රාජ්‍ය ඇමති විදුර වික්‍රමනායකට එරෙහිව TNA නඩු මගට

මුලතිව්, කුරුන්තූර්මලෙයි පුරාවිද්‍යා භූමිය සම්බන්ධයෙන් අභියාචනාධිකරණයේ හෝ ශ්‍රේෂ්ඨාධිකරණයේ නඩුවක් ගොනු කිරීමට දෙමළ ජාතික සන්ධානය තීරණය කර තිබේ.

එමෙන් ම, එම භූමිය සම්බන්ධයෙන් මේ වන විටත් නිකුත් කර ඇති අධිකරණ නියෝගයකට අපහාස වන ආකාරයෙන් කටයුතු කර ඇති බවට චෝදනා නගමින් රාජ්‍ය අමාත්‍ය විදුර වික්‍රමනායක මහතා හා තවත් පිරිසක් වගඋත්තරකරුවන් කරමින් ඔවුන්ට විරුද්ධව අධිකරණයට අපහාස කිරීමේ නඩුවක් ගොනු කිරීමට ද නියමිතය.

මෙම නඩු වෙනුවෙන් දෙමළ ජාතික සන්ධානයේ මාධ්‍ය ප්‍රකාශක එම්.ඒ. සුමන්තිරන් මහතා පෙනී සිටීමට නියමිතය.

කුරුන්තූර්මලෙයි පූජා භූමියේ තිබුණු හින්දු ආගමික සලකුණ විනාශ කර දැමීම සම්බන්ධයෙන් උතුරු පළාත් සභාවේ හිටපු මන්ත්‍රීවරුන් වන තුරෙයිරාසා රවිහරන්, ප්‍රාදේශීය සභා මන්ත්‍රී චින්නරාසා ලෝගේෂ්වරන් යන මහත්වරු සුමන්තිරන් මහතා හමුවී සාකච්ඡා කළහ.

පසුව එම ප්‍රදේශය හා භූමිය සම්බන්ධයෙන් වන තොරතුරු හා ලේඛන සුමන්තිරන් මහතා වෙත භාරදීමට ඔවුන් කටයුතු කර තිබිණි.

කුරුන්තූර්මලෙයි ප්‍රදේශයේ හින්දු ආගමික බැතිමතුන් විසින් පුද පූජා පැවැත්වූ ස්ථානයක් බව ද එම ස්ථානයේ ත්‍රිශූල ඇතුළු සලකුණු විනාශ කර ඇති බව ද සඳහන් කරමින් දෙමළ ජාතික සන්ධානයේ පාර්ලිමේන්තු මන්ත්‍රීවරුන් වන එස්. ශ්‍රීධරන් හා චාලස් නිර්මලනාදන් යන මන්ත්‍රීවරුන් දැනටමත් මුලතිව් පොලිසියට ඒ පිළිබඳව පැමිණිලි කර තිබේ.

දෙමළ ජාතික සන්ධානයේ සඳහන් කරන්නේ, මෙම ස්ථානය සම්බන්ධයෙන් දැනටමත් මුලතිව් මහෙස්ත්‍රාත් අධිකරණය ලබාදුන් නියෝගයක් ඇති බවත් රාජ්‍ය අමාත්‍ය විදුර වික්‍රමනායක මහතා ඇතුළු රජයේ නිලධාරීන් පිරිසක් එම නියෝගයට පටහැනිව කටයුතු කර ඇති බැවින් ඔවුන්ගේ එම ක්‍රියාමාර්ගයන්ට විරුද්ධව අභියාචනාධිකරණයේ හෝ ශ්‍රේෂ්ඨාධිකරණයේ නඩු පැවරීමට කටයුතු කරන බවත්ය.

ඔබේ ප්‍රතිචාරය කුමක්ද ?
පට්ට !
0
අවුල් වගේ !
0
හරි හිනා !
0
හම්මෝ !
0
මාර දුකයි !
0
මලපනිනව !
0
කුජීතයි !
0

සතියේ පලවූ මෙවැනිම පුවත්

Subscribe
Notify of
0 Comments
Inline Feedbacks
සියලු ප්‍රතිචාර බලන්න !

අපගේ නවතම පුවත්