වි.ජ.මු. ලොකුබණ්ඩාරගේ අවසන් කටයුතු අද කොටිකාවත්තේදී

කොරෝනා වෛරසය ආසාදිතව අයි.ඩී.එච්. රෝහලේ ප්‍රතිකාර ලබමින් සිටි හිටපු කථානායකවරයෙකු මෙන්ම කෘතහස්ත දේශපාලනඥයෙකු වන වි.ජ.මු. ලොකුබණ්ඩාර ඊයේ (14) රාත්‍රියේ අභාවප්‍රාප්ත වුණා.

මිය යන විට 80 වන වියේ පසුවූ ඔහු පසුගිය දා කොළඹ පෞද්ගලික රෝහලකට ඇතුළත් කිරීමෙන් අනතුරුවයි වැඩිදුර ප්‍රතිකාර සඳහා අයි.ඩී.එච්. රෝහලට මාරු කර යැවුණා.

1941 අගෝස්තු මස 05 වන දින හපුතලේ දී උපත ලැබූ විජේසිංහ ජයවීර මුදියන්සෙලාගේ ලොකුබණ්ඩාර හෙවත් වීජමු ලොකුබණ්ඩාර 1977 වසරේදී එක්සත් ජාතික පක්ෂයෙන් ප්‍රථම වරට පාර්ලිමේන්තුවට පිවිස එම රජයේ දේශීය වෛද්‍ය කැබිනට් නොවන අමාත්‍ය ධුරයේ කටයුතු කළා.

එමෙන්ම, 1989 වසරේදී සංස්කෘතික කටයුතු, අධ්‍යාපන හා මාධ්‍ය අමාත්‍යවරයා ලෙස ද ඔහු කටයුතු කරනු ලැබුවා.

1994 වසරේ පැවති මහ මැතිවරණයෙන් එක්සත් ජාතික පක්ෂය පරාජය පරාජයට පත්වීමෙන් පසුව 2001 දක්වා විපක්ෂයේ ප්‍රධාන සංවිධායක ලෙස කටයුතු කළේ ද වි.ජ.මු. ලොකුබණ්ඩාරයි.

2004 අප්‍රේල් 22 වන දා පාර්ලිමේන්තුවේ කථානායකවරයා ලෙස වි.ජ.මු. ලොකුබණ්ඩාර පත්වූයේ පැය 09ක් පුරා පැවති මතභේදාත්මක රහස් ඡන්ද විමසීමකින්.

ඒ අනුව 2004 වර්ෂයේ සිට 2010 වර්ෂය දක්වා පාර්ලිමේන්තුවේ 16 වන කථානායක ලෙස අභාවප්‍රාප්ත වි.ජ.මු. ලොකුබණ්ඩාර කටයුතු කළා.

දේශපාලනයට අමතරව සාහිත්‍යධරයෙකු, ගීත රචකයෙකු සහ කවියෙකු වන මොහු මුණිදාස කුමාරතුංග ආරම්භ කරන ලද හෙල හවුලේ සිංහල සාහිත්‍ය සංවිධානයේ සාමාජිකයෙකු වනවා.

සීගිරි ගී සර, රසදීපනී, ගරු කතානායකතුමනි – මැතිසබේ කළ කතා වැනි ග්‍රන්ථ කිහිපයක් රචනා කර තිබෙනවා.

අභාවප්‍රාප්ත වි.ජ.මු. ලොකුබණ්ඩාර පුතුන් තුන් දෙනෙකුගේ පියෙකු වනවා. ඔහුගේ දේහය පිළිබද අවසන් කටයුතු නිරෝධායන නීතින්ට අනුකූලව අද (15) කොටිකාවත්ත ආදාහනාගාරයේදී සිදුකිරීමට නියමිතයි.

Subscribe
Notify of
guest
1 Comment
Oldest
Newest Most Voted
Inline Feedbacks
සියලු ප්‍රතිචාර බලන්න !

සතියේ ජනප්‍රියම පුවත්

ත්‍රී රෝද රථයක් ගිනිබත් කරමින් වාහන 7 ක් අනතුරට පත්කල විඩියෝව

බීමත්ව හා අධික වේගයෙන් රියදුරන් විසින් ධාවනය කල මෝටර් රථ දෙකක් අතරින් එක් මෝටර්...

රෝහණ විරසිංහ සහ සුනිල් ආරියරත්න ඔස්කා සංවිධානයේ ධුරවලින් ඉල්ලා අස්වෙති

ආචාර්ය රෝහණ වීරසිංහයන් සහ මහාචාර්ය සුනිල් ආරියරත්න මහත්වරුන් ඔස්කා සංවිධානයේ තම ධුරවලින් ඉල්ලා අස්වීමේ...

බිරිඳට මහපාරේ කැතිපහර 35 ක් එල්ල කළ නරුම සැමියා

පසුගියදා සැමියෙකු තම බිරිඳට අතරමගදී ඇති වූ බහින්බස්වීමක් දුරදිග යාමෙන් සැමියා විසින් තම බිරිඳට...

ලස්සන කවියක් කියා මව සමඟ යන්නම ගිය සමනලිය

බිබිල, බදුල්ලගම්මන ප්‍රදේශයේ පදිංචිව සිටි මවක් ඊයේ (21) රාත්‍රියේ සිය තුන් හැවිරිදි දියණිය ද...

26 හැවිරිදි චතුරිකාගේ දේහය යළි ගොඩගනී

යක්කල ප්‍රදේශයේ පදිංචි 26 හැවිරිදි විවාහක කාන්තාවක්ගේ දේහය යළි ගොඩගැනීම සිදු කරනු ලැබුවා. ඇය...

අපගේ නවතම පුවත්

1
0
මේ පුවත ගැන ඔබේ ප්‍රතිචාරය කුමක්ද ?x
()
x