වසර 15ක් වැඩ නොකර පඩි අරන්

යම්කිසි පුද්ගලයකුට වසර 15ක් තිස්සේ නිකරුණේ වැටුප් ගෙවීමක් කළ හැකිද? වැටුපක් ලබන පුද්ගලයෙකුට දීර්ඝ කාලයක් තිස්සේ කිසිදු රාජකාරියක නිරත නොවී සිටිය හැකිද?

සේවයට වාර්තා කළත් ‘ගන්න පඩියට වැඩක් නොකර නිකම්ම කාලය කා දමා ගෙදර යන’ ඇතැම් නිලධාරීන් ගැන, ඇතැම් රටවල ජනතාවගෙන් නිතර දෙවේලේ චෝදනා මතු වීම අලුත් පුවතක් නොවේ.

නමුත් මෙම පුද්ගලයා වසර 15ක් තිස්සේ රාජකාරියට වාර්තා කිරීමක් හෝ සිදුකර නැතැයි පැවසේ. නමුත් වැටුප් ලබා ඇති බවට චෝදනා එල්ලවේ.

මෙම අපූරු පුවත වාර්තා වන්නේ ඉතාලියෙන්.

රෝහල් සේවකයෙකු ලෙස පත්වීම් ලබා සිටියදී රාජකාරියට වාර්තා කිරීමකින් තොරව පහළොස් වසරක් පුරා වැටුප් ලබා ඇතැයි මෙම පුද්ගලයාට එරෙහිව චෝදනා ඉදිරිපත් කර තිබෙනවා. ඉතාලියේ දකුණු කලාපයේ, කටන්සාරෝ නගරයේ පිහිටි Ciaccio රෝහලේ සේවය සඳහා පත්වීම් ලබා සිටි ඔහු 2005 වසරේ පටන් රාජකාරියට වාර්තා කර නොමැති බව පැවසේ.

ඉතාලියේ Ansa පුවත් සේවය වාර්තා කර ඇති අන්දමට, වංචා කිරීම, අසාධාරණ ලෙස මුදල් අය කිරීම සහ රාජකාරිය අවභාවිතයේ යෙදවීම යන චෝදනා මත මෙම පුද්ගලයා පිළිබඳව විමර්ශන ආරම්භ කර තිබේ.

කිසිදු රාජකාරියක් කර නොමැති බවට සැලකෙන මෙම පුද්ගලයා හට පහළොස් වසර පුරා වැටුප් ලෙස ගෙවා ඇති මුළු මුදල යූරෝ 538,000ක් (පවුම් 464,000) බව වාර්තා වේ.

මෙම පුද්ගලයා රාජ්‍ය සේවකයෙකු ලෙස කටයුතු කරමින් සිට ඇත්තේ Calabria නගරයේ රෝහලකය.

ඔහු සේවයට වාර්තා නොකිරීම සම්බන්ධයෙන් ගෙන ඇති ක්‍රියාමාර්ග සම්බන්ධයෙන් එම රෝහලේ කළමනාකරුවන් හය දෙනෙකු පිළිබඳව ද විමර්ශන පැවැත්වෙමින් තිබෙනවා.

ඉතාලියේ රාජ්‍ය සේවය තුළ සිදුවී ඇතැයි සැලකෙන මෙම වංචාව පිළිබඳව පොලිසිය විසින් ක්‍රියාත්මක කරන ලද දීර්ඝ විමර්ශනයේ ප්‍රතිඵලයක් ලෙස කීපදෙනෙක් අත්අඩංගුවට පත්වී සිටිනවා.

මෙම පුද්ගලයා රජයේ සේවකයෙකු වශයෙන් කටයුතු කරමින් සිටිය දී 2005 වසරේදී ඉහත කී රෝහලේ රාජකාරියක් සඳහා පත් කර තිබේ. එතැන් පටන් ඔහු රාජකාරියට වාර්තා කිරීම පැහැරහැර ඇති බව පොලිසිය පවසයි.

තමන්ට එරෙහිව විනයානුකුල ක්‍රියාමාර්ගයක් නොගන්නා ලෙසට ඔහුගේ කළමනාකාරියකට තර්ජනය කර ඇති බවට ද පොලිසිය චෝදනා ඉදිරිපත් කර තිබෙනවා.

එම කළමනාකාරිය පසුව විශ්‍රාම ගොස් ඇති බව ද පොලිසිය පැවසීය. නමුත් මෙම පුද්ගලයා සේවයට වාර්තා නොකිරීම පිළිබඳව එවක් පටන් කිසිවෙකුගේ අවධානයට ලක්වී නොමැත.

මුලාශ්‍ර – BBC සිංහල පුවත් සේවය

ඔබේ ප්‍රතිචාරය කුමක්ද ?
පට්ට !
0
11.svg?v=2.6
අවුල් වගේ !
0
22.svg?v=2.6
හරි හිනා !
0
3.svg?v=2.6
හම්මෝ !
1
31.svg?v=2.6
මාර දුකයි !
1
27.svg?v=2.6
මලපනිනව !
4
30.svg?v=2.6
කුජීතයි !
2
48.svg?v=2.6

සතියේ පලවූ මෙවැනිම පුවත්

Subscribe
Notify of
guest
0 Comments
Inline Feedbacks
සියලු ප්‍රතිචාර බලන්න !

අපගේ නවතම පුවත්

සතියේ පලවූ තවත් පුවත්

රටට සිදුවෙලා තියෙන ඓතිහාසික වැරැද්ද නිවැරදි කරන්න විමල්ගෙන් සුපිරි ක්‍රමයක්

සමාජය මේ අවස්ථාවේ සිටින්නේ සොයාගත් උත්තර පිළිබඳව වේදනාවකින් බවත් හෘද සාක්ෂියත් සමග ගනුදෙනු නොකරන...

එක් කාන්තාවකට වඩා ඇසුරු කරන පිරිමින්ට රතු එළියක්

ආදරයක දී හදවත් සුවපත්වනවා යැයි පැවසුණත් විවාහය හේතුවෙන් හදවතට හානි ගෙන දෙන බවට සිදු...

වස ඉල්ලන අයට වකුගඩුවක් ඇඳලා දුන්නා නම් හරි! – GMOA සභාපති ජනපති හමුවේ කියයි

මෙරට රසායනික පොහොර ඉල්ලා සිටින ඇතැම් ප්‍රදේශවල ජනතාව ජල පෙරහන් යන්ත්‍රද ඉල්ලා සිටින්නේ වකුගඩු...

ශ්‍රී ලංකාවේ වේගයෙන්ම අළෙවි වන මෝටර් රථය

මහින්ද්‍රා අයිඩියල් ලංකා සමාගමේ නිෂ්පාදනයක් වන KUV100 NXT මෝටර් රථය මේ වන විට ශ්‍රී...

සුදුලූණු වංචාවට ලොක්කෙක්ගේ පුතෙක් අත්අඩංගුවට

ඊයේ (22) දිනයේ දී සතොස සුදුලූණූ වංචාවට අදාළ තවත් සැකකරුවෙකු අත්අඩංගුවට ගැනීමට අපරාධ පරික්ෂණ...
0
මේ පුවත ගැන ඔබේ ප්‍රතිචාරය කුමක්ද ?x
()
x