වසර 18කට පසු පාරිභෝගික අධිකාරී පනත සංශෝධනයට

වර්තමානයේ බහුලව භාවිත කරන ඔන්ලයින් භාණ්ඩ අලෙවිය හෙවත් ඊ-වාණිජ්‍ය ක්‍රියාකාරකම් නියාමනය කිරීමට පාරිභෝගික කටයුතු පිළිබඳ අධිකාරියට බලතල නොමැති බැවින් එම පනත සංශෝධනය කිරීමට වෙළෙඳ අමාත්‍යාංශය තීරණය කර ඇත.

2003 වසරේදී ප්‍රකාශයට පත් කළ පාරිභෝගික කටයුතු පිළිබඳ අධිකාරී පනත වසර 18ක් යනතුරු සංශෝධනය වී නොමැත.

අනාරක්ෂිත දෝෂ සහිත සෞඛ්‍යයට අහිතකර නිෂ්පාදන ආපසු කැඳවීම, ඊ වාණිජ ගනුදෙනු නියාමනය, මාර්ගගත ආරවුල් විසඳීමේ යාන්ත්‍රණයක් සැකසීම, වෙළෙඳපොළ බුද්ධි තොරතුරු පද්ධතියක් නිර්මාණය කිරීම වැනි සංශෝධනද ඇතුළත් කිරීමට වෙළෙඳ අමාත්‍යාංශය තීරණය කර ඇත.

පසුගිය වසර දහ අට තුළ පනත ක්‍රියාත්මක කිරීමේදී දෝෂ හා අඩුපාඩු රැසක් හඳුනා ගෙන ඇත.

පනත ආරම්භයේදී ඔන්ලයින් භාණ්ඩ අලෙවිය දේශීය වෙළෙඳපොළ තුළ නොමැති වීම නිසා නියාමන නීති රීති සකස් කර නොමැත.

දැනට ලැබෙන පැමිණිලි පවතින නීතිරීති යටතේ විභාග කළද එය විදිමත් නොවන බව සාකච්ඡාවලදී අනාවරණය වී තිබේ. කොවිඩ්-19 වසංගතය පැතිර යන කාල සීමාව තුළ එවැනි පැමිණිලි රැසක් පාරිභෝගික කටයුතු පිළිබඳ අධිකාරියට ලැබී තිබේ.

ඔබේ ප්‍රතිචාරය කුමක්ද ?
පට්ට !
0
අවුල් වගේ !
0
හරි හිනා !
0
හම්මෝ !
0
මාර දුකයි !
0
මලපනිනව !
0
කුජීතයි !
0

සතියේ පලවූ මෙවැනිම පුවත්

Subscribe
Notify of
0 Comments
Inline Feedbacks
සියලු ප්‍රතිචාර බලන්න !

අපගේ නවතම පුවත්