මාස 2කට පසු දිවයිනේ වැඩිම කොරෝනා ආසාදිතයින් ඊයේ වාර්තා වෙයි

මෙලෙස ඊයේ දිනය තුළ වාර්තා වූ කොවිඩ් 19 ආසාදිතයින් සංඛ්‍යාව 578. ඔවුන් අතරින් 516 දෙනකු වාර්තා වන්නේ දිවයින අභ්‍යන්තරයෙන්. විදේශයන්හි සිට පැමිණි ශ්‍රි ලාංකිකයන් 51 සහ සංචාරකයින් එකොළහක් ද ඔවුන් අතරට අයත්. ඊයේ දිනය වනවිට කොවිඩ් -19 රෝගීන් සඳහා ප්‍රතිකාර කරනු ලබන රෝහල් 48 ක් තුල තොරතුරු වාර්තා වූයේ මෙලෙසින්. මෙම වෛද්‍ය මධ්‍යස්ථාන තුළ බරපතළ නොවන තත්ත්වයේ රෝගීන් 1665 ක් ප්‍රතිකාර ලබන බවයි සෞඛ්‍ය අංශ වාර්තා කරන්නේ.

එමෙන්ම රජයේ රෝහල් තුළ ක්‍රියාත්මක වන දැඩි සත්කාර ඒකක 23ක ප්‍රතිකාර ලබන රෝගීන් සංඛ්‍යාව 1485. පෞද්ගලික අංශයේ දැඩි සත්කාර ඒකක 03ක් තුළ තවත් පුද්ගලයින් 134 දෙනෙකු ප්‍රතිකාර ලබනවා .මේ අනුව අද උදෑසන වන විට දිවයිනේ දැඩිසත්කාර ඒකක 26 ක් තුළ ප්‍රතිකාර ලබන සමස්ත රෝගීන් සංඛ්‍යාව1619. එම වාර්තාවේ වැඩිදුරටත් දැක්වුණේ දැඩි සත්කාර ඒකකවල ප්‍රතිකාර ලබන රෝගීන් ද ඇතුළුව අද උදෑසන වන විට කොවිඩ් -19 ප්‍රතිකාර මධ්‍යස්ථාන 48ක රෝගීන් 3284 ප්‍රතිකාර ලබන බවයි.

ඒ අනුව මෙරටින් වාර්තා වන කොරෝනා ආසාදිතයින් සංඛ්‍යාව 98,050ක් ලෙස දැක්වෙන අතර තවදුරටත් රෝගීන් 3752 නෙකු රෝහල්ගතව ප්‍රතිකාර ලබනවා. සුවය ලැබූ සංඛ්‍යාව 93,668ක්. එමෙන්ම, ඊයේ නව මරණ 5ක් වාර්තා වීමත් සමග මෙරට සමස්ත මරණ සංඛ්‍යාව 630ක් දක්වා ඉහළ ගියා. සෙවනගල, ජාඇල, කැළණිය සහ රත්නපුර ප්‍රදේශවල පදිංචි අවුරුදු 57ත්, 80ත් අතර වයස්වල පසුවන පුද්ගලයින් මෙලෙස මිය ගොස් ඇති බවයි රජයේ ප්‍රවෘත්ති දෙපාර්තමේන්තුව සදහන් කළේ. එමෙන්ම ගම්පහ ප්‍රදේශයේ පදිංචි අවුරුදු 39ක පුද්ගලයෙකු ද කොරෝනා වෛරසය ආසාදනය වීමෙන් මිය ගොස් තිබෙනවා.

කොරෝනා ආසාදිතයින් වැඩි වශයෙන් වාර්තාවීමත් සමඟ කුරුණෑගල – කුඹුක්ගැටේ – පොලිස් බලප්‍රදේශයට අයත් තිත්තවැල්ගල ග්‍රාම නිලධාරී වසම ඊයේ සිට හුදෙකලා කෙරුණා.

මේ අතර, දිවුලපිටිය – අස්වැන්නවත්ත ප්‍රදේශයේ පසුගිය 15 වැනිදා පැවති අවුරුදු උත්සවයක් ආශ්‍රිතව සහ රාගම – වල්පොල ප්‍රදේශයේ පසුගිය 13 වැනිදා පැවති අවුරුදු උත්සවයක් ආශ්‍රිතව කොරෝනා ආසාදිතයින් වාර්තා වී තිබෙනවා.

ඒ අනුව දිවුලපිටිය ප්‍රදේශයේ පැවති අවුරුදු උත්සවය ආශ්‍රිතව පළමුව ආසාදිතයින් 05 දෙනෙකු හඳුනා ගැනීමත් සමග සිදුකළ කොරෝනා පරීක්ෂණවලින් තවත් ආසාදිතයින් 24 දෙනෙකු වාර්තා වුණා.

එම අවුරුදු උත්සවය සහ අම්බුළුවාවේ විනෝද චාරිකාවක් ගිය මැල්ලවගෙදර ප්‍රදේශයේ පුද්ගලයින් හතලිස් දෙදෙනෙකුටද කොරෝනා වෛරසය ආසාදනය වී ඇති බවට ඊයේ තහවුරු වූ බවයි දිවුලපිටිය පරිපාලන මහජන සෞඛ්‍ය පරීක්ෂකවරයා කියා සිටියේ.

රාගම – වල්පොල පැවති අවුරුදු ආශ්‍රිතව මේ වනවිට කොරෝනා ආසාදිතයින් 08 දෙනෙකු හඳුනාගෙන ඇති බව ද ප්‍රදේශය භාර මහජන සෞඛ්‍ය පරීක්ෂකවරයා සඳහන් කළා.

එමෙන්ම, අයි.ඩී.එච්. රෝහලට යොමුකරන කොරෝනා ආසාදිතයින් සංඛ්‍යාවද පසුගිය දින කිහිපයකට සාපේක්ෂව 40% කින් පමණ ඉහළ ගොස් තිබෙනවා. එහි මේ වනවිට ආසාදිතයින් 150 ක් පමණ ප්‍රතිකාර ලබන බවයි වාර්තා වන්නේ.

මේ අතර, නියමිත කොරෝනා පරීක්ෂණ සිදුකර නොපැමිණීම හේතුවෙන් පසුගිය 19 වැනිදා මෙරටින් ජපානය බලා පිටත්ව ගිය ගුවන් යානයක් යළි මෙරටට හරවා එවා තිබෙනවා.

එහි මගීන් 07 දෙනෙකු සිට ඇති බවයි වාර්තා වන්නේ.

ඔබේ ප්‍රතිචාරය කුමක්ද ?
පට්ට !
1
11.svg?v=2.6
අවුල් වගේ !
0
22.svg?v=2.6
හරි හිනා !
1
3.svg?v=2.6
හම්මෝ !
2
31.svg?v=2.6
මාර දුකයි !
4
27.svg?v=2.6
මලපනිනව !
0
30.svg?v=2.6
කුජීතයි !
1
48.svg?v=2.6

මෙවැනිම සතියේ ජනප්‍රිය පුවත්

Subscribe
Notify of
guest
0 Comments
Inline Feedbacks
සියලු ප්‍රතිචාර බලන්න !

අපගේ නවතම පුවත්

සතියේ පලවූ තවත් පුවත්

කාබනික පොහොර මෙට්‍රික් ටොන් 30,000ක් කොළඹ වරායට

රජ‍යේ පොහොර ආයතන දෙකක් විසින් මිලදී ගනු ලැබූ කාබනික පොහොර මෙට්‍රික් ටොන් 30,000ක් කොළඹ...

එක ගලෙන් කුරුල්ලො දෙන්නෙක් අල්ලන මහ බැංකුවේ වාහන සම්බන්ධ යෝජනාව මෙන්න

මෙරටට වාහන ආනයනය කිරීමේ දී ඊට අදාළ බදු සහ අනෙකුත් ගෙවීම් විදේශ විනිමය හරහා...

ත්‍රස්තවාදී ක්‍රියාකාරකම් නතර කරන්න ආණ්ඩුව ගත් තීරණය

ශ්‍රී ලංකාවේ දී සයිබර් අවකාශය භාවිත කරමින් සිදුකරන ත්‍රස්තවාදී ක්‍රියාකාරකම් නතර කිරීම සඳහා රාජ්‍ය...

පළාත් සංචරණ සීමා ගැන තවත් තීරණයක් ගනී

ඔක්තෝම්බර් මස 21 වෙනිදා දැනට ක්‍රියාත්මක කර ඇති පළාත් අතර සංචරණ සීමා දැඩිව ක්‍රියාත්මක...

IPL ශූරයන් චෙන්නායි සුපර් කිංග්ස්

ඉන්දීය ප්‍රිමියර් ලීග් ක්‍රිකට් තරගාවලියේ 2021 වසරේ ශූරයන් බවට පත්වීමට මහේන්ද්‍ර සිං දෝනිගේ නායකත්වයෙන්...
0
මේ පුවත ගැන ඔබේ ප්‍රතිචාරය කුමක්ද ?x
()
x