Central Bank Central Bank

මංගල සාදයේදී ඇද වැටුණු තරුණයා මරුට

මංගල උත්සවයකට සහභාගී වී නර්තනයේ යෙදී සිටි තරුණයෙකු හදිසියේ බිම ඇද වැටී මියගොස් ඇතැයි පානදුර උතුර පොලීසිය පවසයි.

වාද්දුව, පොතුපිටිය, තිස් එකේ වත්ත ප්‍රදේශයේ පදිංචිව සිටි සුසෙව් හේවගේ නිශාන් ලක්ෂාන් ජයරත්න නැමැති 24 හැවිරිදි තරුණයකු  මෙලෙස මියගොස් තිබේ.

ඔහු ඊයේ (13) පානදුර, ගොරකාන  ප්‍රදේශයේ හෝටලයක පැවතී සිය සේවා ස්ථානයේ මිතුරියකගේ විවාහ මංගල  උත්සවයකට  සහභාගී වී සිට ඇත.

එහිදී ඔහු නර්තනයේ යෙදී සිට ඇති අතර, හදිසියේ  බිම ඇද වැටී පානදුර මූලික රෝහලට රැගෙන ගොස් ඇති බව පොලිසිය කියයි .

රෝහල් ගතකිරීමේදී තරුණයා මියගොස් ඇති අතර , පීසීආර් පරීක්ෂණයකින් පසු පශ්චාත් මරණ පරීක්ෂණය සිදුකිරීමට නියමිත බැව්  රෝහල් ප්‍රකාශකයෙක් පැවසීය.

ස්ථානාධිපති පොලිස් පරීක්ෂක සංජීව ලක්මාල් මහතාගේ උපදෙස් පරිදි පානදුර උතුර පොලිසිය සහ පානදුර   රෝහල් පොලිස් සැරයන් එම්.එන්. ධර්මරත්න (55323) පරීක්ෂණ පවත්වති .

ඔබේ ප්‍රතිචාරය කුමක්ද ?
පට්ට !
0
අවුල් වගේ !
1
හරි හිනා !
0
හම්මෝ !
1
මාර දුකයි !
11
මලපනිනව !
0
කුජීතයි !
1

සතියේ පලවූ මෙවැනිම පුවත්

Subscribe
Notify of
0 Comments
Inline Feedbacks
සියලු ප්‍රතිචාර බලන්න !

අපගේ නවතම පුවත්