මම හිතනවා දෙවියන්ගෙ පිහිටෙන් ඔක්කොම හොඳින් කෙරුණා කියලා

මම කොහොමත් එක දිගටම වැඩ භාර අරගෙන කරන කෙනෙක් නෙමෙයි. පහුගිය කාලේ එක දිගටම මම රංගනයේ යෙදුණු ටෙලිනාට්‍ය විකාශනය වුණා. කොරොනා වසංගතය එක්ක කෙටි විරාමයක් ගත්තා. අලුත් වැඩකට කියලා මෑතකදි මම දායක වුණේ සමන් කුමාර අයියගේ නිර්මාණයකට තමයි 

ඔබේ නිහඬ බව කොපමණ කලකට සීමා වී තිබුණද?

මාස හත අටකට පස්සෙ තමයි මේ ටෙලිනාට්‍ය විකාශනය වෙන්නෙ. ඉදිරියේදි තව ඩ්‍රාමා දෙකක් එන්න තියෙනවා. ඒ දෙක විකාශනය වුණහම තව නිර්මාණ භාර අරගෙන කරන්න ඉන්නවා. නමුත් ඒ අතරේ හොඳ දෙයක් ලැබුණොත් අනිවාර්යයෙන් බාර ගන්නවා.

තිසුරි කියන්නෙ සම්මානිත රංගන ශිල්පිනියක්. කලින් කලට නිහඬ වීම ලැබූ සම්මානයට අසාධාරණයක් නෙමෙයිද?

සම්මානයක් ගත්තා කියලා අපි හැම නිර්මාණයක්ම කරන්න ඕනේ කියන තැන මම නැහැ. මට කැමැති නිර්මාණයක් ලැබුණොත් එය මෙගාද නැද්ද කියලා බලන් නැතුව කරපු කෙනෙක් මම. පෞද්ගලිකව මම කැමතියි පොඩි විරාමයක් අරගෙන වැඩ කරන්න. ඒ ලැබෙන විරාමයේදී අපිට පුළුවන් අපේ දැනුමෙන් රංගනය තව තවත් ඔපමට්ටම් කරගන්න. එක දිගටම නිර්මාණ භාර ගෙන වැඩ කළොත් එය හරිම ඒකාකාරීයි. මම කොහොමත් ඩ්‍රාමා දෙකක් විතර විකාශනය වුණහම මාස හතරක වගේ විරාමයක් ගන්න කෙනෙක්. ඒ කාලය ඇතුළත පුළුවන් අලුත් චරිතයකට සුදානම් වෙන්න.

මවගේ හදිසි අසනීප තත්ත්වය ඔබව කම්පනයට පත් කළ කාරණයක් වුණා. ඒ කම්පනයෙන් තිසුරි ගොඩ ආවේ කොහොමද ?

මට ඒ දේ දැන ගන්න ලැබුණු වෙලාවෙ ලොකු තිගැස්මක් ආවා. නමුත් අපි වැටුණේ නැහැ. අපි වැටුණොත් අම්මත් වැටෙනවා. මගෙ අම්මා ගොඩක් ශක්තිමත් කාන්තාවක්. මම, තාත්තා, මගේ සැමියා,අම්මගෙ පවුලෙ අය, සැමියගෙ පවුලෙ අය වගේම තාත්තගෙ පවුලෙ අය, ළඟම හිතවතුන් ඒ කාලේ පුරාවට අපේ හෙවණැල්ල, ශක්තිය වුණා.

ජීවිතේ හැමදාම සතුටින් ගලාගෙන යන්නෙ නෑ. නරක කාලවලුත් එනවා. මම හිතනවා දෙවියන්ගෙ පිහිටෙන් ඔක්කොම හොඳින් කෙරුණා කියලා. ජීවිතේ කියන්නෙ හරි අවිනිශ්චිත දෙයක්. අපි හැම වෙලේම ඒ අවිනිශ්චිත බවට සුදානමින් ඉන්න ඕනේ.

අම්මගෙ අසනීප තත්ත්වය එක්ක ඔබ කොහොමද ඒ වගකීම් දරාගෙන නිර්මාණ කටයුතුවල යෙදුණේ ?

කලා කටයුතු භාර නොගන්න එක හේතුවක් අම්මගෙ අසනීපවීම. මට අම්මා ළඟ ඉන්න ඕනෑකම තිබුණා. ඒ නිසා මම වැඩ භාර ගත්තේම අඩුවෙන්ම. දැන් ඇය සුව අතට හැරෙමින් ඉන්නවා. ඒත් මට තවම ඇය ළඟම ඉන්න ඕනේ. මගේ සැමියත් කාලයකට පස්සෙ ලංකාවට ඇවිත් ඉන්නවා. අපේ පවුලට ප්‍රධාන තැන දෙන්න ඕනේ. හොඳ නිර්මාණයක් ඇරෙන්න අනිත් දේවල් මම සීමා කරලා තියෙන්නෙ.

සැමියා ගේ පැමිණීම තිසුරිට තවත් ශක්තියක් වෙන්න ඇති?

ගොඩ කාලෙකට පස්සෙ හස්බන්ඩ් ලංකාවට ආවේ. covid නිසා ඔහුට එන්න බැරුව හිටියේ. මේ දවස්වල මං ගොඩක් සතුටින් ඉන්නේ. ඔහු ළඟ ඉන්න එක මට ලොකු හයියක් සහ ශක්තියක්.

දෙන්නගේ බලාපොරොත්තු එහෙමත් දැන් අලුත් වෙලා ඇති?

අපිට තියෙන ලොකුම බලාපොරොත්තුව කාටවත් කරදරයක් නැතිව හොඳින් ජීවත් වීම. අපි දෙන්නගේම රැකියා කටයුතු ප්‍රශ්නයක් නැතිව කරගෙන ඉන්න.

පුංචි තිරයට මෙන්ම සිනමාවට සාධාරණයක් කරන්න බලාපොරොත්තුවක් නැද්ද?

ටෙලිනාට්‍යවලට තියෙන සීමාව චිත්‍රප‍ටවලටත් අදාළයි. සිනමාවේ හොඳ චරිතයක් ලැබුණොත් දෙපාරක් නොහිතා භාර ගන්නවා. අන්‍තිමට කළේ ‘ධර්ම යුද්ධය‘. ඒක මම පැනලා භාර ගත්තේ.

වෙඩින් ප්ලෑනර් කෙනෙක් වෙන්න මවපු හීනය කොයි තරම් දුරට හැබෑ වෙලාද?

ඒ හීනය ගොඩක් දුරට හැබැ වෙලා. අම්මගෙයි මගෙයි සෑහෙන කාලෙක ඉඳන් තිබුණු හීනයක් ඒක. නමුත් මගේ කාර්යබහුලත්වය එක්ක ඒ දේ ප්‍රමාද වුණා. මම දෙයක් කරනවා නම් ගොඩක් කැප වෙලා කරන කෙනෙක්. පහු ගිය ටිකේ ගත්තු විරාමය ඒ හීනෙට මුල්ගල තියන්න මම යොදා ගත්තා. මම සාර්ථක ලෙස වෙඩින් එකක් ප්ලෑන් කළා. හැබැයි මම දොඩම්ගොඩ වගේ බදා ගන්න කැමති නැහැ. අවුරුදු හතරේ ඉදන් රංගනයෙනුත් මම ආවේ හෙමින් ගමනක්.. වෙඩින් ප්ලෑනර් කෙනෙක් විදියටත් හෙමින් ගමනක් යන්න තමයි බලාපොරොත්තුව

රසඳුන

ඔබේ ප්‍රතිචාරය කුමක්ද ?
පට්ට !
0
11.svg?v=2.6
අවුල් වගේ !
0
22.svg?v=2.6
හරි හිනා !
0
3.svg?v=2.6
හම්මෝ !
0
31.svg?v=2.6
මාර දුකයි !
0
27.svg?v=2.6
මලපනිනව !
0
30.svg?v=2.6
කුජීතයි !
0
48.svg?v=2.6

සතියේ පලවූ මෙවැනිම පුවත්

Subscribe
Notify of
guest
0 Comments
Inline Feedbacks
සියලු ප්‍රතිචාර බලන්න !

අපගේ නවතම පුවත්

සතියේ පලවූ තවත් පුවත්

මවගේ 50 වැනි උපන්දින සැමරුම වෙනුවෙන් රශීප්‍රභා මුහුණු පොතට එක් කළ ආදරණිය සටහන

රශි ප්‍රභා කියන්නේ පුංචි තිරයේ නිරන්තරයෙන්ම දකින්න ලැබෙන නිලියක්. බොහෝ දෙනෙකුගේ ආදරේ ලබන නිසාම...

තාම වයස 23 යි, දවසේ ආදායම 40,000 යි… සුන්දර තරුණියන්ගේ අමුතුම සෙල්ලමක් හෙලිවෙයි

පසුගිය කාල සීමාව තුළ කොළඹ සහ ගම්පහ දිස්ත‍්‍රික්කය තුළ හොර රහසේ පවත්වාගෙන ගිය මුදලට...

රජයේ ප්‍රවෘත්ති දෙපාර්තමේන්තුවේ හිටපු ප්‍රවෘත්ති අධ්‍යක්ෂ ජ්‍යෙෂ්ඨ මාධ්‍යවේදී වසන්ත ප්‍රිය රාමනායක මහතා අභාවප්‍රාප්ත වෙයි

රජයේ ප්‍රවෘත්ති දෙපාර්තමේන්තුවේ හිටපු ප්‍රවෘත්ති අධ්‍යක්ෂ මෙන් ම ''දෙසතිය ' පුවත් සඟරාවේ හිටපු ප්‍රධාන...

මැද කොළඹ කාන්තාවෝ මහපාරේ කිරිබත් කයි

බඩු මිල ඉහළ දැමීමට විරෝධය පළ කරමින් අද දින මැද කොළඹ කාන්තාවන් උද්ඝෝෂණයක නිරත...

ඉදිරියේදී ඔන්ලයින් ගේම් ගහන්නත් බැරි වෙන ලකුණු

මාර්ගගත පරිගණක ක්‍රීඩා ව්‍යවසනයෙන් දරුවන් බේරාගැනීම සඳහා වහා මැදිහත් වන ලෙස ඉල්ලමින් "ලක්මව දියණියෝ"...
0
මේ පුවත ගැන ඔබේ ප්‍රතිචාරය කුමක්ද ?x
()
x