27 C
Colombo
Tuesday, December 7, 2021
Atlas Ad

රාජිතගේ සුදුවෑන් මාධ්‍ය සාකච්ඡාව නරඹන්න විත්තියේ නීතීඥවරුන්ට අවස්ථාව

මාධ්‍ය සාකච්චාවක් පවත්වා ජනාධිපති ගෝඨාභය රාජපක්ෂ මහතාට අසත්‍ය චෝදනා එල්ල කිරීමේ සිද්ධිය සම්බන්ධයෙන් හිටපු සෞඛ්‍ය අමාත්‍ය පාර්ලිමේන්තු මන්ත්‍රී රාජිත සේනාරත්න හා රාජ්‍ය ඖෂධ නීතිගත සංස්ථාවේ හිටපු සභාපති මොහොමඩ් රූමි යන අයට එරෙහි නඩුවේ විභාගයට දින නියම කිරීමට ලබන මාර්තු මස 2 වන දින කැඳවීමට කොළඹ මහාධිකරණ විනිසුරු දමිත් තොටවත්ත මහතා අද 29) නියෝග කළේ ය.

එම මාධ්‍ය හමුවට අදාළ සියලු ම ප්‍රවෘත්ති, පටිගත උපකරණ හා සී.ඩී. තැටි විත්තියේ නීතිඥවරුන්ට නැරඹීමට අවශ්‍ය පහසුකම් සපයන ලෙස මාධ්‍ය ආයතන 4ක් වෙත විනිසුරුවරයා නියෝග නිකුත් කළේ ය. 

එමෙන් ම, ඒ සඳහා අවශ්‍ය සියලු සම්බන්ධීකරණ කටයුතු සිදුකර දෙන ලෙසට ද විනිසුරුවරයා පැමිණිල්ල වෙත නියෝග කළේ ය. 

පැමිණිල්ල වෙනුවෙන් නීතිපතිවරයා නියෝජනය කරමින් නියෝජ්‍ය සොලිසිටර් ජනරාල් දිලීප පිරිස් මහතා අධිකරණය හමුවේ පෙනී සිටියේ ය.

චූදිතයන් වෙනුවෙන් ජනාධිපති නීතිඥ ගෞරි තවරාසා, ජනාධිපති නීතිඥ අනිල් සිල්වා හා ජනාධිපති නීතිඥ කේ.වී. තවරාසා යන මහත්ම මහත්මීන් අධිකරණය හමුවේ පෙනී සිටියහ.

සුදු වෑන් සිද්ධියට අදාළව මහේස්ත්‍රාත් අධිකරණය හමුවේ පැවති නඩුවේ පළමු හා දෙවන සැකකරුවන් ලෙස නම් කර සිටි සකලවල්ලි ආරච්චිගේ සරත් කුමාර හා වටරැකගමගේ අතුල සංජීව මදනායක යන අය සියලු චෝදනා වලින් නිදහස් කර ඇති අතර ඔවුන් මෙම මහාධිකරණ නඩුවේ දී රජයේ සාක්ෂිකරුවන් ලෙස නම් කර තිබිණි.

ඔබේ ප්‍රතිචාරය කුමක්ද ?
පට්ට !
0
අවුල් වගේ !
0
හරි හිනා !
0
හම්මෝ !
0
මාර දුකයි !
0
මලපනිනව !
0
කුජීතයි !
0

සතියේ පලවූ මෙවැනිම පුවත්

Subscribe
Notify of
0 Comments
Inline Feedbacks
සියලු ප්‍රතිචාර බලන්න !

අපගේ නවතම පුවත්