවල පස්වරු 01.00 න් පමණ පසුව වැසි හෝ ගිගුරුම් සහිත වැසි ඇති...

ලබන වසරේ ඉන්ධන හිඟයක් ඇති නොවෙන්න කැබිනට් මණ්ඩලය ගත් තීරණය

එළඹෙන වසරේ මාස අටක කාලයක් තුළ පෙට්‍රල් හා ඩීසල් ආනයන කිරීම සඳහා සිංගප්පූරුවේ විටෝල්...

මහින්ද දේශප්‍රිය සමාජ මාධ්‍යයෙන් ඉවත්වුණ හේතුව මෙන්න

තමාට ඉලෙක්ට්‍රොනික හෝ ඩිජිටල් තිර දෙස බැලීමෙන් වැලකී සිටින ලෙස වෛද්‍ය උපදෙස් ලැබී ඇති...
0
මේ පුවත ගැන ඔබේ ප්‍රතිචාරය කුමක්ද ?x
()
x