මහා ව්‍යසනයක පෙරනිමිති – නැවේ ගින්නෙන් අම්ල වැසි සහ පිළිකා අවදානමක්

එක්ස්ප්‍රස් පර්ල් නෞකාවෙහි ගින්නේ බලපෑම හේතුවෙන් මෙරටට අම්ල වැසි වැටීමේ අවදානමක් මතුව ඇති බව විශේෂඥ කණ්ඩායම් පවසනවා.

ගින්න හේතුවෙන් නෞකාවේ සිට අධික දුමාරයක් අසට නැගෙමින් පවතින අතර එම දුමෙහි විවිධ විෂ වායූන් මෙන්ම විෂ සහිත අංශු පවතින බව සඳහන්.

මේවා අහසට ගමන් කිරීම හරහා අම්ල වැසි ඇද හැලීමේ අවදානමක් ඇති බවයි පැවසෙන්නේ.

වායුගෝලයට අධික ලෙස විෂ වායූන් නිදහස් වීම හරහා අහසෙහි ඇති ජල වාෂ්ප සමග අදාළ වායූන් ප්‍රතික්‍රියා කර සල්ෆියුරික්, නයිට්‍රික් වැනි අම්ල වර්ග නිර්මාණය වී අම්ල වලාකුළු හටගැනීම සිදුවනවා.

අනතුරුව මෙම වලාකුළුවල ඇති අම්ල, ජල බිඳු සමග මිශ්‍ර වී වර්ෂාව සමග පොළවට ඇදහැළීම අම්ල වර්ෂා ලෙස හැඳින්වෙනවා.

එක්ස්ප්‍රස් පර්ල් සිදුවීම ගත් විට අම්ලවලට අමතරව දුම් රොටු සමග අහසට නැගුණු විවිධ විෂ අංශු ද අම්ල වර්ෂාව සමග ඇදහැලීමේ ඉඩ කඩ පවතිනවා.

මේ අතර මෙම වායූන් වර්ගවලට සුළඟ හරහා විශාල දුරක් ගමන් කිරීමේ හැකියාව පවතින බැවින් අම්ල වැසි අවදානම පවතින්නේ නෞකාව ස්ථානගත වී ඇති කොළඹ අවට ප්‍රදේශයට පමණක් නොවන බව වාර්තා වෙනවා.

ලොව මින් පෙර වාර්තා වූ මෙවැනි සිදුවීම්වල දී විෂ වායු නිකුත් වූ ස්ථානයට කිසිදු සබඳතාවක් නැති ඉතා ඈත ප්‍රදේශවලට අම්ල වැසි ඇද වැටී ඇති බවත් එම නිසා මෙරට ඕනෑම ප්‍රදේශයකට අම්ල වර්ෂාවක් ඇද හැළීමේ ඉඩකඩ පවතින බවත් පැවසිය හැකියි.

එම නිසා වැසි ඇදහැළෙන අවස්ථාවන් හි වර්ෂාවට තෙමීමෙන් වැළකීමත්, වර්ෂා ජලය පානය කිරීම වැනි ක්‍රියා නොකිරීමත් වැදගත්වනවා.

අම්ල වර්ෂා හේතුවෙන් ශාක සහ සත්ත්ව යන ජීවී කොටස් දෙකටම අහිතකර බලපෑම් එල්ල විය හැකියි. 

මත්ස්‍යයින් වැනි ජලජ සතුන්ට මින් මාරාන්තික ප්‍රතිඵල ඇතිවිය හැකි බව සඳහන්. 

එමෙන්ම පාංශු ජීවීන් ද මේ හරහා මරණයට පත් වීමට ඉඩ කඩ පවතින බැවින් වක්‍රාකාර ලෙස පසෙහි සරු භාවයට ද එය බලපෑම් කරනවා. 

ශාකවලට සිදුවිය හැකි බලපෑම හේතුවෙන් කෘෂිකාර්මික කටයුතු සඳහා අම්ල වැසි මගින් බාධා එල්ල වූ අවස්ථා ලෝක ඉතිහාසයේ ද පවතිනවා.

එමෙන්ම ඇතැම් රටවල්වලට වැටී ඇති අම්ල වැසි හේතුවෙන් වනාන්තර පවා විනාශ වූ අවස්ථා තිබෙනවා. 

දරුණු ලෙස වනාන්තරවල ශාක විනාශ වුවහොත් ශාක භක්ෂක ජීවීන් ද විනාශ වී අනතුරුව මාංශ භක්ෂකයින් ද විනාශ වී යා මේ ඉඩකඩ පවතිනවා. 

ශ්‍රී ලංකාව වැනි කුඩා භූමියක් පවතින රටකට මෙවැන්නකින් සිදුවිය හැකි බලපෑම ඉතා අධික බව ද පැවසිය හැකියි. 

අම්ල වැසිවලට නිරාවරණය වන ගොඩනැගිලි ආදියට ද හානි සිදුවිය හැකි අතර විශේෂයෙන් පැරණි පිළිම සහ නටඹුන් ආදිය විනාශ වීමේ හැකියාව බොහෝ සෙයින් වැඩි වනවා.

නෞකාවෙන් නිකුත්වන දුමාරය හේතුවෙන් අම්ල වැසි අවදානමක් පමණක් නොව කෙටි කාලීන මෙන්ම දිගුකාලීන ශ්වසන රෝග හටගැනීමට ද ඉඩකඩ පවතින බව සෞඛ්‍ය විශේෂඥයින් පවසනවා.

ඇදුම වැනි ශ්වසන අපහසුතා මෙන්ම හෘද රෝග වැනි තත්ත්වයන්ගෙන් පෙළෙප පුද්ගලයින් මෙවන් තත්ත්වයක දී අවදානමක පසුවනවා.

දුමත් සමග ඉහළට නැගෙන ඉතා කුඩා විෂ අංශු කොළඹ ප්‍රදේශයේ පමණක් නොව රට පුරාම පැතිර යා හැකි බව පැහැදිලි කරුණක්.

මේදින වල නිරිත දෙසින් දිවයිනට ඇතුළුවන සුළං ඊසාන දිගින් පිටවීම මෙම අවදානම තවත් වැඩි කරවනවා.

එලෙස කෙටිකාලීන ශ්වසන රෝග සඳහා මින් බලපෑම් ඇතිවිය හැකිවනවා මෙන්ම විෂ අංශු ශරීරගත වීම මගින් දිගුකාලීන සෞඛ්‍ය ගැටළු පවා ඇති විය හැකියි.

උදාහරණයක් ලෙස බැර ලෝහ වැනි අංශු ආශ්වාස කිරීමෙන් පිළිකා තත්ත්ව වැනි දරුණු ප්‍රතිඵල අත් වීමේ හැකියාව පවතිනවා.

මේ අනුව ගත් කල එක්ස්ප්‍රස් පර්ල් නෞකාවෙහි ගින්න යනු මෙරට සාගරය සහ වෙරළාශ්‍රිත පරිසර පද්ධතියට පලපෑ විනාශයක් පමණක් නොව දිවයිනේ සෑම පෙදෙසකටම අහිතකර බලපෑම් එල්ල කරවන සිදුවීමක් ලෙස අර්ථකථනය කිරීමට පුළුවන්

ඔබේ ප්‍රතිචාරය කුමක්ද ?
පට්ට !
15
11.svg?v=2.6
අවුල් වගේ !
0
22.svg?v=2.6
හරි හිනා !
0
3.svg?v=2.6
හම්මෝ !
1
31.svg?v=2.6
මාර දුකයි !
5
27.svg?v=2.6
මලපනිනව !
1
30.svg?v=2.6
කුජීතයි !
1
48.svg?v=2.6

සතියේ පලවූ මෙවැනිම පුවත්

Subscribe
Notify of
guest
1 Comment
Oldest
Newest Most Voted
Inline Feedbacks
සියලු ප්‍රතිචාර බලන්න !

අපගේ නවතම පුවත්

සතියේ පලවූ තවත් පුවත්

කුසගින්න නිවා ගන්න තම දරුවන් අලෙවි කරන පව්කාර මිනිස්සු

ඇෆ්ගනිස්ථානය තලෙයිබාන් පාලනයට නතු වීමෙන් පසු එරට ජන ජීවිතය දිනෙන් දින දැඩි අර්බුදකාරී තත්ත්වයකට...

ගුරුවරුන් කල උද්ඝෝෂණය මැද්දට පොලීසිය කඩා පනී! අට්ටාලය කඩා දමයි

ගුරු විදුහල්පති වැටුප් ප්‍රශ්නයට පිළිතුරු ලබා දෙන ලෙස ඉල්ලමින් ඊයේ ‌ජනාධිපති ලේකම් කාර්යාලය ඉදිරිපිට...

සුපිරි හොලිවුඩ් නළුවාගේ බොරු ගිනි අවියෙන් වෙඩි වැදි කාන්තාවක් මරුට

අමෙරිකානු සුපිරි හොලිවුඩ් නළු ඇලෙක් බෝල්ඩ්වින් විසින් නිව් මෙක්සිකෝවේ චිත්‍රපටයක් රූගත කරමින් සිටින අවස්ථාවේ...

නියෝජ්‍ය පොලිස්පති මහ දවල් තරුණයෙකුට පහර දෙයි

සබරගමුව පළාත භාර ජේෂ්ඨ නියෝජ්‍ය පොලිස්පති රන්මල් කොඩිතුවක්කු විසින් තරුණයෙකුට පහර දෙන අයුරු දැක්වෙන...

නොමිලේ ‘ සැප’ ගන්න ගිය පොලිසියේ දෙදෙනෙකුට වැඩ වැරදුණු හැටි

පොලිස් පාට් දමමින් තලවතුගොඩ ප්‍රදේශයේ ‘ස්පා’ ආයතනයකට ඇතුළු වී කාන්තා පහස නොමිලේ ලබාගැනීමට උත්සාහ...
1
0
මේ පුවත ගැන ඔබේ ප්‍රතිචාරය කුමක්ද ?x
()
x