27 C
Colombo
Sunday, April 11, 2021

පොලිස් නිලධාරියාගෙන් ගුටි කෑ රියදුරු සියල්ල හෙළි කරයි

මහරගම පන්නිපිටිය ප්‍රදේශයේදී පොලිස් නිලධාරියෙකු අතින් අමානුෂික ලෙස පහර කෑ රියදුරු තමන්ගේ එම අමිහිරි අත්දැකීම පිළිබඳව සියල්ල හෙළි කර තිබේ. මෙලෙස පහර කෑමට ලක්ව තිබුණේ කලෙයිමගන් ප්‍රවීන් නම් තරුණයෙකි. එළවළු වෙළෙඳාමේ නිරත වන ප්‍රවීන් පසුගිය 29 වැනිදා අලුයම 1ට පමණ බණ්ඩාරවෙල නගරයේ සිට කොළඹ බලා පිටත්ව පැමිණ ඇති අතර පන්නිපිටිය ප්‍රදේශයේ දී ඔහුව මාර්ග තදබදයට හසුව තිබේ.

ඔහු එම අත්දැකීම පිළිබඳව පවසමින් කියා සිටියේ “..මම උදේ 8 – 8.15 වෙනකොට තමයි මාව ට්‍රැෆික් එකට සෙට් වුණේ…එතනට ඇවිල්ලා මම ට්‍රැෆික් එකේ ඉන්නකොට අව්වේ සැරට නින්ද ගියා..ඒ නිදිමතෙන් තමා මංවත් දන්නේ නැහැ වාහනේ මං හිටපු පැත්තේ ඉඳලා අනිත් පැත්තට පාරට හැරුණේ කියලවත් මතක නැහැ.. අර ගැට්ටේ වැදුණාට පස්සේ තමා මං එක පාර ඇහැරුණේ…” ලෙසිනි.

තමන් ඇහැරුණු පසුව වාහනය ඉස්සරහ කෙනෙක් සිටින බව දුටු බව පැවසූ ප්‍රවීන් තවදුරටත් සඳහන් කර සිටියේ “මගේ වාහනේ ඉස්සරහ එක්කෙනෙක් යට වෙන්න ඔන්න මෙන්න ඉන්නවා කියලා ඇහැට පෙනුණා..OIC මහත්තයා ඉන්න එක මට ඒ වෙලාවේ තමා පෙනුණේ..” ලෙසිනි. 

ඔහු වැඩිදුරටත් සඳහන් කර සිටියේ කවුරුන් හෝ අනතුරකට පත් වෙන්න ඉන්නවා නම් කෙළින්ම ගිහින් අනතුරට පත් නොකරන බවත් තමන් එම නිලධාරියාව දුටු ගමන් වාහනය ආපසු හරවාගන්නට කටයුතු කළ බවත් සඳහන් කළේය. එම අවස්ථාවේදී මහරගම පොලිසීයේ රථවාහන ස්ථානාධිපතිවරයා ගැටුණු බව ඔහු සඳහන් කළේය.

එම අනතුර සිදු වුණු සැනින් වාහනයේ අත් තිරිංග ක්‍රියාත්මක කර වාහනය නවත්වා ගත් බව පැවසූ ඉන්පසු ප්‍රවීන් සිදුවීම විස්තර කළේ මෙලෙසිනි, “..මම බහින්න කළින් තව පොලිස් කෙනෙක් ඇවිත් එයාම දොර ඇරලා මට ගහලා ඇදලා එළියට ගත්තේ..”. ප්‍රවීන් පවසා සිටියේ තමන් එම අවස්ථාවේ අසුන් පටියවත් ගලවා නොසිටි බවයි. 

තමන් අසුන් පටි ගලවා එළියට බැස්ස පසු තමන්ට එම පොලිස් නිලධාරියා පහර දීම ආරම්භ කළ බවද ප්‍රවීන් සඳහන් කළේය. පොලිස් නිලධාරියා තමන්ව ඇද එළියට ගත් අවස්ථාවේ තමන්ගේ කමිසයද ඉරි ගිය බවද ඔහු වැඩිදුරටත් සඳහන් කළේය.

“මම ලොරියෙන් බැස්ස පාර කිසිම දෙයක් කිව්වෙත් නැහැ, කිසිම දෙයක් ඇහුවෙත් නැහැ කෙළින්ම ගහන්න පටන් ගත්තා..” යැයි පැවසූ ප්‍රවීන් කියා සිටියේ අනතුරට පත් වූ නිලධාරියාව එම අවස්ථාවේ කාර් රථයකට නංවන ආකාරය තමන් දුටු බව පැවසූ ඔහු කියා සිටියේ “මොකක් හරි ලොකු සිද්ධියක් වුණා කියලා මම හිතුවා.. ඒ බයෙන් මං හිටියේ…” ලෙසිනි. 

තමන් නිලධාරියාට වූ සිදුවීම කීමට උත්සාහ කළ තමන්ට ඔහු දිගටම පහර දුන් බවත්, එතන සිටි තවත් පුද්ගලයෙකු පැමිණ පහර දුන් බවද ඔහු කියා සිටියේය. එම පොලිස් නිලධාරියා තමන්ට කකුල් මාට්ටුවක් දමා බිම දමා ඇඟට පැන්න බවද ප්‍රවීන් පවසා සිටියේය. 

තමන්ට පහර දෙන අවස්ථාවේ ‘දෙමළා’ යනුවෙන් අමතා පරුෂ වචනයෙන් බැන පහර දුන් බවද කලෙයිමගන් ප්‍රවීන් පවසා සිටියේය.

පහර දීමෙන් පසුව තමන්ව සිය ලොරි රථයටම දමාගෙන මහරගම පොලිස් ස්ථානය වෙත ගෙන ආ බවත්, එම අවස්ථාවේ තමන්ගේ වෙළෙඳසැල් හිමියා අමතා සිදුවීම කී බවත්, අනතුරු සිදු වූ ස්ථානය පවා නොදැන සිටි නිසා තමන්ට පහර දුන් පොලිස් නිලධාරියා වෙත දුරකථනය දුන් අවස්ථාවේ ඔහු පරුෂ වචනයෙන්ම වෙළෙඳසැල් හිමියාටද බැන වැදුණු බවද ඔහු සඳහන් කළේය.

රෝහලේ දී තමන්ට පහර දුන්නාදැයි විමසා සිටි බවත් ප්‍රවීන් පවසා සිටි අතර තමන් සිදුවු දෙය පිළිබඳව පැහැදිළි කළ බවත් ප්‍රකාශ කළේය. පසුව පහර දීම පරික්ෂා කරන බව රෝහලෙන් පැවසූවත් තමන් නැවත රෝහලට ගිය අවස්ථාවේ එය පරික්ෂා නොකළ බව ඔහු කියා සිටියේය.

පසුව තමන්ව රෝහල් ගත කළ බවත් එහිදී තමන්ගේ රුධිර සාම්පල් සහ මුත්‍රා සාම්පල් ලබාගත් බවද ඔහු සඳහන් කළේය. පොලීසියේ දී සිදු වූ දෙය පිළිබඳව විමසා සිටි බවත්, කිසිදු හිරිහැරයක් නොකළ බවත් ඔහු කියා සිටියේය.

කලෙයිමගන් ප්‍රවීන් මේ සිදුවීම ගැන කියා තිබුණේ යුටියුබ් නාලිකාවක් සමඟ සංවාදයකට එකතු වෙමිනි.

පෙර පුවත් – පොලිස් නිලධාරියෙකු මහමගදී රියදුරෙක්ට පහර දී පොලොවේ ගසා ඇග උඩටත් පනී..

UPDATE :පන්නිපිටියේ පොලිස් පහරදීමට හේතුවූ සිදුවීමේ වීඩියෝව එලියට

මහරගම රියදුරාට උඩ පැන පහරදුන්නේ පොලිසියේ සිටි ක්‍රීඩකයෙක්

ඔබේ ප්‍රතිචාරය කුමක්ද ?
පට්ට !
58
අවුල් වගේ !
42
හරි හිනා !
41
හම්මෝ !
33
මාර දුකයි !
147
කුජීතයි !
112
මලපනිනව !
325
Subscribe
Notify of
guest
1 Comment
Oldest
Newest Most Voted
Inline Feedbacks
සියලු ප්‍රතිචාර බලන්න !

තවත් මෙවැනිම පුවත්

යාපනය නගරාදිපති අත්අඩංගුවට ගැනීම ගැන ඇමරිකාවේ විරෝධය

යාපනය නගරාදිපති විශ්වලිංගම් මනිවන්නන් මහතා පොලිසිය විසින් අත්අඩංගුවට ගැනීම සම්බන්ධයෙන් කොළඹ සිටින ඇමරිකානු තානාපතිනිය...

රසකැවිලි හා බේකරි නිෂ්පාදකයින්ට පාම් තෙල් ආනයනයට විශේෂ බලපත්‍රයක්

රසකැවිලි හා බේකරි නිෂ්පාදකයින්ට ඔවුන්ගේ නිෂ්පාදන ක්‍රියාවලිය සඳහා පාම් තෙල් ආනයනය කිරීමට විශේෂ බලපත්‍ර...

රිය අනතුරකින් පොලිස් සැරයන්වරයෙකු මරුට

ධාවනය වූ ලොරි රථයක් මාර්ගය අයිනේ නවතා තිබූ යතුරුපැදියක ගැටී එම යතුරුපැදියේ සිටි පොලිස්...

කොරෝනා මරණ 596 දක්වා ඉහළට

මෙරටින් තවත් එක් කොරෝනා වෛරස් ආසාදිත මරණයක් අද (10) වාර්තාවී තිබෙනවා.ඒ අනුව මෙරට සමස්ත මරණ...

ගූගල් අලුත්ම පියවර ලංකාවට

ශ්‍රී ලංකාව තුළ ගෘහස්ත සිතියම් තාක්ෂණය හඳුන්වාදුන් පළමු අවස්ථාව සනිටුහන් කරමින් ශ්‍රී ලංකන් ගුවන්...

අපගේ නවතම පුවත්

1
0
මේ පුවත ගැන ඔබේ ප්‍රතිචාරය කුමක්ද ?x
()
x