ලංකාවට වාහන ගෙන්වන ප්‍රධාන සමාගම් කිහිපයකට වැඩ වරදියි

වාහන සහ වාහන අමතර කොටස් ආනයනය කරනු ලබන මෙරට ප්‍රධාන පෙළේ සමාගම් කීපයකට එරෙහිව පුත්තලම පාරිභෝගික අධිකාරිය විසින් නීත්‍යානුකූලව කටයුතු සිදු කොට ඇති බව වාර්තා වෙනවා.

පාලනය කළ නොහැකි හේතු සාධක මත වාහන අමතර කොටස් මිල ඉහළ යාම වැළැක්විය නොහැකි වුවත් පවතින තත්ත්වය හමුවේ අසාධාරණ ලාභ උපයමින් නීති විරෝධීව කටයුතු කළ සමාගම්වලට එරෙහිව මෙලෙස කටයුතු කොට ඇති බව පැවසෙනවා.

වාහන අමතර කොටස් වල මිල සඳහන් නොකිරීම, සඳහන් මිල වෙනස් කිරීම, මිල සඳහන් නොකර පැරණි තොග ද වර්තමාන මිල ගණන් වලට අලෙවි කිරීම ආදී ක්‍රියා සම්බන්ධව අදාළ ප්‍රධාන පෙළේ සමාගම්වලට එරෙහිව පුත්තලම මහේස්ත්‍රාත් අධිකරණයේ නඩු පවරා ඇති බව ද සඳහන්.

වාහන අමතර කොටස්වල මිල ලකුණු නොකිරීම සහ ඒ හරහා සිදුකරන අක්‍රමිකතා පිළිබඳව වෙළඳසැල් සහ ආයතන සම්බන්ධව තව දුරටත් විමර්ශන ක්‍රියාත්මක කරන බව වැඩි දුරටත් වාර්තා වෙනවා.

ඔබේ ප්‍රතිචාරය කුමක්ද ?
පට්ට !
3
අවුල් වගේ !
0
හරි හිනා !
5
හම්මෝ !
3
මාර දුකයි !
0
මලපනිනව !
2
කුජීතයි !
2

සතියේ පලවූ මෙවැනිම පුවත්

Subscribe
Notify of
0 Comments
Inline Feedbacks
සියලු ප්‍රතිචාර බලන්න !

අපගේ නවතම පුවත්