32 C
Colombo
Wednesday, December 8, 2021
Atlas Ad

බුදුන් වඳින්න ගිය පුංචි දැරියට කුරුමාණම් ඇල්ලූ නරුමයාට සිදු වු දේ

බුදුන්ට පූජා කිරීම සඳහා මල් කැඩීමට ගිය 9 හැවිරිදි දැරියක් රුපියල් 100 බැගින් ලබා දී අවස්ථා කිහිපයකදීම බරපතළ ලෙස ලිංගික අපයෝජනයට ලක් කළ පුද්ගලයෙකුට ගම්පහ මහ අධිකරණය විසින් වසර 12ක බරපතළ වැඩ සහිත සිරදඬුවම් නියම කර තිබෙනවා.

මීට අමතරව ඔහු වරදකරු වූ චෝදනා තුනට රු. 25,000 බැගින් රු.75,000ක දඩ මුදලක් ද, එක් චෝදනාවකට ලක්ෂ 2 බැගින් චෝදනා තුනට ලක්ෂ 6ක වන්දි මුදලක් වින්දිත දැරිය ට ගෙවන ලෙස අධිකරණය නියෝග කළා.

දඩ මුදල නොගෙවන්නේ නම් සිර දඬුවම මාස 18 කින් ද වන්දි මුදල් නොගෙවන්නේ නම් සිර දඬුවම වසර 3කින්ද දීර්ඝ වනු ඇත.

මෙම සිදුවීම පසුගිය 2013 වර්ෂයේ දී සිදුවී ඇති අතර මල් කැඩීමට විත්තිකරුගේ ඉඩමට පැමිණි දැරිය රවටා නිවස තුළට කැඳවාගෙන ගොස් රු. 100 බැගින් ලබා දී ලිංගික අතවර කර තිබෙනවා.

විත්තිකරු 55 හැවිරිදි විපුලසේන නැමැති විවාහක පුද්ගලයෙකි.

මේ වනවිට දැරිය ළමා නිවාසයක ජීවත් වන අතර මිතුරු මිතුරියන් සමග කෙලිදොලින් ගත කළයුතු කාලයක් මෙලෙස ළමා නිවාසයක ගතකිරීමට සිදුවීම අවාසනාවන්ත තත්ත්වයක් බවයි මහාධිකරණයේදී සඳහන් කෙරුණේ.

සමාජය ගැන හෝ ලිංගිකත්වය ගැන කිසිදු දැනුමක් නොමැති දැරියක් මෙලෙස රු.100ක් වැනි මුදලක් දී රවටා අපයෝජනය කිරිම බරපතල අපරාධයක් බව තීන්දුව ප්‍රකාශ කිරීමට පෙර මහාධිකරණ විනිසුරුවරයා කියාසිටියා.

ඔබේ ප්‍රතිචාරය කුමක්ද ?
පට්ට !
0
අවුල් වගේ !
3
හරි හිනා !
0
හම්මෝ !
0
මාර දුකයි !
20
මලපනිනව !
14
කුජීතයි !
6

සතියේ පලවූ මෙවැනිම පුවත්

Subscribe
Notify of
0 Comments
Inline Feedbacks
සියලු ප්‍රතිචාර බලන්න !

අපගේ නවතම පුවත්