32 C
Colombo
Tuesday, April 20, 2021

ශ්‍රී ලංකාව සම්බන්ධ යෝජනාව වැඩි ඡන්දයෙන් සම්මත වෙයි

ශ්‍රී ලංකාවට එරෙහිව එක්සත් ජාතීන්ගේ සංවිධානයේ මානව හිමිකම් පිළිබඳ මහ කොමසාරිස්වරිය ගෙන ආ යෝජනාව වැඩි ඡන්දයෙන් සම්මමත වී තිබෙනවා.

ඊට විපක්ෂව ඡන්ද 11ක් ලැබී ඇති අතර පක්ෂව ලැබුනු ඡන්ද සංඛ්‍යාව 22ක්. ඉන්දියාව ද ඇතුලුව රටවල් 14ක් ඡන්දය භාවිත කිරීමෙන් වැළකී සිටියා. ආජන්ටිනාව, ආර්මේනියාව, ඔස්ට්‍රියාව, බහමාස්, බ්‍රසීලය, බල්ගේරියාව, කෝටෙිඩිවෝරේ, චෙක් ජනරජය, ඩෙන්මාර්කය, ෆීජි, ප්‍රංශය, ජර්මනිය, ඉතාලිය, මලාවි, මාර්ෂල් දූපත්, මෙක්සිකෝ, නෙදර්ලන්තය, පෝලන්තය, කොරියානු ජනරජය, යුක්රේනය, එක්සත් රාජධානිය සහ උරුගුවේ යෝජනාවට පක්ෂව ඡන්දය භාවිත කර තිබෙනවා.

යෝජනාවට විරුද්ධව බංග්ලාදේශය, බොලිවියාව, චීනය, කියුබාව, එරිත්‍රියාව, පකිස්ථානය, පිලිපීනය, රුසියානු, සමූහාණ්ඩුව, සෝමාලියාව, උස්බෙකිස්ථානය සහ වෙනිසුවේලාව ඡන්දය භාවිත කළා.

බහරේන්, බර්කිනා පාසෝ, කැමරූන්, ගැබොන්, ඉන්දියාව, ඉන්දුනීසියාව, ජපානය, ලිබියාව, මොරිටේනියාව, නැමීබියාව, නේපාලය, සෙනෙගාලය, සුඩානය සහ ටෝගෝ රාජ්‍යය ඡන්දය භාවිත කිරීමෙන් වැළකී සිටියා.

යෝජනාවට එරෙහිව සිය ඡන්දය ප්‍රකාශ කරමින් මානව හිමිකම් කවුන්සිලයේ මහජන චීන සමූහාණ්ඩුවේ නියෝජිතයා කියාසිටියේ මෙය මුලුමනින්ම මානව හිමිකම් කවුන්සියල දේශපාලනීකරණය කිරීමක් පෙන්නුම් කෙරෙන බවයි.

මෙම යෝජනාවේ එල් ටී ටී ඊ සංවිධානය සිදුකළ මානව හිමිකම් කඩකිරීම් පිළිබඳ කිසිදු සඳහනක් නොමැති බව පකිස්ථානය යෝජනාවට විරුද්ධව ඡන්දය භාවිත කරමින් සඳහන් කළා.

මෙය ශ්‍රී ලංකාවට එරෙහි බරපතල මානව හිමිකම් ප්‍රතිවිරෝධතාවක් ඇති කිරීමේ උත්සාහයක් බව පවසමින් වෙනිසුවේලාව ද යෝජනාවට විරුද්ධව ඡන්දය භාවිත කළා.

කෙසේවෙතත් ඉන්දියාව යෝජනාව සම්බන්ධයෙන් ඡන්දය භාවිත කිරීමෙන් වැළකී සිටියේ ශ්‍රී ලංකාව 13 වන ව්‍යවස්ථා සංශෝදනය සහමුලින්ම ක්‍රියාත්මක කළ යුතු බවට බරපතල ඉඟියක් කරමින්.

ශ්‍රී ලංකාවේ සංහිදියාව, වගවීම සහ මානව හිමිකම් ප්‍රවර්ධනය කිරීම යන තේමාව යටතේ අදාළ යෝජනාව ඉදිරිපත් කරනු ලැබුයේ එක්සත් රාජධානිය, ජර්මනිය, කැනඩාව, මලාවි, මොන්ටිනීග්‍රෝ සහ උතුරු මැසිඩෝනියාව විසින්.

සාමාජිකයන් 47 දෙනෙකුගෙන් සමන්විත ජගත් මානව හිමිකම් මණ්ඩලයේ ඒ පිළිබද ඡන්ද විමසීම ඊයේ දිනයේ පැවැත්වීමට නියමිතව තිබුණා. කෙසේ නමුත්, යෝජනා රැසක් න්‍යාය පත්‍රවලට ඇතුළත් කිරීමේ ගැටළු හේතුවෙන් එය අද දක්වා කල් දමනු ලැබුවා. අදාළ යෝජනාව මගින් ශ්‍රී ලංකාවේ මානව හිමිකම් තත්ත්වය පිළිබද අධීක්ෂණය සහ වාර්තාකරණය ඉහළ නංවන ලෙස එක්සත් ජාතීන්ගේ මානව හිමිකම් කොමසාරිස්වරිය වෙතින් ඉල්ලා සිටිනවා. එමෙන්ම, මෙරට සංහිදියාව සහ වගවීම සම්බන්ධයෙන් ලබන ප්‍රගතිය මානව හිමිකම් මණ්ඩලයේ ඉදිරි සැසි වාරයන් සදහා ඉදිරිපත් කර යුතු බව ද එම යෝජනාවේ සදහන්. කෙසේ නමුත්, මෙම යෝජනාව මුළුමනින්ම ප්‍රතික්ෂේප කරන බවයි විදේශ කටයුතු අමාත්‍ය දිනේෂ් ගුණවර්ධන ප්‍රකාශ කළේ.

161780726 286946236127164 1950819672825428839 o | Gossip Lanka
ඔබේ ප්‍රතිචාරය කුමක්ද ?
පට්ට !
0
අවුල් වගේ !
0
හරි හිනා !
0
හම්මෝ !
0
මාර දුකයි !
0
කුජීතයි !
0
මලපනිනව !
0
Subscribe
Notify of
guest
0 Comments
Inline Feedbacks
සියලු ප්‍රතිචාර බලන්න !

තවත් මෙවැනිම පුවත්

අවුරුදු එළිපත්තේ මනුෂ්‍ය ඝාතන තුනක්

ඊයේ දින දිවයිනේ විවිධ ප්‍රදේශවලින් මනුෂ්‍ය ඝාතන තුනක් වාර්තා වන බව පොලිස් මාධ්‍ය අංශය...

කුරුණෑගල කොරෝනා අවදානම ඉහළට

කුරුණෑගල දිස්ත්‍රික්කයේ නැවත වරක් කොරෝනා ආසාදිතයින්ගේ සංඛ්‍යාව ඉහළ යමින් තිබෙන බවට සෞඛ්‍ය බලධාරීන් අනතුරු...

නයි අල්ලන පොලිස් කොස්තාපල් (PHOTOS)

වඳුරඹ, ලේලවලවත්තේ, අංක 2 කොටසේ බෙනයක සිටි නයි පැටව් 42ක් වඳුරඹ පොලිසියේ කොස්තාපල් අමිල...

තෙල් මිල ඉහළට

ලෝක වෙළඳපොලේ බොරතෙල් බැරලයක මිල ඊයේ යළි ඇමරිකානු ඩොලර් 65 දක්වා ඉහළ ගියා.එය ඊට...

හෙරොයින් සමඟ කාන්තාවක් පොලීසියට කොටු වෙයි

බොරැල්ල මැගසින් පාර ප්‍රදේශයේදී හෙරොයින් සමඟ කාන්තාවක් අත්අඩංගුවට ගෙන තිබෙනවා.ඒ දකුණු කොළඹ කොට්ඨාස අපරාධ...

අද කාලගුණය

දිවයිනේ බොහෝ ප්‍රදේශවල සවස් කාලයේදී හෝ රාත්‍රී කාලයේදී තැනින් තැන වැසි හෝ ගිඟුරුම් සහිත...

අපගේ නවතම පුවත්

0
මේ පුවත ගැන ඔබේ ප්‍රතිචාරය කුමක්ද ?x
()
x