“මිනියවත් බලන්න නොදී මගේ එකම පුතාගේ ජීවිතය හොරු අරන් ගියා..”

පුතාට කොරෝනා වෛරසය වැළඳී බහරේන් රටේ පුද්ගලික රෝහලක ප්‍රතිකාර ලබමින් සිටියා. පුතා වෙනුවෙන් අපි බෝධිපූජා කළා. බෝධිපූජාව සිදුකරමින් සිටින විට පුතා මියගොස් ඇති බව දැනගත්තා යැයි කොරෝනා වෛරසය ආසාදනය වීමෙන් මියගිය නෞකාවක නාවිකයකු (සීමන්) වන යූ.එල්.චාමර ප්‍රසාද් (33) තරුණයාගේ මව වන යූ.ජී.කරුණාවතී මහත්මිය හඩා වැළපෙමින් කීවාය.

කොරෝනා වෛරසය ආසාදනය වීමෙන් මියගිය තරුණයා ගාල්ල ඕපාත උළුවිටිකේ පදිංචිකරුවෙකි. මොහු නෞකාවක නාවිකයකු ලෙස සේවය කරමින් සිටියදී කොරෝනා වෛරසය ආසාදනය වී බහරේන් රටේ පුද්ගලික රෝහලක ප්‍රතිකාර ලබමින් සිටියදී මියගොස් ඇත. මියගිය චාමර ඕපාත ප්‍රදේශයේ තරුණයින් අතර ජනප්‍රිය තරුණයෙකි. සුන්දර යොවුන් වියේ පසුවු මෙම තරුණයාගේ හදිසි වියෝවෙන් ඕපාත ගම්මානයම ශෝකයෙන් ඇළලීගොස් ඇත. සමරු යන ආදර නාමයෙන් හදුන්වන මෙම තරුණයාගේ වියෝව දරාගත නොහැකිව සිටින මව අප සමග මෙසේද කීවාය.

පුතා පසුගිය වර්ෂයේ අගොස්තු මස 17 වැනි දින තමයි නෞකාවේ සේවයට ගියේ. පුතා නැවේ රක්ෂාවට ගියවිට මාස 09ක් විතර ඉදලා තමයි ආපසු ගොඩබිමට එන්නේ. මේ වතාවේ අපි පුතාට කීවා කොරෝනා නිසා යන්න එපා කියලා. අම්මේ බය වෙන්න එපා කියලා තමයි පුතා රැකියාවට ගියේ. අන්තිමට පුතා කථා කළේ අප්‍රේල් මස 17 වැනිදා. එදා පුතා මට කීවා අම්මේ මට සෙම වගේ තියෙනවා කියලා. අපි බයවෙන නිසා පුතා අපිට කීවේ නැහැ කොරෝනා හැදිලා කියා. අප්‍රේල් මස අන්තිමේ තමයි පුතා ගොඩබිමට එන්න හිටියේ. ඉන්දියාව හා බහරේන් අතර යන නෞකාවක තමයි පුතා වැඩ කළේ. නෞකාවේ දී පුතාට කොරෝනා හැදිලා බහරේන් රටේ පුද්ගලික රෝහලට ඇතුළත් කළ බව දැනගත්තා. ඊට පස්සේ පුතා කථා කළේ නැහැ. නෞකාවේ කපිතාන්වරයා කථා කළා. පුතා වෙනුවෙන් ඔහුට නිරෝගි සුවය පුතා බෝධිපුජා කළා. යන්න පුළුවන් හැම දේවාලයකටම ගියා. හැමෝම කීවේ පුතාට කරදරයක් වෙන එකක් නැහැ කියලා. පසුගිය 14 වැනිදා උදේ පුතා වෙනුවෙන් ඕපාත දිපාරාම විහාරස්ථානයේ බෝධි පුජාවක් කරමින් හිටියා. එදා උදේ නෞකාවේ කපිතාන්වරයා තමයි කථා කරලා කීවේ පුතා මියගියා කියලා. මට අදහාගන්න බැරිවුණා. අපේ පුතා හොරු අරන් ගියා වගේ. අවසානයේ පුතා කොරෝනා මාරයා බිලිගත්තා. මට හිටපු එකම පුතා නැතිවුණා.පුතාගේ මිනියවත් දකින්න බැරිවුණා. පුතා පිළිබද තොරතුරු අපි යැව්වාට පස්සේ පුතාගේ අවසන් කටයුතු සිදුකරන බව දැනුම් දුන්නා යැයි ඇය කීවාය.

චාමර ප්‍රසාද්ගේ පියා වන යූ.එල්. සමරවීර මහතාද තම එකම පුතුගේ හදිසි වියෝවයෙන් දැඩි ශෝකයට පත්ව ඇත්තේය. ඔහුට තම පුතුගේ හදිසි වියෝව දරාගත නොහැකිය. කොරෝනා වසංගතයේ ගොදුරක් බවට පත්වු චාමර ප්‍රසාද් තරුණයා යළි නොඑන ගමන් ගොස් ඇත.

ගාල්ල ලලිත් චාමින්ද සහ එස්.කේ.කළුආරච්චි

ඔබේ ප්‍රතිචාරය කුමක්ද ?
පට්ට !
0
11.svg?v=2.6
අවුල් වගේ !
1
22.svg?v=2.6
හරි හිනා !
1
3.svg?v=2.6
හම්මෝ !
1
31.svg?v=2.6
මාර දුකයි !
41
27.svg?v=2.6
මලපනිනව !
0
30.svg?v=2.6
කුජීතයි !
1
48.svg?v=2.6

සතියේ පලවූ මෙවැනිම පුවත්

Subscribe
Notify of
guest
0 Comments
Inline Feedbacks
සියලු ප්‍රතිචාර බලන්න !

අපගේ නවතම පුවත්

සතියේ පලවූ තවත් පුවත්

සයිනොෆාම් එන්නත ගැන අලුත්ම අනාවරණය

චීනයේ නිෂ්පාදිත සයිනොෆාම් එන්නත ලබාගත් ශ්‍රී ලාංකිකයන්ගේ ශරීරවල කොවිඩ් වයිරසයට එරෙහිව ක්‍රියාත්මක වන ‘ටී...

සේවකයකු කලින් ගෙදර යැව්වොත් හාම්පුතා මාස හයක් ඇතුළේ

නියම කර ඇති වයස් සීමාවට පෙර සේවකයකු විශ්‍රාම යවන හාම්පුතුන්ට රුපියල් පන්දහසක දඩයක් සහ...

රුපියල් 98 ට සහල් ගත හැකි තැනක් ගැන බන්දුල ගුණවර්ධන හෙලි කරයි

පොන්නි සම්බා කිලෝ එකක් සතොස මගින් රුපියල් අනූ අටකට අලෙවි කිරීමට පියවර ගෙන ඇතැයි...

රාජා කොල්ලුරේ ධුරයෙන් ඉවත් කරයි

වයඹ ආණ්ඩුකාර ධුරය දරන රාජා කොල්ලුරේ මහතා ශ්‍රී ලංකා කොමියුනිස්ට් පක්ෂ සභාපතිත්වයෙන් ඉවත් කර...

අද සවස ට තද වැසි

දිවයිනේ බොහෝ ප්‍රදේශවල අද (25) සවස 01.00 පසුව වැසි හෝ ගිගුරුම් සහිත වැසි ඇති...
0
මේ පුවත ගැන ඔබේ ප්‍රතිචාරය කුමක්ද ?x
()
x