31 C
Colombo
Saturday, April 10, 2021

ලෝකෙටම එකයි කී පඬුකරඳ දැන් හැම තැනම

ගම්පහ උද්භිද උද්‍යානයේ ඇති පඩුකරඳ හෙවත් Crudia Zeylanica ගස හා සංරක්ෂිත පැළ ප්‍රසන්න රණතුංග හා රොෂාන් රණසිංහ ඇමැතිවරුන්ගේ නිරීක්ෂණයට ලක්වූහ. පෙරේදා (13දා) ගම්පහ උද්භිද උද්‍යානයට පැමිණි ඔවුහු මෙම පඬුකරඳ ගස හා සංරක්ෂිත පැළ 06 නිරීක්ෂණය කළහ.

මධ්‍යම අධිවේගී මාර්ගය ඉදිකෙරෙන ගම්පහ දාරළුව ප්‍රදේශයේ ඇති පඬුකරද ගස ලෝකයේ එකම පඬුකරඳ ගස බව ප්‍රකාශ වුවද මේ වන විට ගම්පහ උද්භිද උද්‍යානයේ මෙම වර්ෂයේ විශාල ගසක් හා පැළ 06 ක් ඇති බව ගම්පහ උද්භිද උද්‍යානයේ සහකාර අධ්‍යක්ෂ රුවිනි ගෝමස් කීවාය. මීට අමතරව අත්තනගලු ඔයේ ශාඛාවක් වන මැඩිල්ල ඇළ, දොරණගොඩ, මිනුවන්ගොඩ, හෙන්ඩිමහර හා කඩුවෙල හා කදිරාන ප්‍රදේශවල මෙම ශාකය ඇති බවත් උද්භිද උද්‍යානයේ නිලධාරීන් එම ශාක නිරීක්ෂණය කළ බවත් ඇය කීවාය. පේරාදෙණිය උද්භිද උද්‍යානයේ මෙම ශාකයේ පැළ 20 ක් ඇති බව කී සහකාර අධ්‍යක්ෂවරිය අදාළ ශාකය හමු වූ දාරළුව ප්‍රදේශයේ ද තවත් පඬුකරද විශාල ගසක් හා කුඩා ගසක් හමු වූ බව ද කීවාය.

දාරළුව ප්‍රදේශයේ පඩුකරඳ ශාකය බේරා මධ්‍යම අධිවේගී මාර්ගය වෙනස් කර ඉදි කිරීමට රුපියල් ලක්ෂ 86,000ක මුදලක් වැය වෙන බවට ගණන් බලා ඇතැයි කී ඇමැති ප්‍රසන්න රණතුංග ලෝකයේ එකම ගස බව ප්‍රකාශ කළ එම ශාකය හා මෙම ශාක එකම වර්ගයේ බවට තහවුරු කරගත්තේ කෙලෙසදැයි සහකාර අධ්‍යක්ෂවරියගෙන් ප්‍රශ්න කළේය. සහකාර අධ්‍යක්ෂවරිය පැවසුවේ මේ පිළිබඳව විද්‍යාත්මක පරීක්ෂණයක් සිදු කළ බවයි. දාරළුවේ ගසට උද්භිද උද්‍යානයේ ගස් සෑම අතින්ම සමාන බව මෙම විද්‍යාත්මක පරීක්ෂණයේදී සනාථ වූ බවද ඇය කීවාය.

දාරළුව ප්‍රදේශයේ ඇති පඬුකරඳ ගස ලෝකයේ එකම ගස බවට කළ ප්‍රකාශය එක්කෝ කරුණු නොදැන, නැතිනම් කාගේ හෝ වුවමනාවකට කළ එකක්දැයි සැක මතුවන බවත් කාගේ හෝ වුවමනාවකට සිදුකළේ නම් එය රටේ සංවර්ධනය අඩාළ කිරීමට හිතාමතා සිදු කළ ප්‍රකාශයක් බවත් සඳහන් කළ ඇමැති ප්‍රසන්න රණතුංග පරිසරය ආරක්ෂා කරන අතරම රටේ සංවර්ධනය ද ක්‍රියාත්මක කළ යුතු බැවින් මේ පිළිබඳව පරිසරවේදීන්ගේ විශේෂ අවධානය යොමු විය යුතු බවද කීවේය.

ඔබේ ප්‍රතිචාරය කුමක්ද ?
පට්ට !
0
අවුල් වගේ !
0
හරි හිනා !
0
හම්මෝ !
0
මාර දුකයි !
0
කුජීතයි !
0
මලපනිනව !
0
Subscribe
Notify of
guest
0 Comments
Inline Feedbacks
සියලු ප්‍රතිචාර බලන්න !

තවත් මෙවැනිම පුවත්

උසස්පෙළ විභාගයට දින නියම වෙයි

2021 වර්ෂයේ අගෝස්තු මස පැවැත්වීමට නියමිතව තිබූ අ.පො.ස. උසස් පෙළ විභාගය මේ වසරේ ම...

නුගේගොඩ පස් මහල් වෙළඳ සංකීර්ණයක ගින්නක්

නුගේගොඩ නගරයේ පිහිටි පස්මහල් වෙළඳ සංකීර්ණයක ගින්නක් හට ගෙන තිබෙනවා.ශ්‍රී ජයවර්ධනපුර කෝට්ටේ ගිනි නිවීමේ...

අසීමිත අන්තර්ජාල සේවා ලබන සතියේ සිට ?

අසීමිත අන්තර්ජාල සේවා පැකේජ ලබන සතියේදී හඳුන්වා දෙන බව විදුලි සංදේශ නියාමන කොමිෂන් සභාව...

කාන්තාවකට මරු කැදවූ තණමල්විල අනතුර

තණමල්විල - වැල්ලවාය ප්‍රධාන මාර්ගයේ කිවුල්ආර ප්‍රදේශයේදී සිදුවූ රිය අනතුරකින් කාන්තාවන් ජීවිතක්ෂයට පත්ව තවත්...

‘මං හොඳටම වැටිලා ඉන්නේ’ ජනාධිපති කිවුවා…

‘මං හොඳටම වැටිලා ඉන්නේ’ යයි ජනාධිපතිතුමන් පැවසූ බව ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී...

අපගේ නවතම පුවත්

0
මේ පුවත ගැන ඔබේ ප්‍රතිචාරය කුමක්ද ?x
()
x