විස්සයි විස්ස ලෝක කුසලානය ගැන තීරණය ජුනි පළවනදා

මෙවර විස්සයි විස්ස ලෝක කුසලාන ක්‍රිකට් තරගාවලිය සම්බන්ධයෙන් තීරණයක් අන්තර්ජාතික ක්‍රිකට් සම්මේලනය මගින් ජුනි පළවනදා ප්‍රකාශයට පත් කිරීමට නියමිත බව වාර්තා වනවා.

ඒ එහි විධායක කමිටු රැස්වීමේදීයි.

ඉන්දීය ක්‍රිකට් පාලක මණ්ඩලය ද ඊට දින දෙකකට පෙර එනම්, ලබන 29 වනදා, විශේෂ මහා සභා රැස්වීමක් කැඳවා ඇති අතර එහිදී ද මේ සම්බන්ධයෙන් සාකච්ඡා කෙරෙනු ඇති.

මෙවර විස්සයි විස්ස ලෝක කුසලාන තරගාවලිය ඉන්දියාවේ පැවැත්වීමට නියමිතව තිබුණ ද එරට ව්‍යාප්ත වන දෙවන කොරෝනා රැල්ල හේතුවෙන් බොහෝදුරට එක්සත් අරාබි එමීර් රාජ්‍යය වෙත රැගෙන යනු ඇතැයි විශ්වාස කෙරෙනවා.

විස්සයි විස්ස ලෝක කුසලාන තරගාවලිය මේ වසරේ ඔක්තෝම්බර් සහ නොවැම්බර් මාසවල ඉන්දියාවේ පැවැත්වීමට සැලසුම් කර තිබූ අතර, ජාත්‍යන්තර ක්‍රිකට් සම්මේලනය විසින් එක්සත් අරාබි එමීරයේ ක්‍රීඩාංගන ඔක්තෝම්බර් 18 වනදා සිට නොවැම්බර් 15 වනදා දක්වා විකල්ප ක්‍රීඩාංගන ලෙස වෙන් කර ඇති බව සඳහන්.

ඔබේ ප්‍රතිචාරය කුමක්ද ?
පට්ට !
1
අවුල් වගේ !
0
හරි හිනා !
0
හම්මෝ !
0
මාර දුකයි !
0
මලපනිනව !
0
කුජීතයි !
0

සතියේ පලවූ මෙවැනිම පුවත්

Subscribe
Notify of
0 Comments
Inline Feedbacks
සියලු ප්‍රතිචාර බලන්න !

අපගේ නවතම පුවත්