පොලිසියේ ඉහල තනතුරු 05ක් තවමත් පුරප්පාඩුයි

පොලිස් දෙපාර්තමේන්තුවේ ඉහල තනතුරු කිහිපයක් තවමත් පුරප්පාඩු පවතිනවා. මේ වන විට ජේ්‍යෂ්ඨ නියෝජ්‍ය පොලිස්පති තනතුරු 05ක් පුරප්පාඩු පවතින බවයි මහජන ආරක්ෂක රාජ්‍ය අමාත්‍ය රියර් අද්මිරාල් ආචාර්ය සරත් වීරසේකර ප්‍රකාශ කළේ.

ඉදිරි සතියේදී පුරප්පාඩු පවතින ජේ්‍යෂ්ඨ නියෝජ්‍ය පොලිස්පති තනතුරු 05 සඳහා නිලධාරින් පත් කරන බවද ඔහු සඳහන් කළා. ජේ්‍යෂ්ඨ නියෝජ්‍ය පොලිස්පතිවරුන් 12 දෙනෙකු පත් කළ යුතුව තිබුණද මේ දක්වා එම තනතුරුවල රාජකාරී සිදු කරන්නේ ජේ්‍යෂ්ඨ නියෝජ්‍ය පොලිස්පතිවරුන් 07 දෙනෙකු පමණයි. මේ හේතුවෙන් දැනට සිටින එම ජේ්‍යෂ්ඨ නියෝජ්‍ය පොලිස්පතිවරුන් 07 දෙනාට වැඩි රාජකාරි කොටසක් කිරීමට සිදුව තිබෙනවා.

ජේ්‍යෂ්ඨ නියෝජ්‍ය පොලිස්පතිවරු 05 දෙනෙකු විශ්‍රාම යාමත් සමග එම තනතුරු පුරප්පාඩු වුණා. ප්‍රධාන පොලිස් පරීක්ෂකවරුන් සහකාර පොලිස් අධිකාරී තනතුරට උසස් කිරීම් සඳහා වන සම්මුඛ පරීක්ෂණද මේ වන විට අවසන්ව තිබෙනවා. එම උසස් කිරීම්ද ඉදිරියේදී ප්‍රකාශයට පත් කරන බවයි මහජන ආරක්ෂක අමාත්‍ය රියර් අද්මිරාල් ආචාර්ය සරත් වීරසේකර වැඩිදුරටත් සඳහන් කළේ.

ඔබේ ප්‍රතිචාරය කුමක්ද ?
පට්ට !
0
අවුල් වගේ !
0
හරි හිනා !
0
හම්මෝ !
0
මාර දුකයි !
0
මලපනිනව !
0
කුජීතයි !
0

සතියේ පලවූ මෙවැනිම පුවත්

Subscribe
Notify of
0 Comments
Inline Feedbacks
සියලු ප්‍රතිචාර බලන්න !

අපගේ නවතම පුවත්