මහ රෑට නිවෙස්වලට රිංගා නිදන කතුන් බැලූ අය මාට්ටු

රාත්‍රි කාලයේ නිවෙස්වලට ඇතුළු වී කාන්තාවන් නිදා සිටින ආකාරය බලා සිටි අයකු දෙවැනි වරටත් ජූලි 12 වැනිදා දක්වා රක්ෂිත බන්ධනාගාරගත කිරීමට තඹුත්තේගම මහෙස්ත්‍රාත් නුවන් කෞශල්‍ය නියෝග කළේය.

මෙසේ රක්ෂිත බන්ධනාගාරගත කළේ ගම්මාන 10, තඹුත්තේගම පදිංචි 22 හැවිරිදි තරුණයෙකි.

සවස් කාලයේ නිවෙස්වලට රිංගා නිවැසියන් නින්දට ගිය පසු කාන්තාවන් නිදා සිටින ස්ථානයට ගොස් ඔවුන් දෙස බලා සිටීම මෙම තරුණයා විසින් කලක පටන් සිදු කරගෙන ගොස් ඇති බව පොලිසිය අධිකරණයට පැවැසීය.

තඹුත්තේගම පොලිසියට ලද තොරතුරක් අනුව සිදුකළ විමර්ශනවලදී තඹුත්තේගම අවට පිහිටි අදාළ නිවෙස්වල සීසීටීවී දර්ශන මගින් මෙම පුද්ගලයා හඳුනාගෙන තිබිණි.

ඒ අනුව අත්අඩංගුවට ගත් සැකකරු තඹුත්තේගම මහෙස්ත්‍රාත් අධිකරණයට ඉදිරිපත් කිරීමෙන් පසු ජුනි 28 වැනිදා දක්වා රක්ෂිත බන්ධනාගාරගත කර තිබුණි. අනතුරුව පොලිසිය විසින් අධිකරණයෙන් කළ ඉල්ලීමක් අනුව ඔහු නැවත ජූලි 12 දක්වා රක්ෂිත බන්ධනාගාරගත කෙරුණි.

ඔබේ ප්‍රතිචාරය කුමක්ද ?
පට්ට !
0
අවුල් වගේ !
0
හරි හිනා !
4
හම්මෝ !
1
මාර දුකයි !
0
මලපනිනව !
2
කුජීතයි !
2

සතියේ පලවූ මෙවැනිම පුවත්

Subscribe
Notify of
0 Comments
Inline Feedbacks
සියලු ප්‍රතිචාර බලන්න !

අපගේ නවතම පුවත්