ශ්‍රී ලංකා ප්‍රවීණයන්ගේ කණ්ඩායම අවසන් මහා තරගයට සුදුසුකම් ලබයි

රෝඩ් සේෆ්ටි වර්ල්ඩ් සීරීස් තරගාවලියේ අවසන් මහා තරගයට සුදුසුකම් ලැබීමට ශ්‍රී ලංකා ප්‍රවීණයන්ගේ කණ්ඩායම අද සමත්වුනා. ඒ දකුණු අප්‍රිකාවත් සමග අද පැවති තරගය කඩුලු 8කින් ජය ගනිමින්.

තරගය දකුණු අප්‍රිකා ප්‍රවීණයන්ගේ කණ්ඩායම සමඟ පැවති අතර තරගයට පළමුවෙන් පහර දුන් දකුණු අප්‍රිකා කණ්ඩායම නියමිත පන්දුවාර 20 අවසානයේ සියළුදෙනා දැවී ලකුණු 125 ක් රැස්කළා.
පන්දු යැවීමේදී නුවන් කුලසේකර කඩුළු 5 ක් බිද හෙළුවා.

ලකුණු 126 ක ඉලක්කයක් හඹා ගිය ශ්‍රි ලංකා ප්‍රවීණයන්ගේ කණ්ඩායම පන්දුවාර 17 පන්දු 2 ක් තුළ කඩුළු 2 ක් පමණක් දැවී ලකුණු 129 ක් ලබා තරගය ජය ගත්තා.

උපුල් තරංග නොදැවී ලකුණු 39 ක් රැස් කළ අතර චින්තක ජයසිංහ නොදැවී ලකුණු 47 ක් රැස්කළා.

ඊට අමතරව සනත් ජයසූරිය සහ ටී එම් ඩිල්ෂාන් ලකුණු 18 බැඟින් ලබාගත්තා.

ඒ අනුව ශ්‍රි ලංකා ප්‍රවීණයන්ගේ කණ්ඩායම අවසන් මහා තරගයට සුදුසුකම් ලැබුවා.

අවසන් මහා තරගය ලබන ඉරිදා ඉන්දියාව සමගින් පැවැත්වීමට නියමිතයි.

ඔබේ ප්‍රතිචාරය කුමක්ද ?
පට්ට !
0
අවුල් වගේ !
0
හරි හිනා !
0
හම්මෝ !
0
මාර දුකයි !
0
මලපනිනව !
0
කුජීතයි !
0

සතියේ පලවූ මෙවැනිම පුවත්

Subscribe
Notify of
0 Comments
Inline Feedbacks
සියලු ප්‍රතිචාර බලන්න !

අපගේ නවතම පුවත්