27 C
Colombo
Friday, May 14, 2021

රිය අනතුරු සහ කෝවිඩ් වලකන පොලිස් මෙහෙයුම අද සිට

උත්සව සමයේ ඉහළ යා හැකි රිය අනතුරු සහ සාප්පු සවාරි යාමෙන් පැතිර යා හැකි කොවිඩ් රෝගය පාලනය කිරීම සඳහා මුළු දිවයිනම ආවරණය වන පරිදි විශේෂ පොලිස් මෙහෙයුමක් අද (10) දිනයේ සිට ක්‍රියාත්මක වන බව පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ පවසනවා.

 මේ සඳහා නිල ඇඳුමෙන් සැරසුණු සහ සිවිල් ඇඳුමින් සැරසුණු පොලිස් නිලධාරීන් ද යොදා ගැනීමට බලාපොරොත්තු වන බවයි ඔහු පවසා සිටියේ.

විශේෂයෙන්  මහජනයා බහුලව ගැවසෙන සාප්පු සංකීර්ණ අවට සිවිල් ඇඳුමින් සැරසුණු පොලිස් නිලධාරීන් යොදවා කොවිඩ් මර්දන රීති උල්ලංඝනය කරන පුද්ගලයින් නීතියේ රැහැනට හසුකර ගැනීමට බලාපොරොත්තු වන බව ඔහු වැඩිදුරටත් සඳහන් කළේ.

එම නිසා අවුරුදු සාප්පු සවාරියේ යෙදෙන පාරිභෝගිකයින් සඳහා කොවිඩ් මර්දනය සඳහා රජය විසින් පනවා ඇති සියලු විධික්‍රම භාවිත කිරීමේ පහසුකම් සපයා තබන ලෙසයි පොලිස් මාධ්‍ය ප්‍රකාශකවරයා ඉල්ලා සිටින්නේ.

එමෙන්ම මුළු දිවයිනම ආවරණය වන පරිදි රිය අනතුරු වැළැක්වීමේ විශේෂ මෙහෙයුමක් ද අද (10) දින සිට ක්‍රියාත්මක වනවා.

මෙම මෙහෙයුමේ දී විශේෂයෙන්ම බීමත් රිය ධාවනය, ජංගම දුරකථනය භාවිත කරමින් රිය ධාවනය, සහ නොසැලකිලිමත් ලෙස රිය ධාවනය යන කාරණා කෙරෙහි වැඩි අවධානයක් යොමුකර එවැනි රියදුරන් අත්අඩංගුවට ගැනීමට කටයුතු කරනු ඇති. මෙරට රිය අනතුරු කැලැන්ඩරයේ වැඩිම රිය අනතුරු සිදුවන අප්‍රේල් මාසය තුළ අනතුරු අවම කර ගැනීමේ අරමුණෙන් සියලු දෙනා කටයුතු කළ යුතු බවත් එළඹෙන උත්සව සමයේ කොවිඩ් රෝගයේ වින්දිතයකු බවට පත් නොවීමට සැමදෙනාම වගබලා ගත යුතු බවත් පොලිස් මාධ්‍ය  ප්‍රකාශකවරයා වැඩිදුරටත් පවසා සිටියා.

ඔබේ ප්‍රතිචාරය කුමක්ද ?
පට්ට !
1
අවුල් වගේ !
0
හරි හිනා !
0
හම්මෝ !
0
මාර දුකයි !
0
කුජීතයි !
0
මලපනිනව !
0
Subscribe
Notify of
guest
0 Comments
Inline Feedbacks
සියලු ප්‍රතිචාර බලන්න !

තවත් මෙවැනිම පුවත්

නවදිල්ලියේ පිහිටි ශ්‍රී ලංකා මහ කොමසාරිස් කාර්යාලයේ 06කට කොවිඩ්

නවදිල්ලියේ පිහිටි ශ්‍රී ලංකා මහ කොමසාරිස් කාර්යාලයේ 06 දෙනෙකුට කොවිඩ්-19 වෛරසය ආසාදනය වී ඇති...

ප්ලාස්ටික් බෝතල්වලින් බීම බොන අයට ඉදිරියේදී සිදු වන දේ

ප්ලාස්ටික් සහ පොලිතින් තහනමේ තවත් එක් අදියරක් ලෙස බෝතල්වල අඩංගු පාන මිලදී ගැනීමේදී තැන්පතු...

හුදකලා තත්ත්වය පිළිබඳ නවතම නිවේදනය

අද (09) උදෑසන සිට ප්‍රදේශ කිහිපයක් හුදකලා භාවයෙන් ඉවත් කර ඇති අතර, තවත් ප්‍රදේශ...

සංචරණ සීමා පැනවීමත් සමග ‘ප්‍රවාහන සේවා සිදු වන්නේ’ මෙලෙසයි – සජීවීව මාධ්‍ය හමුව නරඹන්න

පළාත් අතර සංචරණ සීමා පැනවීමත් සමග ප්‍රවාහන සේවා ක්‍රියාත්මක කරන ආකාරය සම්බන්ධයෙන් දැනුවත් කිරීමේ...

සඳුදා සිට මැයි 31 දක්වා ඔබ දැනුවත්ව සිටිය යුතු කරුණු

එක් නිවසකින් පිටවීමට අවසර දී ඇති පුද්ගලයන් සංඛ්‍යාවඑක් දිනයකදී නිවසකින් පිට වීමට අවසර දී...

කොවිඩ් මරණ 24ක්

කොවිඩ් මරණ 24ක් සෞඛ්‍ය සේවා අධ්‍යක්ෂ ජනරාල් වෛද්‍ය අසේල ගුණවර්ධන මහතා විසින් තහවුරු කර...

අපගේ නවතම පුවත්

0
මේ පුවත ගැන ඔබේ ප්‍රතිචාරය කුමක්ද ?x
()
x