රාගම කොවිඩ් සිරුරු කොරිඩෝවේ

සමස්ත ජනගහනයෙන් මිලියනයකට වාර්තාවන දෛනික කොවිඩ් මරණ අනුපාතයෙන් ශ්‍රී ලංකාව, දකුණු ආසියානු කලාපයේ පළමු ස්ථානයට පත්ව තිබේ.

මෙරට දෛනික කොවිඩ් මරණ සංඛ්‍යාව සමස්ත ජනගහනයෙන් මිලියනයකට කොපමණද යන අනුපාතය සැලකීමේදී මේ වනවිට දකුණු ආසියානු කලාපයේ රටවල් 8 අතරින් ශ්‍රී ලංකාව ඉදිරියෙන් සිටී.

ඒ, ජනගහනයෙන් මිලියනයකට වාර්තා වන කොවිඩ් මරණ අනුපාතය 9 ක් වැනි ඉහළ අගයක් ගැනීම හේතුවෙනි.

එම අනුපාතයට අනුව බංග්ලාදේශය, නේපාලය, ඉන්දියාව, පාකිස්ථානය, ඇෆ්ගනිස්තානය යන රටවල් පිළිවෙලින් එම ලැයිස්තුවේ දෙවන, තුන්වන, සිව්වන, පස්වන හා හයවන ස්ථානවල පසුවෙයි.

මාලදිවයිනෙන් අවසන් දින 19 ක කාලය තුළ කොවිඩ් මරණ වාර්තා වී නොමැති බව සඳහන් වෙයි.

භූතානයේ කොවිඩ් ව්‍යාප්තිය ආරම්භයේ සිට මේ දක්වාම සිදුව ඇත්තේ මරණ 3ක් පමණි.

මීට පෙර ශ්‍රී ලංකාව මෙම ලැයිස්තුවේ සිව්වන ස්ථානයේ පසුවුණත් පසුගිය දින 10ක පමණ කාලය තුළ දෛනික මරණවල සීඝ්‍ර වර්ධනයත් සමග ලැයිස්තුවේ පළමු ස්ථානයට පැමිණ ඇති බව පෙනී යයි.

මේ අතර, දෛනික කොවිඩ් මරණ සංඛ්‍යාව ඉහළයාමත් සමග කොළඹ අධිකරණ වෛද්‍ය මෘත ශරීරාගාරයේ දැඩි තදබදයක් මේ දිනවල දක්නට ලැබේ.

රාගම ශික්ෂණ රෝහලේ අංක 26 කොවිඩ් වාට්ටුවේ එළිමහන් කොරිඩෝවේ කොවිඩ් මෘතදේහ කිහිපයක් තබා ඇති අයුරු දක්නට ලැබුණි.

එමෙන්ම නිවසේදී මියගිය කොවිඩ් ආසාදිත වයෝවෘද්ධ කාන්තාවක් රාගම රෝහල වෙත රැගෙනවිත් කොරිඩෝවේ තැබීමට සේවකයින්ට සිදුවී තිබේ.

වැලිසර ප්‍රදේශයේ ඇති වැඩිහිටි නිවාසයක මියගිය තවත් වයෝවෘද්ධ කාන්තාවක්ද ජීවිතක්ෂයට පත්වී රාගම රෝහලට රැගෙනවිත් තිබුණි.

එමෙන්ම කොවිඩ් ආසාදිතව සිට මිනුවන්ගොඩ රෝහලේ ප්‍රතිකාර ලබා අද (20) නිවසට රැගෙනගිය 86 හැවිරිදි පුද්ගලයෙකුද නිවසට පැමිණ පැයක පමණ කාලයක් තුළදී ජීවිතක්ෂයට පත්ව ඇති බව වාර්තා විය.

මේ අතර, කළුතර දිස්ත්‍රික්කයේ ඊයේ දිනය තුළ කොවිඩ් මරණ 40 ක් වාර්තා වී ඇතැයි කළුතර ප්‍රාදේශීය සෞඛ්‍ය සේවා අධ්‍යක්ෂ වෛද්‍ය උදය රත්නායක මහතා පැවසීය.

මේ අතර, දෙහිවල, හෝමාගම, මහරගම, කොට්ටාව හා කෝට්ටේ යන ප්‍රදේශවලින් වාර්තාවූ කොවිඩ් ආසාදිතයින් පිරිසක් ඊයේ උදෑසන 11 සිට රාත්‍රි 11 දක්වා පැය 12ක කාලයක් කොළඹ නගරයේ තැනින් තැනට රැගෙන ගොස් අපහසුතාවට පත්වූ සිදුවීමක් එහි සිටි ආසාදිත පුද්ගලයෙකු මාධ්‍ය වෙත අනාවරණය කර තිබුණි.

මේ අතර බගවන්තලාව ආරියපුර ප්‍රදේශයේ උත්සව ශාලාවක 100ක පමණ පිරිසක් සහභාගි කරගනිමින් පැවැත්වීමට සූදානම් වූ විවාහ මංගල උත්සවයක් අත්හිටුවීමට බගවන්තලාව පොලිස් නිලධාරීන් හා සෞඛ්‍ය අංශ පියවර ගත්තේය.

ඒ, විවාහ ලියාපදිංචිය සඳහා පමණක් බගවන්තලාව සෞඛ්‍ය වෛද්‍ය නිලධාරී කාර්යාලයෙන් අවසර ලබාගෙන තිබූණද ඊට පටහැනිව විශාල පිරිසක් සහභාගි කරගැනීමට කටයුතු කිරීම හේතුවෙනි

ඔබේ ප්‍රතිචාරය කුමක්ද ?
පට්ට !
0
11.svg?v=2.6
අවුල් වගේ !
2
22.svg?v=2.6
හරි හිනා !
0
3.svg?v=2.6
හම්මෝ !
1
31.svg?v=2.6
මාර දුකයි !
7
27.svg?v=2.6
මලපනිනව !
1
30.svg?v=2.6
කුජීතයි !
2
48.svg?v=2.6

සතියේ පලවූ මෙවැනිම පුවත්

Subscribe
Notify of
guest
0 Comments
Inline Feedbacks
සියලු ප්‍රතිචාර බලන්න !

අපගේ නවතම පුවත්

සතියේ පලවූ තවත් පුවත්

ගුරු – විදුහල්පතිවරු පිරිසක් 21 වැඩ ඇරඹීමට සූදානමින්

එලඹෙන 21 වනදා පාසල් ආරම්භ කිරීමට විදුහල්පතිවරුන් සතු යතුරු බලහත්කාරයෙන් ලබාගැනීමේ උත්සාහයක ප්‍රාදේශීය දේශපාලකයින්...

කොවිඩ් එන්නත ගන්න පැමිණි සිසුවිය පෙම්වතා සමග පැන යයි

බොරැල්ල රිජ්වේ ආර්යා ළමා රෝහලට මව සහ නැගණිය සමගින් කොවිඩ් එන්නත ලබා ගැනීම සඳහා...

‘මැණිකේ මගේ හිතේ’ ජනපි‍්‍රය කරවිම ‘රෝ’ ඔත්තු සේවයේ කුමන්ත‍්‍රණයක්..

වර්ථමාන ආණ්ඩුවත් සිංහල ජනතාවත් දිනා ගැනීම සඳහා ඉන්දියාව විශාල උනන්දුවෙන් කටයුතු කරන බව මහාචාර්ය...

කාවින්ද්‍යා සංවේදීව සිය ෆේස්බුක් ගිණුමේ තැබූ සටහන මෙන්න

කාවින්ද්‍යා අධිකාරි කිව්වාම නොදන්න කෙනෙක් නැති තරම්. ඒ ඇය, ගායිකා සම්තා මුදුන්කොටුවගේ සහ ගායක අතුල...

හෙට සිට පාසල් නොඑන ගුරුවරු හා විදුහල්පතිවරුන්ගේ වැටුපට සිදුවන දේ

පාසල් විවෘත කෙරෙන දින සිට පාසල් නොපැමිණෙන ගුරුවරුන්ගේ හා විදුහල්පතිවරුන්ගේ නොවැම්බර් මස වැටුප් අත්හිටුවන...
0
මේ පුවත ගැන ඔබේ ප්‍රතිචාරය කුමක්ද ?x
()
x