මවට කොවිඩ් තිබියදී අලුත උපන් බිළිඳාට හදිසි සැත්කමක් කළ වෛද්‍යවරයා

කොවිඩ් ආසාදිත මවකට බිහි වූ දරුවෙකුට සිදු කළ යුතු වූ සැත්කමක් කිරීමට අවදානම නොතකා ඉදිරිපත් වූ වෛද්‍යවරයෙකු පිළිබඳව කොළඹ රිජ්වේ ආර්යා ළමා රෝහලෙන් වාර්තා වනවා.

සාර්ථක සැත්කමකින් පසු මේ වනවිට එම ළඳරුවා දැඩි සත්කාර ඒකකයේ ප්‍රතිකාර ලබනවා.

අවිස්සාවේල්ල රෝහලේදී මවකට දරු උපතක් සිදුව තිබුණා.

එහිදී මව කොවිඩ් ආසාදිතයෙකු බව තහවුරුවීමත් සමඟ ඇය නැගෙනහිර කොළඹ මූලික රෝහලට මාරුකර එවා තිබුණා.

කෙසේ වෙතත් දිනක් වයසැති බිළිඳාට හදිසි සැත්කමක් කිරීමේ දැඩි අවශ්‍යාතාවක් මතුවීම හේතුවෙන් එම දරුවා වහා ඇතුලත් කරනු ලැබුවේ කොළඹ රිජ්වේ ආර්යා ළමා රෝහලටයි.

එම දරුවාට ද කොවිඩ් ආසාදනය වී ඇත්දැයි මතු වූ සැකය හේතුවෙන් දරුවාට හදිසි සැත්කම කිරීම වෛද්‍යවරුන්ගේ පැත්තෙන් අවධානම් තත්ත්වයක් බවට මෙහිදී කරුණු මතුවුණා.

එහෙත් එම අවදානම නොතකා දරුවාගේ සැත්කම සිදු කිරීමට ළමා රෝහලේ වෛද්‍ය සිතම්බරන් මුහුන්දන් මහතා ප්‍රමුඛ වෛද්‍ය කණ්ඩායම ඉදිරිපත් වුණා.

මේ වනවිට දරුවා රිජ්වේ ආර්යා ළමා රෝහලේ දැඩි සත්කාර ඒකකයේ ප්‍රතිකාර ලබන අතර, මව ද රෝහල්ගතව ප්‍රතිකාර ලබනවා.

ඔබේ ප්‍රතිචාරය කුමක්ද ?
පට්ට !
17
අවුල් වගේ !
0
හරි හිනා !
0
හම්මෝ !
2
මාර දුකයි !
3
මලපනිනව !
1
කුජීතයි !
0

සතියේ පලවූ මෙවැනිම පුවත්

Subscribe
Notify of
0 Comments
Inline Feedbacks
සියලු ප්‍රතිචාර බලන්න !

අපගේ නවතම පුවත්