24 C
Colombo
Wednesday, December 8, 2021
Atlas Ad

රට බරපතළ තැනක: සති දෙකකට රට වහන්න යයි – ජනපතිට යළි ලිඛිත ඉල්ලීමක්

ශ්‍රී ලංකාව කොවිඩ් වසංගතයේ උච්ඡතම අවස්ථාවට පත්ව ඇති බවත් එය පාලනය කිරීමට නම් දින 14ක් දැඩි සංචරණ සීමා හෝ නිරෝධායන ඇඳිරි නීතිය පැනවිය යුතු බවත් රජයේ වෛද්‍ය නිලධාරීන්ගේ සංගමය පවසයි.

එම සංගමයේ ලේකම් වෛද්‍ය සෙනාල් ප්‍රනාන්දු මහතා අවධාරණය කරන්නේ දැනට පවතින පළාත් සංචරණ සීමා මෙම අවස්ථාවේදී ප්‍රමාණවත් නොවන බවත් දින 14ක් දැඩි සංචරණ සීමා පැනවිය යුතුය යන්න රජයේ වෛද්‍ය නිලධාරීන්ගේ සංගමයේ ඇතුළු සියලුම විශේෂඥවරුන්ගේ මතය බවයි.

දින 14ක් දැඩි සංචරණ සීමා පනවන්නැයි ජනාධිපතිවරයාගෙන් ලිඛිතව ඉල්ලීමට බලාපොරොත්තු වන බව ද සංඛ්‍යලේඛන කුමක් වුවත් මේ වන විට රෝගීන් වාර්තාවීමේ වේගය සීඝ්‍රයෙන් ඉහළයමින් ඇති බවද සෙනාල් ප්‍රනාන්දු මහතා සඳහන් කළේය.

මේ ආකාරයට රෝගීන් වාර්තා වුවහොත්, පැය 6කට හෝ 4කට වරක් ඇඳන් 1000ක අන්තර් ප්‍රතිකාර මධ්‍යස්ථානය බැගින් විවෘත කරන්නට සිදුවනු ඇතැයි ද පෙන්වා දෙන වෛද්‍යවරයා ප්‍රතිකාර මධ්‍යස්ථානවල ඇඳන් සංඛ්‍යාව වැඩිකර මෙම තත්වය පාලනය කළ නොහැකි බවද කියා සිටියේය.

පුහුණු සෞඛ්‍ය සේවකයන්ට දරාගත නොහැකි මට්ටමින් රෝගීන් වැඩි වුවහොත් දරුණු තත්වයක් ඇතිවනු ඇතැයි ද ඇඳන් වැඩිකර වසංගතය පාලනය කළ හැකි නම් ඇමෙරිකාව, එංගලන්තය වැනි රටවලටත් මෙය පාලනය කරන්නට හැකියාව තිබූ බවත් ඉදිරි දින කීපය තුළ ගන්නා තීන්දු තීරණ මත රටේ ඉදිරිය තීරණාත්මක වනු ඇති බවත් ඒ මහතා පෙන්වා දෙයි.

එමෙන්ම මෙරට එන්නත්කරණ ක්‍රියාවලියේ අක්‍රමිකතා තිබූ බවත් වසංගත රෝග විද්‍යා අංශය එය ක්‍රමානුකූලව නොකිරීම ගැන තම සංගමයේ නොසතුටක් තිබෙන බවත් හෙතෙම සඳහන් කළේය.

වෛද්‍ය සෙනාල් ප්‍රනාන්දු මහතා මේ බව පැවසුවේ කොළඹ දී පැවති මාධ්‍ය හමුවක් අමතමිනි.

ඔබේ ප්‍රතිචාරය කුමක්ද ?
පට්ට !
8
අවුල් වගේ !
3
හරි හිනා !
1
හම්මෝ !
1
මාර දුකයි !
20
මලපනිනව !
1
කුජීතයි !
2

සතියේ පලවූ මෙවැනිම පුවත්

Subscribe
Notify of
0 Comments
Inline Feedbacks
සියලු ප්‍රතිචාර බලන්න !

අපගේ නවතම පුවත්