Central Bank Central Bank

බල්ලො අල්ලගෙන ගිය ජෝඩුවක් අල්ලයි

අමානුෂික අන්දමින් සහ සැක කටයුතු ලෙස සුනඛයින් 6 දෙනෙකු රැගෙන යමින් සිටි යුවළක් අද (12) අත්අඩංගුවට ගත් බව වාද්දුව පොලිසිය පවසයි.

සුනඛයින් සුරැකීමේ සංවිධානයක් විසින් පොලිස් හදිසි ඇමතුම් අංශයට ලබාදුන් තොරතුරකට අනුව පොලිස් පරීක්ෂක තුසිත සිල්වා ඇතුළු පොලිස් කණ්ඩායම වාද්දුව දුම්රිය පොළ ආසන්නයේ දී ගැබ්බර බැල්ලියක සහ ගැහැනු පැටවුන් පස්දෙනෙකු සමග සැකකරුවන් අත්අඩංගුවට ගෙන තිබේ.

කොළඹ 2 , ජෝෂන් වීදියේ පදිංචි මොහොමඩ් සුද්ධීක් මොහොමඩ් (42) සහ වැලිපිටිය කෝරළගේ ශ්‍රියානි නමැති (38) හැවිරිදි කාන්තාවක් මෙලෙස අත් අඩංගුවට ගෙන තිබේ.

සැකකරුවන් දෙදෙනා පානදුර අධිකරණයට ඉදිරිපත් කිරීමෙන් පසු ලබන 18 දක්වා රක්ෂිත බන්ධනාගාර ගතකරන ලෙස පානදුර අතිරේක මහේස්ත්‍රාත් ලහිරු එන් සිල්වා මහතා නියම කර තිබේ.

සැකකරුවන් මානසික ආබාධයකින් පෙලෙනවාද යන්න සොයාබැලීම සදහා මානසික වෛද්‍යවරයකු හමුවට පමුණුවාලීමට අවසර ලබාදෙන ලෙසත් උප පොලිස් පරීක්ෂක සුදත් ප්‍රනාන්දු මහතා අධිකරණයෙන් ඉල්ලා ඇත.

ඊළඟ නඩුවාර දිනයේදී වෛද්‍ය වාර්තාවක් අධිකරණයට ඉදිරිපත් කිරීම සඳහා සැකකරුවන් මානසික වෛද්‍යවරයෙකු හමුවට පමුණුවාලීමට පොලීසියට අවසර ලබාදෙන ලෙස අධිකරණය විසින් බන්ධනාගාරයට නියම කර තිබේ.

ඒ අතරම සුනඛයින් පංශු වෛද්‍යවරයෙකු වෙත ඉදිරිපත් කර සුරතල් සතුන් රැක බලගන්නා මධ්‍යස්ථානයක් වෙත යොමු කරන ලෙස ද අධිකරණය නියම කර තිබේ.

ඔබේ ප්‍රතිචාරය කුමක්ද ?
පට්ට !
14
අවුල් වගේ !
2
හරි හිනා !
1
හම්මෝ !
0
මාර දුකයි !
9
මලපනිනව !
3
කුජීතයි !
4

සතියේ පලවූ මෙවැනිම පුවත්

Subscribe
Notify of
0 Comments
Inline Feedbacks
සියලු ප්‍රතිචාර බලන්න !

අපගේ නවතම පුවත්