බැසිල් ඉද්දී ඉන්ධන මිල වැඩි කරන්න දුන්නෙ නෑ….- බිමල්

ආණ්ඩුව රටේ ඉන්ධන මිල ගණන් පෙර නොවූ විරූ ආකාරයෙන් ඉහළ දැමීම හේතුවෙන් ජනතාවගේ පීඩනය දෙගුණ තෙගුණ වී ඇතැයි ජනතා විමුක්ති පෙරමුණේ ජාතික සංවිධායක බිමල් රත්නායක පැවසීය.

ජනතා විමුක්ති පෙරමුණේ බත්තරමුල්ල ප්‍රධාන කාර්යාලයයේදී  පැවැති මාධ්‍ය හමුවකදී ඔහු මේ බව පැවසීය.

ලංකා ඉතිහාසයේ වැඩිම තෙල් මිල ආණ්ඩුව මෙවර ලබාදී තිබෙන බවත්, නමුත් ලෝක වෙළඳපොළේ තෙල් බැරලයක මිල මීටත් වඩා වැඩි වූ අවස්ථා මීට පෙර පැවති බවත් හෙතෙම කීවේය. පහුගිය මාසවලදී බොර තෙල් යම් ප්‍රමාණයක ඉහළ යාමක් පැවතියත් ඔමික්‍රොන් ප්‍රභේදයේ පැතිරීමත් සමගම යුරෝපයේ රටවල්වල සංචාරක සීමා පැනවීම නිසා ලෝක වෙළඳපොළේ තෙල් මිල ගණන් යම් අඩුවීමක් සිදුවූ බවත්, ආණ්ඩුව තෙල් මිල වැඩිකිරීම සිදුකර ඇත්තේ ලෝක වෙළඳපොළේ තෙල් මිල අඩු වෙමින් තිබෙන අවස්ථාවක බවත් ඔහු කීවේය. ඛනිජ තෙල් ඇමතිවරයා හා ඛනිජ තෙල් නීතිගත සංස්ථාව රූකඩ බවට පත්කර තිබෙන බවත්, තෙල් මිල වැඩිකිරීමට අදාළ සාකච්ඡා ආණ්ඩුව තුළ සිදුවුණේ දෙසැම්බර් 13වැනිදා අයවැය අවසන් වූ පසුව බවත් ඒ මහතා කීය. නමුත් ඒ මොහොතේ කැබිනට් මණ්ඩලය තුළ මේ පිළිබඳව සාකච්ඡා වෙද්දී බැසිල් රාජපක්‍ෂ මුදල් අමාත්‍යවරයා තමන් ලංකාව තුළ සිටියදී මිල වැඩිකිරීමට ඉඩ නොදුන් බව ප්‍රසිද්ධ රහසක් බවද, ඒ අවස්ථාවේ ඛනිජ තෙල් ඇමතිවරයාට මිල වැඩිකිරීමට ඉඩ නොදුන් නමුත් පෙරේදා රාත්‍රියේ ඛනිජ තෙල් සංස්ථාව මිල වැඩි කර ඇත්තේ මුදල් අමාත්‍යාංශයේ ඉල්ලීම මත බවද ජාතික සංවිධායකවරයා පැවැසීය. ඉන්ධන මිල වැඩි කරනු ලැබුවේ ඩොලර් සංචිත රැක ගැනීමට බවට ආණ්ඩුවේ මාධ්‍ය ප්‍රකාශක ඇමැති ඩලස් අලහප්පෙරුම පැවසුවත්, ලංකාවේ තෙල්වල රුපියල් මිල වැඩි කළ විට ඩොලර් සංචිත ඉහළ යන්නේ කෙසේද යන්න ගැටලුවක් බවද ඔහු කීවේය. බැසිල් රාජපක්ෂ ඇමතිවරයා මේ රටේ තමන්ගේ රැකියාව සහ ව්‍යාපාර කටයුතු කිරීමෙන් පසුව නිවාඩුව ගත කිරීමට ඇමරිකාවට ගොස් තිබෙන බවත්, ඔහු සිටින මොහොතේ ඉන්ධන වැඩි කිරීමට ඉඩ නොදී තිබෙන්නේ ඔහුගේ නිවාඩුවට බාධාවක් වන නිසා විය යුතු බවත් හෙතෙම පැවසීය.

බැසිල් රාජපක්‍ෂ මුදල් ඇමැතිවරයා මිල වැඩිකිරීමට අදළ තීරණය ගෙන එය ක්‍රියාත්මක කිරීමේ වගකීම ඔහුගේ ඇඟට නොවැටෙන ආකාරයට සිදුකර ඇති බව ඉතාම පැහැදිලි බවද, රාජපක්‍ෂවරු රටේ ආර්ථිකය හැසිරවීමෙන් සියයට 60 – 70කට වගකියන බවත් ඉන් සිදුවන්නා වූ මහජන පීඩාව තමන්ගේ ඇඟට නොගෙන ආණ්ඩුව තුළ සිටින අන්තේවාසික ඇමැතිවරුන් පිටින් යවන බවද ඔහු පවසයි.

ඔබේ ප්‍රතිචාරය කුමක්ද ?
පට්ට !
1
අවුල් වගේ !
0
හරි හිනා !
1
හම්මෝ !
0
මාර දුකයි !
4
මලපනිනව !
0
කුජීතයි !
2

සතියේ පලවූ මෙවැනිම පුවත්

Subscribe
Notify of
0 Comments
Inline Feedbacks
සියලු ප්‍රතිචාර බලන්න !

අපගේ නවතම පුවත්