29 C
Colombo
Tuesday, April 13, 2021

විෂ පොල්තෙල් අර්බුදයේ අලුත්ම තත්ත්වය මෙන්න

පිළිකා කාරක අඩංගු බවට තුන්වරක්ම තහවුරු වූ පොල්තෙල් තොගය ආනයනය කළ පුද්ගලයින්ට එරෙහිව ගත හැකි උපරිම නීතිමය ක්‍රියාමාර්ග ගන්නා බව පාරිභෝගික ආරක්ෂණ රාජ්‍ය අමාත්‍ය ලසන්ත අලගියවන්න ප්‍රකාශ කළා.

සෞඛ්‍ය අමාත්‍යාංශයේ ආහාර ආරක්ෂණ ඒකකය විසින් පිළිකා කාරක අඩංගු බැවින් ප්‍රතිඅපනයනය කරන ලෙස නිර්දේශ කර තිබියදී ආනයනකරුවන්ගේ ගබඩා වෙත අදාළ පොල්තෙල් මුදා හැර ඇති බවට හිරු ප්‍රවෘත්ති කළ අනාවරණයත් සමඟ පොල්තෙල්වල ප්‍රමිතිය සම්බන්ධයෙන් සමාජය තුල දැඩි කතාබහක් මතුවුණා.

එම පසුබිම හමුවේ ප්‍රශ්නගත පොල්තෙල් වෙළඳපොලට නිකුත් වී ඇති බවට ද පාරම්පරික පොල්තෙල් නිෂ්පාදකයින්ගේ සංගමය ඇතුළු පාර්ශව කිහිපයක් චෝදනා කළ අතර, ඒ අනුව පාරිභෝගික අධිකාරිය මගින් දිවයින පුරා පොල්තෙල් වල ප්‍රමිතිය පරීක්ෂා කිරීමට සාම්පල ලබා ගත්තා.

එලෙස ලබා ගත් සාම්පල අතරින් 55 ක වාර්තා ඊයේ ලැබී තිබූ අතර එහිදී තහවුරු වුණේ එම පොල්තෙල් වල පිළිකා කාරක අඩංගු නොවන බවටයි.

ඒ පිළිබඳව සහ පොල්තෙල් සම්බන්ධයෙන් මතුව ඇති ගැටලුකාරි තත්ත්වය පිළිබඳව පැහැදිලි කිරීම සඳහායි අද පාරිභෝගික ආරක්ෂණ රාජ්‍ය අමාත්‍යවරයා මාධ්‍ය හමුවක් පවත්වනු ලැබුවේ.

එම මාධ්‍ය හමුවේදී රාජ්‍ය අමාත්‍ය ලසන්ත අලගියවන්න කියා සිටියේ ප්‍රශ්න ගත පොල්තෙල් ආනයනය කළ එක් සමාගමක් ඉදිරි දින කිහිපය තුල තම පොල්තෙල් තොග ප්‍රතිඅපනයනය කරන බවට දැනුම් දී ඇති බවයි.

රේගුවෙන් නිදහස් කළ පොල්තෙල් ප්‍රමාණයම අදාළ ගබඩා තුල ඇද්ද යන්න සම්බන්ධයෙන් මාධ්‍යවේදීන් එහිදී ප්‍රශ්න කළා.

ඊට පිළිතුරු ලබාදීමේදී රාජ්‍ය අමාත්‍යවරයා සහ පාරිභෝගික කටයුතු පිලිබඳ අධිකාරියේ වැටලීම් අධ්‍යක්ෂ අසේල බණ්ඩාර ද එක්වුණා.

මේ අතර, දඹුල්ල ආර්ථික මධ්‍යස්ථානය අසලින් ඊයේ සොයා ගැණුනු සැක කටයුතු පොල්තෙල් කන්ටේනරයේ සාම්පල කාර්මික තාක්ෂණ ආයතනයට යොමුකර වාර්තාවක් ඉදිරිපත් කරන ලෙස දඹුල්ල මහේස්ත්‍රාත් අධිකරණය අද දඹුල්ල පොලීසියට සහ මහනගර සභාවට නියෝග කළා.

දඹුල්ල මහනගර සභාවේ ප්‍රධාන මහජන සෞඛ්‍ය පරීක්ෂක ප්‍රියන්ත ද සිල්වා සඳහන් කළේ ලබන සඳුදා එම සාම්පල කාර්මික තාක්ෂණ ආයතනයට යොමුකරන බවයි. පිලිකා කාරක අඩංගු පොල්තෙල් ගෙන්වූ සමාගමකට අයත් පොල්තෙල් බවුසර් දෙකක් පසුගිය අඟහරුවාදා දංකොටුව ප්‍රදේශයෙන් හමුවූ අතර එහි තිබූ පොල්තෙල් ලීටර් ප්‍රමාණය 55,000ක්.

ඔබේ ප්‍රතිචාරය කුමක්ද ?
පට්ට !
0
අවුල් වගේ !
0
හරි හිනා !
0
හම්මෝ !
0
මාර දුකයි !
1
කුජීතයි !
1
මලපනිනව !
2
Subscribe
Notify of
guest
0 Comments
Inline Feedbacks
සියලු ප්‍රතිචාර බලන්න !

තවත් මෙවැනිම පුවත්

කාලගුණය

දිවයිනේ බොහෝ ප්‍රදේශවල තැනින් තැන සවස් කාලයේදී හෝ රාත්‍රී කාලයේදී වැසි හෝ ගිගුරුම් සහිත...

අධිවේගී මාර්ගයේ මාරයාට අත වනමින් ගිය තරුණයන් ගැන හෙළි වෙයි

තරුණයන් පිරිසක් විසින් අධිවේගී මාර්ගයේ අනාරක්ෂිතව රිය ධාවනය කරන ආකාරය දැක්වෙන වීඩියෝවක් මේ වන...

එක දවසට 13ක් මරුට

ඊයේ(08) දින මහමග සිදුවූ රිය අනතුරුවලින් පුද්ගලයින් දහතුන් දෙනෙක් මියගොස් ඇති බව පොලිස් මාධ්‍ය...

දියවන්නා ඔයේ ජලයට මල අපද්‍රව්‍ය මුසුවෙලා – කථානායක මහින්ද යාපා

දියවන්නා ඔයේ ජලයට මල අපද්‍රව්‍ය මුසුවී ඇති බව මූලික පරීක්ෂණවලදී අනාවරණ වී ඇකි බව...

අවුරුදු උත්සව සඳහා පොලීසියෙන් යළි දැනුම් දීමක්

අලුත් අවුරුද්දට සමගාමීව පැවැත්වෙන අවුරුදු උත්සව සඳහා සෞඛ්‍ය බලධාරීන්ගේ සහ පොලීසියේ අවසරය ලබා ගත...

අපගේ නවතම පුවත්

0
මේ පුවත ගැන ඔබේ ප්‍රතිචාරය කුමක්ද ?x
()
x