ලිංගික අල්ලස් ඉල්ලූ පොලිස් ලොක්කාට අධිකරණයෙන් දුන් දඬුවම

කාන්තාවකගෙන් ලිංගික සහ රුපියල් ලක්ෂයක අල්ලසක් ඉල්ලීම සම්බන්ධයෙන් අත්අඩංගුවට ගෙන ඇති වනාතවිල්ලුව පොලිස් ස්ථානාධිපතිවරයාව නොවැම්බර් මස 11 වැනිදා දක්වා රක්ෂිත බන්ධනාගාරගත කරන ලෙස පුත්තලම දිසා විනිසුරු හා මහේස්ත්‍රාත් අසේල ද සිල්වා මහතා නියම කර තිබෙනවා.

පුත්තලම දිසා විනිසුරුවරයා විසින් රක්ෂිත බන්ධනාගාරගත කරන ලද්දේ වනාතවිල්ලුව පොලීසියේ ස්ථානාධිපතිවරයා ලෙස කටයුතු කරමින් සිටි ප්‍රධාන පොලිස් පරීක්ෂකවරයෙකුවයි.

හලාවත – කරවිටාගාර ප්‍රදේශයේ පදිංචි කාන්තාවක් විසින් කර තිබූ පැමිණිල්ලකට අනුව අල්ලස් හෝ දුෂණ විමර්ශන කොමිසමේ නිලධාරීන් විසින් පසුගිය 28 වැනිදා සවස වනාතවිල්ලුව පොලිස් ස්ථානාධිපතිවරයාව අත්අඩංගුවට ගෙන තිබුණා. ඒ පුත්තලම – ගබඩා මාවතේ පවත්වා ගෙන යන ලැගුම් හලකදීය.

පැමිණිළිකාරිය වනාතවිල්ලුව ප්‍රදේශයේ පදිංචි පුද්ගලයෙකු සමග විවාහ වී ඇති අතර පසුව පවුලේ ඇති වූ ප්‍රශ්න හේතුවෙන් දෙදෙනා වෙන්ව ජීවත් වී තිබෙනවා. නමුත් දෙදෙනාම එකම ගොඩනැගිල්ලක පිහිටි කඩ කාමර දෙකක් පවත්වා ගෙන ගොස් තිබෙනවා. මෙම හේතුව නිසා වෙන්ව ජීවත් වූ අඹු – සැමියන් අතර නිරන්තර ගැටුම් හට ගෙන තිබී තිබෙනවා. ඒ සම්බන්ධයෙන් වන පැමිණිළි කීපයක්ද වනාතවිල්ලුව පොලීසිය විසින් විභාග කර තිබෙනවා. එක් අවස්ථාවක පැමිණිළිකාර කාන්තාව අත්අඩංගුවට ගෙන රක්ෂිත බන්ධනාගාර ගත කිරීමටද වනාතවිල්ලුව පොලීසියේ ස්ථානාධිපතිවරයා කටයුතු කර තිබෙනවා.

සිදු වෙමින් පවතින පවුල් ආරවුල වාසි සහගත ලෙස විසදා දීම සදහා රුපියල් ලක්ෂයක මුදලක් සහ ලිංගික අල්ලසක් පැමිණිළිකාර කාන්තාවගෙන් වනාතවිල්ලුව පොලිස් ස්ථානාධිපතිවරයා ඉල්ලා තිබෙනවා. එම කාන්තාව මේ සම්බන්ධයෙන් අල්ලස් හෝ දූෂණ චෝදනා විමර්ශන කොමිසමට පැමිණිලි කිරීමට කටයුතු කර තිබෙනවා.

අල්ලස් හෝ දූෂණ චෝදනා විමර්ශන කොමිසමේ නිලධාරීන්ගේ උපදෙස් අනුව පැමිණිළිකාර කාන්තාව වනාතවිල්ලුව පොලිස් ස්ථානාධිපතිවරයාගේ ඉල්ලීමට කැමැත්ත පළ කර තිබෙනවා. ඒ අනුව පසුගිය 28 වැනිදා පුත්තලම නගරයේ පිහිටි ලැගුම් හලකට දෙදෙනාම පැමිණ තිබෙනවා. පැමිණිළිකාර කාන්තාව සමග ලැගුම් හලේ කාමරයක සිටියදී වනාතවිල්ලුව පොලිස් ස්ථානාධිපතිවරයා අත්අඩංගුවට ගැනීමට අල්ලස් හෝ දූෂණ චෝදනා විමර්ශන කොමිෂන් සභාවේ නිලධාරීන් කටයුතු කර තිබෙනවා.

අත්අඩංගුවට ගත් පොලිස් ස්ථානාධිපතිවරයාව ඊයේ (29) පුත්තලම දිසා අධිකරණය හමුවට ඉදිරිපත් කිරීමට අල්ලස් හෝ දූෂණ චෝදනා විමර්ශන කොමිෂන් සභාවේ නිලධාරීන් කටයුතු කර තිබුණා.

(ජුඩ් සමන්ත)

ඔබේ ප්‍රතිචාරය කුමක්ද ?
පට්ට !
3
අවුල් වගේ !
0
හරි හිනා !
5
හම්මෝ !
2
මාර දුකයි !
0
මලපනිනව !
2
කුජීතයි !
1

සතියේ පලවූ මෙවැනිම පුවත්

Subscribe
Notify of
0 Comments
Inline Feedbacks
සියලු ප්‍රතිචාර බලන්න !

අපගේ නවතම පුවත්