ලොව පුරා කොරෝනා ආසාදිතයින් 105,401,170යි – මරණ 2,292,729යි

මේ වනවිට ලොව පුරා කොරෝනා ආසාදිතයින් 105,401,170 ක් ලෙස සටහන් වන අතර මරණ සංඛ්‍යාව දැක්වෙන්නේ 2,292,729ක් ලෙසයි.

මේ අතර කොරෝනා වෛරසය ආසාදනය වී අයි.ඩී.එච්. රෝහලේ ප්‍රතිකාර ලබමින් සිටි මාලඹේ නෙවිල් ප්‍රනාන්දු රෝහලේ නිර්මාතෘ වෛද්‍ය නෙවිල් ප්‍රනාන්දු ඊයේ අභාවප්‍රාප්ත වුණා.

මිය යන විට ඔහු 89 හැවිරිදි වියේ පසුවූණා.  

කොරෝනා වෛරසය ආසාදනය වී නොවිල් ප්‍රනාන්දු රෝහලේ දැඩි සත්කාර ඒකකයේ ප්‍රතිකාර ලබමින් සිටි ඔහු පසුගිය 2 වන දා කොළඹ අයි.ඩී.එච්. රෝහලට මාරු කෙරුණා.

හිටපු දේශපාලනඥයෙකු වූ වෛද්‍ය නෙවිල් ප්‍රනාන්දු 1977 වසරේ මහමැතිවරණයේදී පානදුර මැතිවරණ කොට්ඨාශය නියෝජනය කරමින් පාර්ලිමේන්තු මන්ත්‍රීවරයෙකු වශයෙන් ද තේරී පත්වී 1989 දක්වා පාර්ලිමේන්තුව නියෝජනය කළා.

කොරෝනා ආසාදනය වීමෙන් මෙරට ජීවිතක්ෂයට පත්වූ දෙවන වෛද්‍යවරයා මොහුයි.

මේ අතර, තවත් මරණ 7ක් සමඟ මෙරට සමස්ත කොරෝනා මරණ සංඛ්‍යාව 339 දක්වා ඉහළ ගියා.

මග්ගොන, වෑඋඩ, කටුගස්තොට, හෙට්ටිපොළ, බියගම සහ නුවරඑළිය ප්‍රදේශවල පදිංචි අවුරුදු 58, 82, 70, 53, 66 සහ 62 යන වයස්වල පසුවන පිරිමි පුද්ගලයන් මෙලෙස මියගිය අය අතර වනවා.

එමෙන්ම දික්වැල්ල – බෝදරකන්ද ප්‍රදේශයේ පදිංචි 78 හැවිරිදි කාන්තාවක්ද කොරෝනා ආසාදනයෙන් මියගොස් ඇති බවයි රජයේ ප්‍රවෘත්ති දෙපාර්තමේන්තුව සඳහන් කළේ.  

එමෙන්ම, නව ආසාදිතයින් 706 දෙනෙකු ඊයේ හඳුනා ගැනීමත් සමඟ මෙරට සමස්ත ආසාදිත සංඛ්‍යාව 67,115 දක්වා ඉහළ ගියා.

අවසන් වරට වාර්තා වූ ආසාදිතයින්ගෙන් 704 දෙනෙකු පෑලියගොඩ කොරෝනා පොකුරේ ආශ්‍රිතයින් වන අතර එක්සත් අරාබි එමීර් රාජ්‍යයේ සිට පැමිණි පුද්ගලයෙකු සහ කුවේට්යේ සිට පැමිණි පුද්ගලයෙකුට ද කොරෝනා ආසාදිතයින් ලෙස හඳුනා ගැණුනා.

ඒ අනුව ආසාදිතයින් 6209ක් තවදුරටත් රෝහල්ගතව ප්‍රතිකාර ලබන අතර සුවය ලැබූ සංඛයාව 60,567ක්.

මේ අතර, කොරෝනා වෛරසය පැතිර යාමත් සමඟ ශ්‍රී පාද වන්දනා කිරීම සීමා කර ඇති බැවින් තමන් දැඩි ආර්ථික ගැටළු රැසකට මැදිව ඇති බව නල්ලතණ්ණි ව්‍යාපාරික ප්‍රජාව පවසනවා.

මේ හේතුවෙන් තමන්ගේ ජන ජීවිතය සම්පූර්ණයෙන්ම අඩාල වී ඇති බවත් ව්‍යාපාර සඳහා බැංකුවලින් ලබාගෙන ඇති ණය වාරික ගෙවීමට ද අපහසු වී ඇති බවයි ඔවුන් සඳහන් කළේ.

කොරෝනා වෛරසය මෙරටින් දුරු වන ලෙසට ආයාචනා කරමින් ඔවුන් පසුගිය දා නල්ලතණ්ණිය – නාගදීප විහාරස්ථානයේ සමන් දේවාලයට ගොස් විශේෂ දේව පූජාවක ද නිරත වූ බවයි හිරු වාර්තාකරු සදහන් කළේ.

මෙරටට ලබාදී ඇති කොරෝනා එන්නත පිළිබදව දේශපාලනඥයින් විවිධ අදහස් පළ කරනවා. මේ, ජනතා විමුක්ති පෙරමුණේ හිටපු පාර්ලිමේන්තු මන්ත්‍රී බිමල් රත්නායක, අමාත්‍ය ගාමිණී ලොකුගේ සහ හිටපු පාර්ලිමේන්තු මන්ත්‍රී බන්දුලාල් බණ්ඩාරිගොඩ ඒ සම්බන්ධයෙන් දැක්වූ අදහස්.

Subscribe
Notify of
guest
0 Comments
Inline Feedbacks
සියලු ප්‍රතිචාර බලන්න !

සතියේ ජනප්‍රියම පුවත්

කොළඹ කෝටිපතියෙකුගේ පුතා රෝහලක උඩුමහලකින් පැන මරුට කැපවෙයි..

කොළඹ කෝටිපති ව්‍යාපාරිකයකුගේ තරුණ පුතකු කොල්ලුපිටිය ප්‍රදේශයේ පෞද්ගලික රෝහලක දස වැනි මහලෙන් බිමට පැන...

රෝහණ විරසිංහ සහ සුනිල් ආරියරත්න ඔස්කා සංවිධානයේ ධුරවලින් ඉල්ලා අස්වෙති

ආචාර්ය රෝහණ වීරසිංහයන් සහ මහාචාර්ය සුනිල් ආරියරත්න මහත්වරුන් ඔස්කා සංවිධානයේ තම ධුරවලින් ඉල්ලා අස්වීමේ...

ත්‍රී රෝද රථයක් ගිනිබත් කරමින් වාහන 7 ක් අනතුරට පත්කල විඩියෝව

බීමත්ව හා අධික වේගයෙන් රියදුරන් විසින් ධාවනය කල මෝටර් රථ දෙකක් අතරින් එක් මෝටර්...

26 හැවිරිදි චතුරිකාගේ දේහය යළි ගොඩගනී

යක්කල ප්‍රදේශයේ පදිංචි 26 හැවිරිදි විවාහක කාන්තාවක්ගේ දේහය යළි ගොඩගැනීම සිදු කරනු ලැබුවා. ඇය...

ලස්සන කවියක් කියා මව සමඟ යන්නම ගිය සමනලිය

බිබිල, බදුල්ලගම්මන ප්‍රදේශයේ පදිංචිව සිටි මවක් ඊයේ (21) රාත්‍රියේ සිය තුන් හැවිරිදි දියණිය ද...

අපගේ නවතම පුවත්

0
මේ පුවත ගැන ඔබේ ප්‍රතිචාරය කුමක්ද ?x
()
x