30 C
Colombo
Wednesday, September 22, 2021

වයස 12ට වැඩි දරුවන්ට කොවිඩ් එන්නත – අගමැති

වයස අවුරුදු 12ට වැඩි ළමයින්ටත් පියවරෙන් පියවර කොවිඩ් ප්‍රතිශක්තීකරණ එන්නත් ලබාදීමේ වැඩපිළිවෙලක් රජය විසින් සැලසුම්කර ඇති බව අග්‍රාමාත්‍ය මහින්ද රාජපක්ෂ මහතා පවසනවා.

හම්බන්තොට රෝහලේ ස්ථාපිත දකුණු පළාත් කොවිඩ්-19 ළමා ප්‍රතිකාර ඒකකය විවෘත කිරීමේ අවස්ථාවට තංගල්ල කාල්ටන් නිවසේ සිට වීඩියෝ තාක්ෂණය ඔස්සේ එක්වෙමින් අග්‍රාමාත්‍ය මහින්ද රාජපක්ෂ මහතා මේ බව අවධාරණය කළා.

ළමයින්ට එන්නත් ලබාදීමේ දී විවිධ සංකූලතා තිබෙන දරුවන්ට එහිදී ප්‍රමුඛත්වය ලබාදෙන බවයි අග්‍රාමාත්‍යවරයා පක්ෂ කළේ.

දකුණු පළාත් කොවිඩ්-19 ළමා ප්‍රතිකාර ඒකකය විවෘත කිරීමේ අවස්ථාවට එක්වෙමින්  අග්‍රාමාත්‍ය මහින්ද රාජපක්ෂ මහතා කළ සම්පූර්ණ කතාව 

මිත්‍රවරුනි,

අපේ රටේ ළමා පරපුර ආරක්ෂා කර ගැනීම අප සියලු දෙනාම සතු වගකීමක්. ඔවුන් තමයි අපේ රටේ අනාගතය. අද දෙමාපියන් වගේම රජයක් විධියට අපිත් දරුවන් ගැන විශේෂ අවධානයක් යොමු කරන බව ඔබ තමුන්නාන්සෙලා දන්නවා.

ඉතිහාසය අරගෙන බැලුවම විවිධ වසංගත වලට ලෝකය මුහුණ පාලා තියෙනවා. කොතරම් තාක්ෂණයෙන් දියුණු වුණත් මේ වගේ වසංගතවලට නිශ්චිත විසඳුම සොයා යෑම ඉතා දුෂ්කර කාරණයක් බවයි හැමෝම පිළිගන්නෙ.

ඒ නිසා අපි මේ වගේ කාලයක වෙනදාටත් වඩා ශක්තිමත්ව,එකමුතුකමින් මෙවැනි වසංගතයන්ට මුහුණ දෙන්න ඕනි.

වෛද්‍යවරුන් හෙදියන් ඇතුළු රෝහල් කාර්ය මණ්ඩල, ත්‍රිවිධ හමුදාව පොලීසිය ඇතුළු රාජ්‍ය සහ පෞද්ගලික අංශයේ විශාල පිරිසක් මේ වනවිටත් කොවිඩ් වසංගතයෙන් ජනතාව ආරක්ෂා කරගන්න දිවා රෑ වෙහෙසෙනවා.

ඒ වෙනුවෙන් ඔවුන් කරන කැපවීම රජයක් විධියට අපි හැමදාමත් අගය කළා.අගය කරනවා. ඒ විතරක් නෙමෙයි රටේ මුළු මහත් ජනතාවත් ඔවුන්ගේ මේ කැපවීම හදවතින්ම අගය කරනවා.

මිත්‍රවරුනි,

අපේ රටේ තියෙන්නෙ දරුවන්ට ආදරය කරන, ඔවුන්ට ප්‍රමුඛත්වය දෙන සංස්කෘතියක්. ඒ නිසා දරුවන් රැකගන්නෙ කොහොමද කියලා අපි නිතර කල්පනා කරනවා.

කොවිඩ් වසංගතය පැතිරිලා තමන්ගෙ දරුවන්ටත් මේ වසංගතයට මුහුණ දෙන්න වෙයිද කියලා දෙමව්පියන්ට බයක් තියෙනවා.

මමත් තාත්තා කෙනෙක් විධියට, මගේ බිරිඳ ශිරන්ති අම්මා කෙනෙක් විධියට දරුවන් ගැන හිතන විධිය, එතැනින් එහාට දරු මුණුපුරන් ගැන හිතන විධිය, ඔවුන්ට දක්වන ආදරය අපිට අමුතු දෙයක් නෙමයි. අපි හැමදාමත් මේ රටේ දරුවන් ගැන කල්පනා කළෙත් එහෙමයි.

ඒ නිසා අනෙකුත් ජනතාව මෙන්ම විශේෂයෙන් මේ දරුවන්ව කොවිඩ් වසංගතතයෙන් බේරා ගන්න අපි සෑම පියවරක්ම ගන්නා බව සිහිපත් කළ යුතු යි.

මිත්‍රවරුනි,

අපේ රටේ ළමා රෝග විශේෂඥ වෛද්‍ය සංගමය රට ගැන කල්පනා කරලා කවදත් අවශ්‍ය යුතුකම ඉටු කළ වෛද්‍ය සංගමයක්.

දරුවන් කොවිඩ් රෝගයෙන් ආරක්ෂා කරගන්න, ඔවුන්ගෙ ජීවිත රැකගන්න රජයට තිබෙන උනන්දුව දැකලා, ළමයින් වෙනුවෙන්ම හම්බන්තොට රෝහලේ කොවිඩ් ප්‍රතිකාර ඒකකයක් ආරම්භ කරන්න මේ අයට හැකියාව ලැබුණෙ ඒ නිසයි.

අද මේ කාර්යය ඉටු කරපු විශේෂඥ වෛද්‍යවරුන් මා සමඟ කිව්වේ හැකි ඉක්මනින් අනෙකුත් පළාත්වලටත් මෙවැනි ප්‍රතිකාර ඒකකයක් ලබා දෙනවා කියලා. ඒ අනුව මේ කාර්යය අවසන්වනවිට හැම පළාතකටම ළමා කොවිඩ් ප්‍රතිකාර ඒකකයකුත් ස්ථාපිත වෙනවා.

ඒ විතරක් නෙමෙයි, දරුවන්ගෙ අධ්‍යාපනය වෙනුවෙන් විශේෂ කැපවීම් කරන්නත් මේ වෛද්‍යවරුන් සූදානම්.

අරලියගහ මන්දිරයේ තිබුණ පාසල් නැවත ආරම්භ කිරීම පිළිබඳ සාකච්ඡාවක දි මේ අය රටේ අධ්‍යාපන කලාප 99ටම විශේෂඥ වෛද්‍යවරයකු ගානේ පත්කරලා, දරුවන්ව බලාගන්නත් ඉදිරිපත් වුණා.

මිත්‍රවරුනි,

මුළු ලෝකයේම තිබෙන තත්ත්වය දැන දැනත් ඇතමුන් මේ වෙලාවෙත් ඉල්ලීම්වලටයි ප්‍රමුඛත්වය දෙන්නෙ. විසඳුමක් දෙන්න කාලයක් දෙන්න කියලා කිව්වත් මේ අය ඒවාට ඇහුම්කම් නොදී දරුවන්ට පාඩම් උගන්වන්නෙ නැතිව රජයට පාඩම් උගන්වන්න යනවා.

මේ වසංගතය ආපු වෙලාවේ අපි මුලින්ම පාසල් වහලා දැම්මේ දරුවන්ගේ ආරක්ෂාව වෙනුවෙන්.

ඔබට මතක නම් විටෙන් විට අවදානම පහව ගියත් අපි පාසල් නැවත විවෘත කළේ නැහැ.

එහෙත් මේ විධියට පාසල් වහලා තියන්න අපි කැමැතිත් නැහැ.

මොකද අපි දන්නවා අධ්‍යාපනය විතරක් නෙමෙයි විෂය බාහිර දැනුමත් පාසල තුළින් ලැබෙනවා. දරුවන්ට අනාගතයට මුහුණ දෙන්න අවශ්‍ය දැනුම තිබෙන්නෙ පත පොතේ විතරක් නෙමෙයි. පාසලේ දී ගුරුවරුන් අපට ජීවිතයත් කියා දෙනවා. ඒක අදට වඩා වටින්නෙ අනාගතයට.

ඒ නිසා ගුරු විදුහල්පති අනධ්‍යන කාර්ය මණ්ඩල එන්නත් කරලා අවසන් වූ වහාම වයස අවුරුදු 12ට වැඩි ළමයින්ටත් පියවරෙන් පියවර එන්නත් ලබා දීමේ වැඩපිළිවෙලක් ආරම්භ කරන්න රජය සැලසුම් සකස් කර අවසන්. එහිදිත් විවිධ සංකූලතා තිබෙන දරුවන්ට ප්‍රමුඛත්වය දෙන්නත් අප බලාපොරොත්තුවෙනවා.

මිත්‍රවරුනි,

අපිට විතරක් නෙමෙයි ලෝකයේ බොහෝ දියුණු රටවලටත් මේ වසංගතය පාලනය කර ගැනීම අද අභියෝගයක් වෙලා. දැනට තිබෙන එකම විසඳුම එන්නත්කරණය මගින් ජීවිත හානි මෙන්ම රෝගය පැතිරීම වළක්වා ගැනීම පමණයි.

අපි රටක් විධියට එන්නත්කරණය අතින් බොහෝ ඉදිරියෙන් ඉන්නවා. ඒත් මේ කටයුත්ත තව තවත් වේගවත් කරමින් ජනතාවගේ ජීවිත ආරක්ෂා කරගත යුතුයි.අපි ප්‍රමුඛත්වය දෙන්නේ ඒ සඳහායි.

එහෙම තියෙද්දි අද ඇතමෙක් බොර දියේ මාලු බානවා. සමහරු ඒ අස්සෙ දේශපාලන කෝන්තරත් පිරිමහනවා. ඒක අලුත් දෙයක් නෙමෙයි. මේවා අපට හොඳට පුරුදුයි. ඒ නිසා මේවාට උත්තර දෙනවට වඩා වටින්නෙ ඒ කාලයත් තවත් ජීවිතයක් බේරාගැනීම වෙනුවෙන් යෙදවීම කියලයි අපි විශ්වාස කරන්නෙ.

මිත්‍රවරුනි,

රටේ සමස්ත ජනතාව ගැන කල්පනා කරලා ගන්න ඇතැම් තීන්දු ජනප්‍රිය නොවුනත් අපට එවැනි තීන්දු ගන්න වෙනවා. දැඩි සංචරණ සීමා පැනවීම වැනි තීන්දු ඔබේත් අපේත් සියලු දෙනාගේ ආරක්ෂාව වෙනුවෙන් ගත් ක්‍රියාමාර්ගයි.

ඔබ මෙවැනි අවස්ථාවක රජයේ වගකීම දෙස බලා සිටිනවා වගේම සෞඛ්‍ය මාර්ගෝපදේශ පිළිපදිමින් තම තමන්ට පැවරෙන යුතුකමත් ඉටුකරනවා නම් අපට මේ අභියෝගය ජය ගැනීම අපහසු නැහැ.

එවැනි වටපිටාවක අනාගත ළමා පරපුර ආරක්ෂා කරගැනීම වෙනුවෙන් රජයට සහයවන ළමා රෝග විශේෂඥ වෛද්‍යවරුන්ගේ සංගමයේ සියලුම වෛද්‍යවරුන්ටත්, අනෙකුත් වෛද්‍යවරුන් ඇතුළු රෝහල් කාර්ය මණ්ඩල සඳහාත් මාගේ ප්‍රණාමය නැවත වතාවක් පුද කරන්න කැමතියි.

ඔබේ ප්‍රතිචාරය කුමක්ද ?
පට්ට !
0
11.svg?v=2.6 | Gossip Lanka
අවුල් වගේ !
0
22.svg?v=2.6 | Gossip Lanka
හරි හිනා !
1
3.svg?v=2.6 | Gossip Lanka
හම්මෝ !
0
31.svg?v=2.6 | Gossip Lanka
මාර දුකයි !
0
27.svg?v=2.6 | Gossip Lanka
මලපනිනව !
0
30.svg?v=2.6 | Gossip Lanka
කුජීතයි !
1
48.svg?v=2.6 | Gossip Lanka
Subscribe
Notify of
guest
0 Comments
Inline Feedbacks
සියලු ප්‍රතිචාර බලන්න !

දවසේ නවතම පුවත්

සතියේ පලවූ පුවත්

බන්ධනාගාර කොමසාරිස් හා බන්ධනාගාර මාධ්‍ය ප්‍රකාශක අත්අඩංගුවට ගන්නැයි කියයි

බන්ධනාගාර කොමසාරිස් තුෂාර උපුල්දෙනිය හා බන්ධනාගාර මාධ්‍ය ප්‍රකාශක චන්දන ඒකනායක අත්අඩංගුවට ගෙන නීතිය හමුවට...

ළමයින් සහ තරුණ පිරිස් අතර පශ්චාත් කොවිඩ් තත්ත්වයන් බහුලව

පශ්චාත් කොවිඩ් තත්වයන් ළමයින් සහ තරුණ පිරිස් අතර බොහෝවිට වාර්තාවන බව කායික රෝග පිළිබඳ...

සමාජ මාධ්‍ය කැළඹූ ආදාහනාගාරය විවෘත කෙරේ..! සමරු තිළිණත් දීල..

පූර නැගුම ව්‍යාපෘතිය යටතේ ලක්ෂ හත්සියක මුදලින් වැලිගම පාදේශිය සභාව මගින් වැලිගම වරකපිටිය ප්‍රදේශයේ...

වයස අවුරුදු 15ත් 19ත් අතර දරුවන්ට ෆයිසර් එන්නත දෙන්න රජය තීරණය කරයි

වයස අවුරුදු 15ත් 19ත් අතර දරුවන් සඳහා ෆයිසර් කොවිඩ් මර්දන එන්නත ලබාදීමට රජය තීරණය...

දැන් අපෙන් අහන්නේ ස්වාමීනි සැපද (VIDEO)

වත්මන් ආණ්ඩුව බලයට ගෙන ඒමට කැපවූ තමන් වහන්සේගෙන් දැන් ජනතාව ‘දැන් සැපද හාමුදුරුවනේ’ කියා...
0
මේ පුවත ගැන ඔබේ ප්‍රතිචාරය කුමක්ද ?x
()
x