Central Bank Central Bank

ශ්‍රී ලංකා ආර්ථිකයේ නිරුවත ට්විටර් පණිවිඩ පහකින් හෙළිවෙයි

ශ්‍රී ලංකා මහ බැංකුව සතු ඩොලර් සංචිත ඉතා ශීඝ්‍රයෙන් පහළ වැටෙමින් තිබෙන බව ජේෂ්ඨ ව්‍යාපාරික මාධ්‍යවේදියකු වන ශිහාර් අනීස් අනාවරණය කරනවා.

අවස්ථා පහකදී නිකුත් කෙරෙන මෙම ට්විටර් පණිවිඩ හරහා මෙම මාධ්‍යවේදියා සඳහන් කරන්නේ වත්මන් ප්‍රවණතාව අනුව තවත් නොබෝ දිනකින් ශ්‍රී ලංකාවට අත්‍යවශ්‍ය ආහාර සහ ඛනිජ තෙල් ගෙන ඒමටත් මුදල් නැති වීමේ අවදානමක් ඇති බවයි.

ශ්‍රී ලංකාවට ලබන ජනවාරියේ ඇමරිකානු ඩොලර් මිලියන 500 ක ණය වාරිකයක් ගෙවීමට ඇති අතර මහ බැංකු අධිපති අජිත් නිවාඩ් කබ්රාල් දිගින් දිගටම පවසන්නේ එම ණය වාරික ගෙවීම ප්‍රමාදයකින් තොරව සිදුකරන බවයි.

කෙසේ වෙතත් මේ වන විට මෙරට ආර්ථිකයේ උද්ගතව ඇති තත්ත්වය අනුව එම ණය වාරික ගෙවීම් ද බරපතළ අවුල් සහගත තත්ත්වයකට වැටී ඇති බවයි ශිහාර් අනීස් අනිත් විශ්ලේෂණය කරන්නේ.

නොවැම්බර් මාසය අවසන් වන විට මෙරට තුළ සංචිත පහළ වැටීම 40.2% විය හැකි බවට පුරෝකථනය කරන ඔහු පවසන්නේ ශ්‍රී ලංකාවේ නිල සංචිත පහළ වැටීමේ ප්‍රතිශතය ද  30.1%ක් බවයි.

නොවැම්බර් මස මුලදී ඇමරිකානු ඩොලර් බිලියන 2.3 තිබූ මෙරට නිල සංචිත ප්‍රමාණය 1.6 දක්වා පහළ බැස තිබෙනවා.

 එමෙන්ම ජනවාරි මාසය වන විට ඇමරිකානු ඩොලර් බිලියන 500 ක ණය වාරිකයක් ශ්‍රී ලංකාව විසින් ගෙවිය යුතු වන අතර ඒ සඳහා ඒ වනවිට මෙරට මහ බැංකු සතු විදෙස් මුදල් සංචිත ප්‍රමාණය දළ වශයෙන් ඇමරිකානු ඩොලර් බිලියන එකක් පමණ වනු ඇති බවටයි මෙම ජේෂ්ඨ මාධ්‍යවේදීයා පුරෝකතනය කරන්නේ.

මෑතකදී මුදල් අමාත්‍ය බැසිල් රාජපක්ෂ සිදු කළ ඉන්දීය සංචාරය තුළදී ලාපොරොත්තු වූ ප්‍රමාණයේ මූල්‍යමය සවිමත් භවයක් ලබා ගැනීමට නොහැකි වූ අතර ඉන් මෙරට ආර්ථිකයට එක් වන්නේ ද ඇමරිකානු ඩොලර් මිලියන 400 කට සන්න ප්‍රමාණයක්.මේ අතර මෙරට ආර්ථිකයේ ඉදිරි මාස හය සම්බන්ධයෙන් වන වැඩපිළිවෙළ හෙළි කරමින් මහ බැංකු අධිපති අජිත් නිවාඩ් කබ්රාල් කියා සිටියේ එම කාලය තුළ ඇමෙරිකානු ඩොලර් බිලියන 4.7 ක සෘජු විදෙස් ලැබීම් මෙරට ආර්ථිකයට එක්වන බවයි.

ඔබේ ප්‍රතිචාරය කුමක්ද ?
පට්ට !
1
අවුල් වගේ !
1
හරි හිනා !
4
හම්මෝ !
4
මාර දුකයි !
4
මලපනිනව !
3
කුජීතයි !
6

සතියේ පලවූ මෙවැනිම පුවත්

Subscribe
Notify of
0 Comments
Inline Feedbacks
සියලු ප්‍රතිචාර බලන්න !

අපගේ නවතම පුවත්