25 C
Colombo
Monday, June 14, 2021
logo

මාරාන්තික ඉන්දීය කොරෝනා ප්‍රභේදය ශ්‍රී ලංකාවට ඇතුළු වෙයි – රටපුරා තවත් ප්‍රභේද 5ක්

ඉන්දියාවේ ව්‍යාප්ත වන බී.1.617 වෛරස ප්‍රභේදය ආසාදනය වූ පුද්ගලයෙකු පළමුවරට ශ්‍රී ලංකාවෙන් වාර්තා වනවා.

නව ප්‍රභේදය ආසාදනය වූ පුද්ගලයා හඳුනාගෙන ඇත්තේ ගල්කිස්ස ප්‍රදේශයේ පිහිටි නිරෝධායන මධ්‍යස්ථානයකින්.

ඔහු ඉන්දියානුවෙක් වන අතර, පසුගියදා ශ්‍රී ලංකාවට පැමිණි අවස්ථාවේ ගුවන්තොටුපලේදී කළ පී.සී.ආර්. පරීක්ෂණය මගින් කොරෝනා ආසාදිතයෙකු බවට හඳුනාගෙන තිබෙනවා.

පසුව, ප්‍රතිකාර ලැබූ ඔහු සුවය ලබා ඇති අතර, මේ වනවිට දින 14 ක් නිරෝධායනයට ලක්වෙමින් සිටින බවයි වාර්තා වන්නේ.

එම පුද්ගලයාගෙන් ලබා ගත් සාම්පල ශ්‍රී ජයවර්ධනපුර විශ්වවිද්‍යාලයේ පරීක්ෂණ කණ්ඩායමක් මගින් අදියර කිහිපයක් යටතේ පරීක්ෂාවට ලක් කර ඇති අතර එහිදී මෙම ඉන්දීය ජාතිකයාට ඉන්දියාවේ සීඝ්‍රයෙන් පැතිර යන බී.1.617 ප්‍රභේදය වැළදී තිබූ බවට අනාවරණ වී තිබෙනවා.

ලෝක සෞඛ්‍ය සංවිධානයේ නිර්දේශයන්ට අනුව, මෙම ඉන්දීය වෛරස් ප්‍රභේදය  සැලකෙන්නේ දැනට ලොවපුරා පැතිර යන වෛරසයන් අතුරින් දැඩි අවධානයක් යොමුකළ යුතු කොරෝනා වෛරස් ප්‍රභේදයක් ලෙසයි.

මොහු විදේශ ගතව සිට පැමිණි අයෙක් බවට අනාවරණ වී ඇති බවයි ශ්‍රී ජයවර්ධනපුර විශ්වවිද්‍යාලයේ ආසාත්මිකතා හා ප්‍රතිශක්ති විද්‍යාව සහ සෛල ජෛව විද්‍යා ආයතනයේ අධ්‍යක්ෂ වෛද්‍ය ආචාර්ය චන්දිම ජීවන්දර හිරු ප්‍රවෘත්ති අංශයට සඳහන් කළේ.

ඊට අමතරව, තවත් වෛරස් ප්‍රභේද 5 ක් ශ්‍රී ලංකාව තුල පැතිර යන බව ශ්‍රී ජයවර්ධනපුර විශ්වවිද්‍යාලයේ ආසාත්මිකතා හා ප්‍රතිශක්ති විද්‍යාව සහ සෛල ජෛව විද්‍යා ආයතනය සිදුකළ පරීක්ෂණයන් මගින් තහවුරු වී තිබෙනවා.  

ඒ අනුව, අද වනවිට ශ්‍රී ලංකාවේ වැඩි ව්‍යාප්තියක් දක්නට ලැබෙන්නේ බි්‍රතාන්‍යයේ කෙන්ට් ප්‍රාන්තයෙන් සොයා ගැණුනු බී.1.1.7 නමැති කොරෝනා වෛරස් ප්‍රභේදයයි.

කොළඹ දිස්ත්‍රික්කයට අයත් කොළඹ මහනගර සභා සීමාව, හෝමාගම, බොරලැස්ගමුව ප්‍රදේශවලින් හමුවී ඇත්තේ මෙම වෛරස් ප්‍රභේදයයි.

මීට අමතරව, කුරුණෑගල දිස්ත්‍රික්කයේ පොල්පිතිගම, කුලියාපිටිය, නිකවැරටිය, ගනේවත්ත, අම්බලන්පොල, ගිරිවුල්ල, පන්නල, වාරියපොල සහ පඬුවස්නුවර, ප්‍රදේශ මෙන්ම, මහනුවර දිස්ත්‍රික්කයෙන් සහ පොළොන්නරුව දිස්ත්‍රික්කයේ හිගුරක්ගොඩ සහ මැදිරිගිරිය ප්‍රදේශවලින් බි්‍රතාන්‍ය වෛරසය හඳුනාගෙන තිබෙනවා.

මන්නාරම නගර සීමාවෙන් හමුවූ රෝගීන් පරීක්ෂා කිරීමේදී ද හඳුනාගෙන ඇත්තේ බ්‍රිතාන්‍ය වෛරස් ප්‍රභේදයයි.

මේ අතර, ඩෙන්මාර්කය ඇතුළු යුරෝපීය රටවල සහ මෙන්ම මැදපෙරදිග පැතිර යන බී.1.428 නමැති වෛරස් ප්‍රභේදයන් යාපනය දිස්ත්‍රික්කයෙන් හඳුනාගෙන ඇති අතර එය පැතිර යන කේන්ද්‍රස්ථානය ලෙස හඳුනාගෙන ඇත්තේ නල්ලූර් ප්‍රදේශයයි.

මඩකලපුව සහ කොළඹ ඇතැම් ප්‍රදේශවල බී.1.411 නම් ශ්‍රී ලංකාවට ආවේණික වූ වෙනම කොරෝනා වෛරස් ප්‍රභේදයක් පැතිර යන බවට ද අනාවරණ වී තිබෙනවා.

එමෙන්ම, කොළඹ දිස්ත්‍රික්කයේ ඇතැම් ප්‍රදේශවලින් සහ කළුතර දිස්ත්‍රික්කයට අයත් බණ්ඩාරගම ප්‍රදේශයෙන් බී.1.525 නමැති නයිජීරියානු වෛරස් ප්‍රභේදය ද වාර්තා වී ඇති බව සඳහන්. එමෙන්ම, කොළඹ පිහිටි පෞද්ගලික නිරෝධායන මධ්‍යස්ථානයකින් බී.1.351 නමැති දකුණු අප්‍රිකානු වෛරස් ප්‍රභේදය ද හමුවී ඇති බවයි ශ්‍රී ජයවර්ධනපුර විශ්වවිද්‍යාලයේ ආසාත්මිකතා හා ප්‍රතිශක්ති විද්‍යාව සහ සෛල ජෛව විද්‍යා ආයතනය සඳහන් කළේ.

ඔබේ ප්‍රතිචාරය කුමක්ද ?
පට්ට !
0
11.svg?v=2.6 | Gossip Lanka
අවුල් වගේ !
1
22.svg?v=2.6 | Gossip Lanka
හරි හිනා !
0
3.svg?v=2.6 | Gossip Lanka
හම්මෝ !
2
31.svg?v=2.6 | Gossip Lanka
මාර දුකයි !
2
27.svg?v=2.6 | Gossip Lanka
මලපනිනව !
0
30.svg?v=2.6 | Gossip Lanka
කුජීතයි !
0
48.svg?v=2.6 | Gossip Lanka
Subscribe
Notify of
guest
0 Comments
Inline Feedbacks
සියලු ප්‍රතිචාර බලන්න !

තවත් මෙවැනිම පුවත්

කාලගුණ අනාවැකි

අද සහ හෙට (08 සහ 09) දිනවලදී දිවයිනේ නිරිත දිග ප්‍රදේශවල වැසි තත්ත්වයේ තාවකාලික...

කොවිඩ් මරණ 63ක්

කොවිඩ් ආසාදිත තවත් මරණ 63ක් සෞඛ්‍ය සේවා අධ්‍යක්ෂ ජනරාල්වරයා විසින් තහවුරු කර තිබේ.ඒ අනුව...

කාලගුණ අනාවැකි

සබරගමුව පළාතේ සහ නුවරඑළිය සහ මහනුවර දිස්ත්‍රික්කවල විටින් විට වැසි ඇතිවේ. ඇතැම් ස්ථානවලට මි.මී....

විශ්‍රාම වැටුප් අද සිට

විශ්‍රාම වැටුප් ලබාදීම අද සිට ආරම්බ වන අතර එය අද(10), හෙට(11) සහ අනිද්දා(12) යන...

සැප වාහන එපා, ඒ මුදල් ජනතාවට එන්නත් ගෙන්න යොදා ගන්න

පාර්ලිමේන්තු මන්ත්‍රීවරුන් සඳහා ලබාදිමට යන සුඛෝපභෝගී වාහන තමන් ඇතුළු සමගී ජනබල වේගය පක්ෂයේ පාර්ලිමේන්තු...

අපගේ නවතම පුවත්

0
මේ පුවත ගැන ඔබේ ප්‍රතිචාරය කුමක්ද ?x
()
x