Central Bank Central Bank

ලංකාවට එන්න ඉන්න අයට දැනුම්දීමක්

ජනවාරි මස පළමු වනදා සිට ලංකාවට පැමිණෙන සියලුම මගීන්ට සෞඛ්‍ය තත්ත්වය ප්‍රකාශනය කෙරෙන QR කේතය ස්මාර්ට් දුරකතනයට ඇතුලත් කර හෝ එහි මුද්‍රිත පිටපතක් රැගෙන ඒම අනිවාර්ය කරන ලෙස ඉල්ලීමක් කර ඇති බව සෞඛ්‍ය සේවා අධ්‍යක්ෂ ජනරාල් අසේල ජයවර්ධන මහතා පැවසීය.

අද පැවති මාධ්‍ය හමුවකට එක්වෙමින් ඒ මහතා වැඩිදුරටත් ප්‍රකාශ කර ඇත්තේ මගී තදබදය අවම කිරීමේ අරමුණ සහිතව සෞඛ්‍ය අංශ විසින් සංචාරක අමාත්‍යංශය වෙත එම ඉල්ලීම කර ඇති බවය.

එහිදී වැඩිදුරටත් අදහස් දැක්වූ සෞඛ්‍ය සේවා අධ්‍යක්ෂ ජනරාල් අසේල ජයවර්ධන මහතා 

“ජනවාරි මස පළමුවනදා සිට ශ්‍රී ලංකාවට පැමිණෙන සියලුම ගුවන් මගීන්ට, ඒ කියන්නේ ශ්‍රී ලාංකියන් හෝ වේවා, විදේශිකයන් හෝ වේවා, ඔවුන් ශ්‍රී ලංකාවට පැමිණෙන විට ඔවුන්ගේ සෞඛ්‍ය තත්ත්වය ප්‍රකාශනය කරන්න පෝරමක් නිකුත් කරලා තියෙනවා. එය මීට කලින් අපි ෆෝම් එක පුරවලා නැත්නම් ඔන්ලයින් ක්‍රමයට QR කේතයක් සකසා ගෙන ඒ ක්‍රම දෙකටම එන්න අපි අවස්ථාව ලබාදුන්නා. නමුත් අපි දැක්ක දේ තමයි ෆෝම් එක පුරවලා ඒ අවඅශ්‍ය ෆෝම් ගුවන්තොටුපොළේදී එතන ඉන්න මහජන සෞඛ්‍ය පරීක්ෂකවරුන්ට පෙන්වීම සඳහා ගිය විට එතන ලොකු පෝලිමක් හැදෙනවා. ඉතින් අපි විදෙස් රටවලට යන විට ඔවුන්ගේ QR කේතය අපි හදාගෙන යන්න ඕනේ එමගින් පෝලින් කිසිදෙයක් නැතුව යන්න පුළුවන්. ඉතින් ඒ නිසා අපි සෞඛ්‍ය අංශ මගින් සංචාරක අමාත්‍යාංශයට ඉල්ලිමක් කළා ශ්‍රී ලංකාව වෙත පැමිණෙන සියලුම මගීන්ට එම QR කේතය එන්න ප්‍රථම, ඔවුන්ට ඒ ස්මාර්ට් ෆෝන් එකක් තියෙනවානම් ෆෝන් ඒකට දාගෙන. නැත්නම් එහි ප්‍රින්ට්අවුට් එකක් අරගෙන ආවොත් අපිට ගුවන්තොටුපොළේදී කිසිම රස්තියාදුවීමක් නොමැතිව. විනාඩියකින් දෙකකින් එම මහජන සෞඛ්‍ය පරීක්ෂකවරුගේ පරික්ෂාවෙන් පසු යන්න පුළුවන්.”

“ඒ අනුව ලංකාවට  පැමිණෙන සියලුම මගීන් ජනවාරි මාසයේ පළමු වෙනිදාට සිට එම QR කේතය ස්මාර්ට් ෆෝන් එකට දාගෙන හෝ ප්‍රින්ට්අවුට් එකක් රැගෙන ඒම අපි ඔවුන්ට අනිවාර්ය කරන්න කියලා ඉල්ලා තියෙනවා. ඉතින් මම හිතනවා අපේ සියලුම මගීන් ඒ සඳහා උදව් කරයි කියලා. කව්රුන් හෝ කෙනෙකුට ඒක කරගන්න බැරි වුණොත් අපි කවදාවත් ප්‍රතික්ෂේප කරන්නේ නැහැ. ඔවුන්ට ඒ අදාළ ෆෝම් එක පුරවලා ඒ අදාළ ලියකිවිලි ටික මහජන සෞඛ්‍ය පරීක්ෂකවරුන්ට පෙන්නලා යන්න පුළුවන්. නමුත් එමගින් අනවශ්‍ය පෝලිම් ඇතිවෙනවා. ඒ වාගේම ඒ නිසා මෙරටට පැමිණෙන ගුවන් මගීන්ට අනවශ්‍ය වේලාවක් ගුවන්තොටුපොළේ රැඳීසිටින්න වෙනවා. ඒ නිසා ඒ සියලු දේ ගැන හිතලා තමයි මේ තීරණය අරගෙන තියෙන්නේ.  ඒ නිසා සියලු දෙනාගෙම උදව් මේ සඳහා ලැබෙයි කියලා හිතනවා.”

ඔබේ ප්‍රතිචාරය කුමක්ද ?
පට්ට !
68
අවුල් වගේ !
3
හරි හිනා !
4
හම්මෝ !
3
මාර දුකයි !
5
මලපනිනව !
3
කුජීතයි !
3

සතියේ පලවූ මෙවැනිම පුවත්

Subscribe
Notify of
1 Comment
Oldest
Newest Most Voted
Inline Feedbacks
සියලු ප්‍රතිචාර බලන්න !

අපගේ නවතම පුවත්