ශිවාගේ කුඩු ජාවාරමේ සුලමුල එළියට

මුහුදු මාර්ගයෙන් මෙරටට මත්ද්‍රව්‍ය ගෙන ඒමේ ජාවාරම මෙහෙයවන ප්‍රබල මත්ද්‍රව්‍ය ජාවාරම්කරුවකු යැයි පැවසෙන මේ වනවිට ඉන්දියාවට පලා ගොස් සැඟවී සිටින බවට සැකකරන ‘ශිවා’ නොහොත් නන්දකුමාර් ශිවනන්දන් නමැත්තාගේ බිරිය බවට පැවසෙන කාන්තාවක් හෙරොයින් මත්ද්‍රව්‍ය සමග ඉකුත් දා (3දා) අලුයම තලාහේන, ජයමාවත ප්‍රදේශයේදී තලංගම පොලිසිය විසින් අත්අඩංගුවට ගෙන තිබේ.

අත්අඩංගුවට ගත් සැකකාරිය සතුව තිබී හෙරොයින් ග්‍රෑම් 7යි මිලිග්‍රෑම් 250ක් සොයාගෙන ඇති අතර එම සැකකාරිය වයස අවුරුදු 44ක කොළාන්නාව ප්‍රදේශයේ පදිංචි නෝනා ෂෙරින් ෂෙයින් අහමඩ් නමැති කාන්තාවකි.

අත්අඩංගුවට ගත් කාන්තාවගෙන් වැඩිදුර ප්‍රශ්න කිරීමේදී ‘ශිවා’ නමැත්තා විසින් මත්ද්‍රව්‍ය ජාවාරමෙන් උපයාගත් මුදලින් මිලදී ගත් බවට සැකකෙරන රුපියල් ලකෂ 500කට අධික වටිනාකමකින් යුත් අධිසුඛෝපභෝගී ජීප් රථයක්, වෑන් රථ දෙකක්, මෝටර් රථයක් ජා-ඇළ, ඒකල හා තලාහේන යන ප්‍රදේශවලින් සොයාගෙන ඇත. මෙහිදී සොයාගත් වාහන අතරින් KDH  වර්ගයේ වෑන් රථය සහ මිනි කූපර් වර්ගයේ රථය මීට පෙර සංවිධානාත්මක අපරාධ නිවාරණ කොට්ඨාසය විසින් පෑලියගොඩ කළු පාලම අසලදී කේරළ ගංජා කිලෝ 400ක් සමග අත්අඩංගුවට ගැනීමෙන් පසු බැඳුම්කර මගින් නිදහස් කළ වාහන බව විමර්ශනවලදී අනාවරණය වී ඇත.

මෙම මෝටර් රථ සම්බන්ධයෙන් මුදල් විශුද්ධිකරණ පනත යටතේ ඉදිරි විමර්ශන කටයුතු සිදුකරන බව පොලිසිය පවසීය.

අත්අඩංගුවට පත් කාන්තාව ‘ශිවා’ නමැති ප්‍රබල මත්ද්‍රව්‍ය ජාවාරම්කරුගේ දෙවන විවාහයේ බිරිය බවත් ශිවා නමැති මත්ද්‍රව්‍ය ජාවාරම්කරු මෙරටින් පලායෑමෙන් පසු ඔහුගේ මෙරට මත්ද්‍රව්‍ය ජාවාරමට මෙම කාන්තාව සහාය ලබාදී ඇති බවට මේ වනවිට තොරතුරු අනාවරණය වී ඇතැයි පොලිසිය පවසයි.

‘ශිවා’ නොහොත් නන්දකුමාර් ශිවනන්දන් විසින් ජාත්‍යන්තර මත්ද්‍රව්‍ය ජාලයට සම්බන්ධ ප්‍රංශයේ සිට මත්ද්‍රව්‍ය ජාවාරම මෙහෙයවනවා යැයි පැවැසෙන ‘රූබන්’ නමැත්තාගේ සහ ඉතාලියේ එම මත්ද්‍රව්‍ය ජාවාරම මෙහෙයවනවා යැයි පැවැසෙන “කුඩුලාල්” නමැත්තාගේ මෙරට මත්ද්‍රව්‍ය මෙහෙයවා ඇත්තේ “ශිවා” නමැත්තා බවත් “ශිවා” නමැත්තා විසින් නීති විරෝධී අයුරින් මුහුදු මාර්ගයෙන් මෙරටට මත්ද්‍රව්‍ය ගෙන්වීමද සිදුකර ඇති බව පොලිස් විමර්ශනවලදී අනාවරණය වී ඇතැයි පොලිසිය පවසයි.

‘ශිවා’ නමැත්තා හා අත්අඩංගුවට ගත් ඔහුගේ බිරිය විසින් දරුවන් හත් (7) දෙනෙක් නඩත්තු කර ඇති අතර එම දරුවන් කිහිපදෙනෙකු ශිවා නමැත්තාගේ පෙර විවාහයේ දරුවන් බවත් තොරතුරු අනාරවණය වී ඇති අතර කුලී පදනම මත ලබාගත් නිවෙස් දෙකක් පිළිබඳවද තොරතුරු අනාවරණය කර ගත හැකි වූ බව පොලිසිය පැවැසීය.

අත්අඩංගුවට ගත් සැකකාරිය ඉකුත්දා (3දා) කඩුවෙල මහෙස්ත්‍රාත් අධිකරණයට ඉදිරිපත් කිරීමෙන් අනතුරුව දින 07ක රැඳවුම් නියෝග ලබාගෙන ඇත.

පොලිසියේ ස්ථානාධිපති ප්‍රධාන පොලිස් පරීක්‍ෂක නලින්ද දිල්රුක් මහාතාගේ උපදෙස් මත ප්‍රධාන පොලිස් පරීක්‍ෂක ප්‍රියංකර මහතාගේ අධීක්‍ෂණය යටතේ, උප පොලිස් පරීක්‍ෂක මුදිත ප්‍රියංකර මහතාගේ මෙහෙයවීමෙන්, පො.සැ. රුවන් (48874), පො.සැ ජයතිස්ස (50173), පො.කො. කුමාර (84768), ඔබේසේකර (85207), පො.කො. අමිත් (79185) පො.කො සඳකැලුම් (91880), පො.කො. ප්‍රවීන, (91469), පො.කො. උදයරත්න (73320) විජේනායක (85766), කා.පො.කො. පීරිස් (10907) යන නිලධාරීන් විසින් මෙම අත්ංඅඩංගවට ගැනීම් සිදුකර ඇති අතර, තලංගම පොලිසිය වැඩිදුර විමර්ශන සිදුකරයි.

ඔබේ ප්‍රතිචාරය කුමක්ද ?
පට්ට !
0
11.svg?v=2.6
අවුල් වගේ !
0
22.svg?v=2.6
හරි හිනා !
0
3.svg?v=2.6
හම්මෝ !
0
31.svg?v=2.6
මාර දුකයි !
0
27.svg?v=2.6
මලපනිනව !
0
30.svg?v=2.6
කුජීතයි !
0
48.svg?v=2.6

සතියේ පලවූ මෙවැනිම පුවත්

Subscribe
Notify of
guest
0 Comments
Inline Feedbacks
සියලු ප්‍රතිචාර බලන්න !

අපගේ නවතම පුවත්

සතියේ පලවූ තවත් පුවත්

තෙල් මිල ගැන ගම්මන්පිලගෙන් ප්‍රකාශයක්.

ලෝකයේ තෙල් මිල වැඩි නොකළ රටවල් කිහිපයෙන් එකක් බවට ලංකාව පත් වී ඇතැයි බලශක්ති...

“රසායනික පොහොර තහනම් කළ ගැසට් නිවේදනය වැරදි උපදෙසින් සිදුවූවක්” – අමාත්‍යංශ ලේකම්

රසායනික පොහොර භාවිතය තහනම් කරමින් නිකුත් කරනු ලැබූ ගැසට් නිවේදනය වැරදි උපදෙස් මත සිදුවූවක්...

මට හැකිනම් ලියුම් එවන්න : රන්ජන් ඉල්ලයි

අධිකරණය අපහාස කිරීම හේතුවෙන් බන්ධනාගාර ගතව ගතව සිර දඬුවම් විඳින හිටපු මන්ත්‍රී රන්ජන් රාමනායක...

දැදුරුඔයේ නිරුවතින් හැසිරුණු පෙම්යුවල පොලීසිය දැක දුවයි

දැදුරුඔයේ දිය නාමින් පෙම්සුව විඳිමින් සිටි තරුණයකු සහ වයස්ගත කාන්තාවක පොලීසිය දැක බියවී කාන්තාව...

අන්තර්ජාලය හරහා සිදුවන ලිංගික අපරාධ මැඩලන්න විශේෂ මෙහෙයුමක්

අන්තර් ජාලය හාරහා සිදුවන ලිංගික අපරාධ මැඩලීම සම්බන්ධයෙන් අපරාධ පරීක්ෂණ දෙපාර්තමේන්තුව විශේෂ විමර්ෂණයක් ආරම්භ...
0
මේ පුවත ගැන ඔබේ ප්‍රතිචාරය කුමක්ද ?x
()
x