මියගිය අයගේ දේහයට බිරියන් දෙදෙනකු හිමිකම් කියයි

රිය අනතුරකින් බරපතළ තුවාල ලබා ප්‍රතිකාර ලබමින් සිටියදි මියගිය තරුණ ව්‍යාපාරිකයකුගේ දේහයට හිමිකම් කීමට විවාහක කාන්තාවන් දෙදෙනකු ඉදිරිපත්වීම නිසා ඇතිවූ ආරවුල නිරාකරණය කිරීම සඳහා අනුරාධපුර ප්‍රධාන මහෙස්ත්‍රාත්වරයාගේ නියෝග ලබාදෙන තුරු මරණය කිසිදු පාර්ශ්වයකට මුදානොහැරීමට අනුරාධපුර නාගරික හදිසි මරණ පරික්ෂක ජේ.එම්. ජයතිලක පෙරේදා (15 වැනිදා) තීරණය කළේය.

රිය අනතුරකින් මියගිය ගල්වල පාර, මැදවච්චිය ලිපිනයේ පදිංචිව සිටි 39 හැවිරිදි දෙදරු පියකුගේ මරණය සම්බන්ධයෙන් කාන්තාවන් දෙදෙනකු ඉදිරිපත්වීම නිසා දෙදෙනාටම අවසන් කටයුතු සඳහා මරණය ලබාදීමට මරණ පරික්ෂකවරයා විසින් තීරණය කර තිබුණි.

එහෙත් දෙපාර්ශ්වය විවිධ අදහස් පළකරමින් මරණ පරීක්ෂකවරයාගේ නියෝගයට එරෙහිවීම නිසා මරණය මුදාහැරීම අද (17 වැනිදා) දක්වා ප්‍රමාද කළ නාගරික හදිසි මරණ පරීක්ෂකවරයා සුදුසු නියෝගයක් අධිකරණයෙන් ලබාගෙන අවසන් කටයුතු සිදුකරන ලෙස දෙපාර්ශ්වයට හා පොලිසියට නියෝග කළේය.

මරණ පරීක්ෂණය පැවැති අවස්ථාවේ අදාළ කාන්තාවන් දෙදෙනා උඩරට විවාහ සහතිකයක් හා විවාහ ලේකම් පොතෙන් ලබාදෙන සහතික රැගෙන මරණ පරීක්ෂකවරයාගෙන් මෘත දේහය ඉල්ලීමත් සමග අර්බුදය හටගෙන තිබේ.

මරණකරුගේ දෙවැන බිරිය අනුරාධපුර මිහිඳුපුර ප්‍රදේශයේ පදිංචිකාරියක වන අතර, උඩරට ක්‍රමයට විවාහ වූ පළමු කසාදයේ බිරිඳ මැදවච්චිය ප්‍රදේශයේ පදිංචිකාරියකි.

ඔවුන් දෙදෙනාටම මරණකරුට දාව දරුවන් දෙදෙනකු සිටිනා බවද මරණ පරීක්ෂණයේදී අනාවරණය විය. මරණකරු විසින් බිරියන් දෙදෙනාටම කිසිදු අඩුපාඩුවක් නොමැතිව සලකා ඇති බවත් කාන්තාවන් දෙදෙනාම සිය සැමියාගේ ක්‍රියා කලාපය සම්බන්ධයෙන් දැන සිට ඇති බවත් මරණ පරීක්ෂණයේදී අනාවරණය විය.

පුලියන්කුලම ඇඟලුම් කර්මාන්ත ශාලාව ආසන්නයේ සිදු වූ අනතුර ගැන දැන ගැනීමෙන් පසුව දෙවැනි බිරිය පළමුව අනුරාධපුර රෝහලට ගොස් ඇති බවත් ඉන්පසුව පළමු බිරිය එහි ගොස් ඇති බවත් අනාවරණය විය. අයිතිවාසිකම් වෙනුවෙන් විවාහ සහතික ඉදිරිපත් කිරීමේදී මරණකරු විසින් කාන්තාවන් දෙදෙනා විවාහකර ගැනීමේදී ව්‍යාජ තොරතුරු සපයා ඇති බවත් මරණ පරීක්ෂකවරයාගේ නිරීක්ෂණයට ලක්වී තිබුණි.

මරණ පරීක්ෂක ජේ.එම්. ජයතිලක විසින් දෙපාර්ශ්වයට සාධාරණ අන්දමින් මෘතදේහය ලබාදීමට තීරණය කළ පසු දෙපාර්ශ්වය විසින්ම ඊට එකඟවී තිබුණි. නමුත් හදිසියේම එක් පාර්ශ්වයක් විරෝධය පෑම නිසා සියලු පරීක්ෂණ අවසන්කර ආරවුල විසඳ ගැනීම සඳහා එම ගැටලුව අධිකරණයට යොමු කළේය.

පශ්චාත් මරණ පරීක්ෂණය පැවත් වූ වෛද්‍යවරයා විසින් පශ්චාත් මරණ පරීක්ෂණ සහතිකයේ බිරිඳ එක සහ බිරිඳ දෙක යනුවෙන් සටහන් යොදා තිබුණි.

මරණකරුගේ මරණයට හේතුව අනතුරෙන් සිදුවූ බහුවිධ තුවාල බව පශ්චාත් මරණ පරීක්ෂණය පැවැත් වූ අනුරාධපුර ශික්ෂණ රෝහලේ අධිකරණ වෛද්‍ය එච්.ඒ. කරුණාතිලක විසින් නිගමනය කර තිබුණි.

ඔබේ ප්‍රතිචාරය කුමක්ද ?
පට්ට !
0
11.svg?v=2.6
අවුල් වගේ !
0
22.svg?v=2.6
හරි හිනා !
1
3.svg?v=2.6
හම්මෝ !
0
31.svg?v=2.6
මාර දුකයි !
2
27.svg?v=2.6
මලපනිනව !
0
30.svg?v=2.6
කුජීතයි !
0
48.svg?v=2.6

සතියේ පලවූ මෙවැනිම පුවත්

Subscribe
Notify of
guest
0 Comments
Inline Feedbacks
සියලු ප්‍රතිචාර බලන්න !

අපගේ නවතම පුවත්

සතියේ පලවූ තවත් පුවත්

සනිටයිසර් බිව් රැඳවියන් දෙදෙනෙකු ජිවිතක්ෂයට

දෑත් පිරිසිදු කර ගැනීම සඳහා ලබාදෙනු ලබන විෂබිජනාෂක දියර (හෑන්ඩ් සැනිටයිසර්) පානය කරනු ලැබු...

මගේ හොඳ වැඩ ටිකක් ඉස්සරහට එනවා

ආදරයෙන් කඳුළු සැලූ ඒ පුංචි අහිංසකාවිය විවිධ චරිත හරහා ඔබට සමීප වෙමින් අද ජනප්‍රිය...

රුපියල් 5353කින් පුද්ගලයෙකුට මාසයක් ජීවත් විය හැකියි.

සාමාජිකයන් හතර දෙනෙකුගෙන් යුතු පවුලකට මාසික ආදායම රුපියල් 21500ත් ලැබෙන්නේ නම් දරිද්‍රතාවයට පත් නොවී...

පරාජය භාර ගන්න සුදානම් වෙන්න – යෝහානි

" පරාජය භාර ගන්න සූදානම් වන්න . එතැනින් ඉදිරියට යන්න පුළුවන්." යැයි ජාත්‍යන්තරව ප්‍රසාදයට...

කාර් ගණන් උස්සයි

තමන්ගේම කියලා වාහනයකට හිමි කම් යන්න හීන දකින බොහෝමයක් අපේ රටේත් ඉන්නවා. ලංකාවේ දැනට...
0
මේ පුවත ගැන ඔබේ ප්‍රතිචාරය කුමක්ද ?x
()
x