29 C
Colombo
Friday, September 17, 2021

ශ්‍රී ලංකා කණ්ඩායමට කලෙකින් තරගාවලි ජයක්

ඉන්දීය කණ්ඩායම සමග  පැවති තෙවැනි හා අවසන් පන්දුවාර 20 ක්‍රිකට් තරගයේ ජයග්‍රහණය මීට ටික වේලාවකට පෙර ශ්‍රී ලංකා කණ්ඩායම සතුවුනා.

ඒ ඉන්දීය කණ්ඩායම කඩුලු 7කින් පරාජය කරමින්.

කොළඹ ආර් ප්‍රේමදාස පිටියේදී පැවති තෙවැනි පන්දුවාර 20 තරගයේදී පළමුව පන්දුවට පහරදුන් ඉන්දීය කණ්ඩායම නියමිත පන්දුවාර 20 තුලදී රැස්කර ගත්තේ ලකුණු 81ක් පමණයි.

තරගයේ කාසියේ වාසිය දිනාගත් ඉන්දීය නායකයා ආර් ප්‍රේමදාස පිටියේ පළමුව පන්දුවට පහරදීමට තීරණය කළා.

දරුණු කොවිඩ් ප්‍රහාරයකට ලක්වූ ඉන්දීය කණ්ඩායම මෙම තරගයට පිවිසුනේත් නවකයින් ගොන්නක් පිරිවරාගෙනයි.

ඊයේ දිනට වඩා හොඳින් තරගයට අවතීර්ණ වූ ශ්‍රී ලංකා ක්‍රීඩකයින් අත තරගයේදී ක්‍රීඩා පිටියේ උසස් ක්‍රීඩා රටාවක් පෙන්නුම් කළා.

එහි ප්‍රතිඵලය වූයේ පළපුරුදු ක්‍රීඩකයින් තිදෙනෙකුගෙන් පමණක් සමන්විත ඉන්දීය කණ්ඩායමේ පිතිකරුවන් එකා පස එකා හැරී ක්‍රීඩාගාරයට යාමයි.

කිසිදු ඉන්දීය ක්‍රීඩකයෙකුට පිටියේ ස්ථාවර වීමට ඉඩ නොතැබූ ශ්‍රී ලංකා පන්දු යවන්නන් ඔවුන්ගේ කාර්ය භාර්යය මැනවින් ඉටු කරද්දී පිටියේ පන්දු රැකීමත් ඉහළ මට්ටමක තිබුණා.

ඉන්දීය කණ්ඩායමේ පළමු කඩුලු 5ම මුලු ලකුණු සංඛ්‍යාව 36ක් වෙද්දී බිඳවැටී තිබුණා.

ඉන්දීය ඉදිරිපෙළ පිතිකරුවන්ට ප්‍රබල පීඩනයක් එල්ල කළ වනිඳු හසරංග සිය පන්දුවාර 4 තුලදී ලකුණු 9ක් පමණක් ප්‍රතිවාදීන්ට ලබාදෙමින් ඔවුන්ගේ කඩුලු 4ක් සිය පැස තුල දමාගන්නට සමත්වුනා.

ශ්‍රී ලංකා කණ්ඩායමේ නායකයා පන්දුවාර 4ක් තුල ලකුණු 20ක් ලබාදෙමින් ඉන්දීය කඩුලු දෙකක් දවාගත්තා.

ශ්‍රී ලංකා කණ්ඩායමට යම් තරමක හෝ ප්‍රතිරෝදයක් එල්ලවූයේ දගපන්දු යවන ක්‍රීඩක කුල්දීප් යාදෙව්ගෙන් පමණයි.

ඔහු ඉන්දීය ඉනිම නිමාවන විට නොදැවී ලකුණු 23ක් ලබාසිටියා.

උප නායක බුවනේශ්වර් කුමාර් කඩුල්ල රැකගෙන ලකුණු අතරට යාමට උත්සාහ කළ ද ඔහුට සිදුවූයේ දසුන් ශානකගේ පන්දු හමුවේ ලකුණු 16කට දැවී යන්නටයි.

ශ්‍රී ලංකා කණ්ඩායමේ විශිෂ්ඨ පිටියේ පන්දු රැකීම හමුවේ ඉන්දීය කණ්ඩායම පන්දුවාර 20 නිමාවෙද්දී කඩුලු 8කට ලකුණු 81ක් රැස් කළේ ශ්‍රී ලංකා කණ්ඩායමට ලකුණු 82ක ඉලක්කයක් ඉතිරිකර තබමින්.

ලකුණු 82ක ජයග්‍රාහී ඉලක්කයක් හඹා යාම ඇරඹූ ශ්‍රී ලංකා කණ්ඩායමේ පළමු කඩුල්ල බිඳවැටුනේ මුලු ලකුණු සංඛ්‍යාව 23ක්ව තිබියදීයි.

පළමු පන්දුවාර කිහිපය තුල ශ්‍රී ලංකා ආරම්භක පිතිකරුවන්ට ප්‍රබල පීඩනයක් එල්ල කරන්නට බුවනේශ්වර් කුමාර් ප්‍රමුඛ ඉන්දීය පන්දු යවන්නන් සමත්වුනා.

අවිශ්ක ප්‍රනාන්දු ලකුණු 12කට දැවී ගිය අතර ඔහු පසුපසින් මිනෝද් භානුක දැවීගියේ ලකුණු 18ක් ලබා සිටියදීයි.

ඊයේ තරගයේදී මෙන්ම අද තරගයේදීත් සිය වගකීම් කොටස පැහැරහැරි සදීර සමරවික්‍රම දැවීගියේ ලකුණු 6ක් ලබා සිටියදීයි.

පිතිකරණ ලැයිස්තුවේ උසස්වීමක් ලබාගෙන පිටියේ සිටි ධනංජය සිල්වා සමග එක්වූ වනිඳු හසරංග පන්දුවාර 15ක් තුලදී ශ්‍රී ලංකා කණ්ඩායම ජයග්‍රහණය කරා ගෙන ගියේ සිව්වැනි කඩුල්ලට ලකුණු ක අඛණ්ඩ සබඳතාවක් ගොඩනගා ගනිමින්.

අවසන් මොහොතේත් ශ්‍රී ලංකා ප්‍රේක්ෂකයින්ගේ නළල රැළි ගැසූ ඉල්ලීමක් නිෂ්ප්‍රභා කළ තෙවැනි විනිසුරු ධනංජය ද සිල්වා දැවී නොගිය ක්‍රීඩකයෙකු ලෙසට තීරණය කරන්නේ ශ්‍රී ලංකා කණ්ඩායමේ ජයග්‍රාහී ලකුණ වයිඩ් පන්දුවකින් තීරණය වීමට ඉඩ හරිමින්.

ඒ අනුව දෙරට අතර පැවති තරග 3කින් සමන්විත පන්දුවාර 20 තරගාවලිය තරග 2ට එකක් ලෙස ශ්‍රී ලංකා කණ්ඩායම ජයගත්තා.

ඔබේ ප්‍රතිචාරය කුමක්ද ?
පට්ට !
4
11.svg?v=2.6 | Gossip Lanka
අවුල් වගේ !
0
22.svg?v=2.6 | Gossip Lanka
හරි හිනා !
0
3.svg?v=2.6 | Gossip Lanka
හම්මෝ !
0
31.svg?v=2.6 | Gossip Lanka
මාර දුකයි !
0
27.svg?v=2.6 | Gossip Lanka
මලපනිනව !
0
30.svg?v=2.6 | Gossip Lanka
කුජීතයි !
0
48.svg?v=2.6 | Gossip Lanka
Subscribe
Notify of
guest
0 Comments
Inline Feedbacks
සියලු ප්‍රතිචාර බලන්න !

දවසේ නවතම පුවත්

සතියේ පලවූ පුවත්

අනුරාධපුර බන්ධනාගාරයේ ඇමතිවරයෙක් සිරකරුවන් දණගස්වා හිසට පිස්තෝලය තියලා

හෙලිකොප්ටරයකින් අනුරාධපුරයට පැමිණි ආණ්ඩුවේ අමාත්‍යවරයෙකු අනුරාධපුර බන්ධනාගාරයේ කලහකාරී ලෙස හැසිරී ඇති බව සමගි ජන...

කොරෝනා දින 6ක බිළිඳාවත් අරන් යයි

දින 6ක බිළිඳෙක් කොවිඩ් ආසාදිතව මියගිය පුවතක් බලංගොඩ මූලික රෝහලෙන් වාර්තා විය. බලංගොඩ, බෝම්බුව ප්‍රදේශයේ...

ලංකාවේම සමස්ත ණය ගෙවිය හැකි නිධානයක් සොයා ගනී

ශ්‍රී ලංකා රජය සහ අනෙකුත් ආයතන මේ වනවිට සමස්ථ විදේශ ණය ප්‍රමාණය ඇමෙරිකානු ඩොලර්...

පිඑච්අයි සංගමය හදිස්සියේ කල ප්‍රකාශය

නිසි පරිදි සංචරණ සීමා ක්‍රියාත්මක නොවන්නේ නම් නිරෝධායන ඇඳිරිනීතිය දීර්ඝකිරීමෙන් ඵලක් නොවන බව මහජන...

අපොස සාමාන්‍ය පෙළ ප්‍රතිඵල නිකුත් කිරීම ගැන තීරණය සතියක් තුළ..

අධ්‍යයන පොදු සහතික පත්‍ර සාමාන්‍ය පෙළ විභාගයේ ප්‍රතිඵල නිකුත් කිරීම සම්බන්ධයෙන් ලබන සතිය තුළ...
0
මේ පුවත ගැන ඔබේ ප්‍රතිචාරය කුමක්ද ?x
()
x