වැඩි ශබ්දයෙන් පිරිත් දැමූ වරදට හිමිනමකට ලැබුණු දඬුවම

භික්ෂූන්වහන්සේ නමකට මුගුරකින් සහ අතින් පයින් පහර දී ඇති පුවතක් ඇල්පිටිය ප්‍රදේශයෙන් වාර්තා වෙනවා.

මෙලෙස පහරකෑමට ලක්ව ඇත්තේ ඇල්පිටිය වල්අඹගල බෙරලියමුකලාන සත්බෝධි තපෝවන ආරණ්‍ය සේනාසන වාසී හිමිනමක්.

උන්වහන්සේ විසින් සිදු කළ පිරිත් විකාශනයක ශබ්දය වැඩි බව පවසමින් මෙම පහරදීම සිදු කොට ඇති බව යි වාර්තා වන්නේ.

මෙම හිමිනම ශබ්ද විකාශන යන්ත්‍රයක් භාවිත කරමින් ශබ්ද නගා පිරිත් දේශනා විකාශනය කිරීමට පටන්ගෙන ඇත්තේ පසුගිය දිනෙක යි.

ඒ සඳහා භාවිත කළ ශබ්ද විකාශන යන්ත්‍රය අසළම පිහිටි නිවසක පුද්ගලයෙකු, අදාළ පිරිත් දේශනාවෙහි ශබ්දය අධික බව පවසා එය නවතා දමන ලෙසට අවස්ථා කිහිපයක දී  හිමිනමගෙන් ඉල්ලා ඇති බව සඳහන්.

කෙසේ වෙතත් රටේ පවතින වසංගත තත්ත්වය නිසා රටටත් ජනතාවටත් සෙත්පැතීමට බව පවසමින් අදාළ හිමිනම මෙම පිරිත් විකාශය දිගටම සිදු කොට ඇති අතර දිනපතා උදෑසන සහ සවස එය ක්‍රියාත්මක කොට තිබෙනවා.

පසුගිය දා උදෑසන පිරිත් විකාශය ආරම්භ කරද්දීම ශබ්ද විකාශන යන්ත්‍රය අසළ පිහිටි නිවසෙහි හිමිකරු පැමිණ හිමිනමට පොල්ලකින් සහ අතපය යොදා පහර දී ඇති අතර අදාළ හිමිනම මේ පිළිබඳ පොලීසියට පැමිණිලි කොට ඇල්පිටිය රෝහලට ඇතුළත් වී තිබෙනවා.

පහර දුන් තැනැත්තා ප්‍රදේශයෙන් පළා ගොස් ඇති බව යි වාර්තා වන්නේ.

ඔබේ ප්‍රතිචාරය කුමක්ද ?
පට්ට !
2
අවුල් වගේ !
2
හරි හිනා !
6
හම්මෝ !
0
මාර දුකයි !
17
මලපනිනව !
18
කුජීතයි !
8

සතියේ පලවූ මෙවැනිම පුවත්

Subscribe
Notify of
0 Comments
Inline Feedbacks
සියලු ප්‍රතිචාර බලන්න !

අපගේ නවතම පුවත්