මෙරටට පැමිණෙන විදේශිකයින් සීමා කිරීමේ තීරණයක්

විදෙස් රටවල සිට මෙරටට පැමිණෙන පුද්ගලයින්ගෙන් කොවිඩ් ආසාදිතයින් වාර්තා වීම ඉහළයාම නිසා විදෙස් රටවල සිට පැමිණෙන්නන් සීමා කිරීමක්, පාලනය කිරීමක් , සිදුකිරීමට වන බව වෛද්‍ය සුදත් සමරවීර මහතා පවසනවා.

මේ අතර, සෞඛ්‍ය මාර්ගෝපදේශවලට අනුගත නොවුනහොත් ඊට එරෙහිව නීතිමය ප්‍රතිපාදන ක්‍රියාත්මක කිරීමට සිදුවන බවයි මහජන සෞඛ්‍ය පිළිබඳ නියෝජ්‍ය අධ්‍යක්ෂ ජනරාල් විශේෂඥ වෛද්‍ය එස්.එම්.ආනල්ඩ් සඳහන් කරන්නේ.

ඊට අදාළව සෞඛ්‍ය අමාත්‍යාශය නිකුත් කළ නිවේදනය පහතින්

මෙරටට පැමිණෙන විදේශිකයින් අතර කොවිඩ් – 19 රෝගීන් වාර්තාවීම ඉහළයාම හේතුවෙන්, මෙරටට පැමිණෙන විදේශිකයින් කළමණාකරණය කිරීමට සිදුවන බව වසංගත රෝග විද්‍යා අංශයේ අධ්‍යක්ෂ විශේෂඥ වෛද්‍ය සුදත් සමරවීර මහතා පවසයි.

මේ පිළිබද වැඩිදුරටත් අදහස් දැක් වූ විශේෂඥ වෛද්‍ය සුදත් සමරවීර මහතා – “2021 වසරේ දී මෙරටින් කොවිඩ් රෝගීන් 52,710 ක් වාර්තා වී තිබෙනවා. ඉන් 1593 ක් විදෙස් රටවල සිට මෙරටට පැමිණ නිරෝධානයනය වෙමින් සිටිය දී හදුනාගත් රෝගීන් වෙනවා. ඒ අනුව විදෙස් රටවල සිට පැමිණි අය අතර, රෝගීන් වැඩිවීමක් අපට දැකගත හැකි වෙනවා.

උදාහරණයක් ලෙස අප්‍රේල් මාසයේ මේ වන විට අප රට තුලින් හමු වූ රෝගීන් 3480 දෙනාගෙන් 538 ක්ම විදෙස් රටවල සිට පැමිණ නිරෝධායනය වෙමින් සිටි අයයි.

මැදපෙරදිග සහ යුරෝපයේ සිට පැමිණෙන අයත් මේ අතරට ඇතුලත් වෙනවා. මෙම තත්ත්වය තුල විදෙස් රටවල සිට පැමිණෙන අය අප රට තුල කළමණාකරණය කිරිම පිළිබද අපට නැවතත් සමාලෝචනය කිරීමට සිදුවී තිබෙනවා.

ලෝකයේ රටවල්වල කොවිඩ් රෝගය රැළි වශයෙන් ව්‍යාප්ත විම නිසා රටවල් සංවරණ සීමා දැඩි කිරීමටත්, සමහර රටවල් ගුවන් ගමන් සම්පුර්ණයෙන් නවතා දැමීමටත් කටයුතු කර තිබෙනවා.

මෙවැනි තත්ත්වයක් තුල අප රට තුල යම් කිසි තත්ත්වයකින් සාධනීය තත්ත්වයක් අපි උදාකරගෙන කොවඩ්-19 රෝගය ව්‍යාප්තිය පාලනය කිරීම සදහා කටයුතු කරනවා.

එම තත්ත්වය එම අයුරින්ම පවත්වාගෙන යාම සදහා වෛරසය සමාජය තුලට ඇතුලු වී ඇතිවිය හැකි හානිකාරි තත්ත්වය අවම කර ගැනීම සදහා අප රටට විදේශ රටවල සිට පැමිණෙන පිරිස් යමි කිසි විදියකින් සිමා කිරීමක්, පාලනය කිරිමක්, කිරිමට අපට සිදු වෙනවා.”

“සෞඛ්‍ය මාර්ගෝපදේශවලට අනුගත නොවුන හොත් ඊට එරෙහිව තිතිමය ප්‍රතිපාදන ක්‍රියාත්මක කිරිමට සිදුවනවා” – නියෝජ්‍ය අධ්‍යක්ෂ ජනරාල් (මහජන සෞඛ්‍ය) විශේෂඥ වෛද්‍ය එස්.එම් ආනල්ඩ් මහතා පවසයි.

සෞඛ්‍ය අමාත්‍යාංශයේ නියෝජ්‍ය අධ්‍යක්ෂ ජනරාල් (මහජන සෞඛ්‍ය) විශේෂඥ වෛද්‍ය එස්.එම් ආනල්ඩ් මහතා පෙන්වා දෙන්නේ සෞඛ්‍ය අමාත්‍යාංශය සිංහල හින්දු අළුත් අවුරුදු සමය සදහා සෞඛ්‍ය මාර්ගෝපදේශ සංග්‍රහයක් නිකුත් කිරීමෙන් බලාපොරොත්තු වුයේ උත්සව සමයේ වෛරසයේ පැතිරිම වැළැක්වීමට පියවර ගැනීම බවයි.

නමුත් ඇතැම් පිරිස් සහ ඇතැම් ස්ථානවල  සෞඛ්‍ය මාර්ගෝපදේශ අනුගමනය නොකොට මෙම රෝගය බෝවන තැනට කටයුතු කරන බව පෙනී ගොස් ඇති බැවින් ඉදිරියේ දී වෛරයේ ව්‍යාප්තියක් ඇතිවිය හැකි බවත්, ඉදිරියේදී සෞඛ්‍ය මාර්ගෝපදේශවලට අනුගතව වගකීමෙන් යුතුව ජනතාව කටයුතු නොකළහොත් ඊට එරෙහිව නීතිමය ප්‍රතිපාදන ක්‍රියාත්මක කිරීමට සිදු වන බව ද පැවැසීය.

ඔබේ ප්‍රතිචාරය කුමක්ද ?
පට්ට !
0
අවුල් වගේ !
3
හරි හිනා !
0
හම්මෝ !
0
මාර දුකයි !
3
කුජීතයි !
0
මලපනිනව !
0
Subscribe
Notify of
guest
0 Comments
Inline Feedbacks
සියලු ප්‍රතිචාර බලන්න !

තවත් මෙවැනිම පුවත්

යුද හමුදාව මඟින් ඉදි කරන ලංකාවේ විශාලතම කොවිඩ් රෝහල

යුද හමුදාව මඟින් ඉදි කරන ලංකාවේ විශාලතම කොවිඩ් රෝහල සීදූව ප්‍රදේශයේ ඉදි කෙරේ.එහි ඡායාරූප...

ජනපති දුන් කැනඩා මහ කොමසාරිස් ධුරය දප්පුල එපා කියයි.

නීතිපති දප්පුල ද ලිවේරා මහතා කැනඩාවේ නව ශ්‍රී ලංකා මහ කොමසාරිස්වරයා ලෙස පත් කර...

කොවිඩ් 19 එන්නත් ලබා ගත හැකි ස්ථාන

අද (11) දිනයේ පහත සඳහන් ස්ථානවලදී කොවිඩ් 19 එන්නත ලබා ගත හැකියිඋදේ 9.30 සිට...

“සැප්තැම්බර් වනවිට 21,000 ක්‌ මියයනවා.” – හෙළිදරව්ව නිසා රජයේ වෛද්‍ය නිලධාරීන්ගේ සංගමය පෙරට එයි

ශ‍්‍රී ලංකාවේ සිදුවිය හැකි කොවිඩ් මරණ සම්බන්ධයෙන් ඇමෙරිකාවේ වොෂින්ටන් විශ්වවිද්‍යාලය කර ඇති හෙළිදරව්වේ සත්‍යතාව...

දෛනික ආසාදිතයින් 1,889ක්

කොවිඩ් -19 වෛරසය ආසාදනය වී ඇති තවත් රෝගීන් 792ක් අද (07) දිනයේ හඳුනාගෙන ඇති...

පොලීසියෙන් සිදුකළ අමානුෂික පහරදීමක් (CCTV දර්ශන)

පොලිස් නිලධාරීන් පිරිසකගේ පහරකෑමට ලක් වූ පුද්ගලයෙකු පිළිබඳ පුවතක් යක්කලමුල්ල ප්‍රදේශයෙන් වාර්තා වේ.අදාළ සිදුවීම...

අපගේ නවතම පුවත්

0
මේ පුවත ගැන ඔබේ ප්‍රතිචාරය කුමක්ද ?x
()
x