සත්තු වත්තේ තත්ත්වය දරුණු අතට – නවතම තොරතුරු මෙන්න

තෝර් හුදෙකලාවේ

දෙහිවල ජාතික සත්වෝද්‍යානයේ රඳවා සිටින “තෝර්” නමැති සිංහයාට කොවිඩ් 19 ආසාදනය වූ බවට හඳුණාගැනීමත් සමග එම සිංහයා අනෙක් සතුන්ගෙන් වෙන් කර තැබීමට පියවර ගෙන තිබෙනවා.

මෙම සිංහයා ආහාර ගැනීම ද ප්‍රතික්ෂේප කොට සිටි බවට වාර්තා වුවත් වනජීවී රැකවරණ රාජ්‍ය අමාත්‍ය විමලවීර දිසානායක මහතා ඊයේ පස්වරුවේ ප්‍රකාශ කළේ සිංහයා මේවන විට සුප් පානය කිරීම සිදු කරන බවයි.

එමෙන්ම ආසාදිත සිංහයා සමග ගැවසුණු සිංහ ධේනුවක් ද මලානික ස්වරූපයකින් සිටින බව වාර්තා වූවා.

සිංහ කූඩුව භාරව සිටි රැකවලුන් දෙදෙනෙකු ද සත්වෝද්‍යානය තුළම නිරෝදායනයට ලක් කර ඇති බව සඳහන්.

මෙම සිද්ධිය වාර්තා වූ සැණින් සත්වෝද්‍යානයේ සිදුකෙරුණු සියලු ඉදිකිරීම් කටයුතු නතර කර තිබෙන අතර සත්වෝද්‍යානය ද වසා දැමීමට කටයුතු කරනු ලැබුවා.

සේවකයින් අතරිනුත් කොවිඩ් මතුවෙයි

මේ අතර මෙම සිංහයා ආසාදිත බවට හඳුණාගැනීමත් සමග සත්වෝද්‍යානයේ සේවක සේවිකාවන්ට සහ එහි ඉදිකිරීම් වැඩබිම්වල සේවකයින්ට ඊයේ (18) රැපිඩ් ඇන්ටිජන් පරීක්ෂණ සිදු කිරීමට පියවර ගත්තා.

සත්වෝද්‍යානය තුළ සිටි සේවකයින් 30 දෙනෙකු පමණ රැපිඩ් ඇන්ටිජන් පරීක්ෂාවට මෙලෙස භාජනය කොට තිබුණා.

සත්වෝද්‍යාන ආරංචි මාර්ග පවසන්නේ ඒ හරහා එක් සේවකයෙකු ආසාදිතයෙකු ලෙස හඳුණාගෙන ඇති බවයි.

ඔහු ඊයේ දිනම රෝහල්ගත කිරීමට පියවර ගෙන ඇති බව සඳහන්.

සීබ්‍රාවෙකුත් ආසාදිතයි – තවත් සතුන් නිරෝදායනයේ

මේ අතර සත්වෝද්‍යානයේ හටගෙන ඇති තත්ත්වය පිළිබඳ පරීක්ෂණ සිදුකිරීම සඳහා ඊයේ දිනයේ වසංගත රෝග විද්‍යා අංශයේ නිලධාරීහු කණ්ඩායමක් ද එහි ගොස් තිබෙනවා.

සැක සහිත සතුන් කිහිපදෙනෙකුම නිරෝදායනයට යොමු කර ඇති බවත්, එම සතුන් සඳහා ද කොවිඩ් පරීක්ෂණ සිදු කිරීමට නියමිත බවත් පුවත් ආරංචි මාර්ග සඳහන් කළා.

වනජීවී සහ වන සංරක්ෂණ අමාත්‍ය සී.බී. රත්නායක මහතා ප්‍රකාශ කළේ සිංහයාට අමතරව සීබ්‍රා පැටවෙකු ද කොවිඩ් ආසාදිත බවට හඳුණාගෙන ඇති බවයි.

විශේෂයෙන් සත්වෝද්‍යානයේ සිටින වඳුරන් විශේෂයක් පිළිබඳ සැක සහිත තත්ත්වයක් හටගෙන ඇති බව යි වාර්තා වූයේ.

මේ අතර මෙම තත්ත්වය සම්බන්ධයෙන් ඉන්දියාවේ මධ්‍යම සත්වෝද්‍යාන අධිකාරියේ ද උපදෙස් ලබාගෙන ඇති බව සඳහන්.

ඔබේ ප්‍රතිචාරය කුමක්ද ?
පට්ට !
2
11.svg?v=2.6
අවුල් වගේ !
1
22.svg?v=2.6
හරි හිනා !
2
3.svg?v=2.6
හම්මෝ !
5
31.svg?v=2.6
මාර දුකයි !
37
27.svg?v=2.6
මලපනිනව !
4
30.svg?v=2.6
කුජීතයි !
2
48.svg?v=2.6

මෙවැනිම සතියේ ජනප්‍රිය පුවත්

Subscribe
Notify of
guest
0 Comments
Inline Feedbacks
සියලු ප්‍රතිචාර බලන්න !

අපගේ නවතම පුවත්

සතියේ පලවූ තවත් පුවත්

විදෙස් ධීවර යාත්‍රා දෙකක් නාවික හමුදා භාරයට

ඉන්දීය ධීවර යාත්‍රා දෙකක් ශ්‍රී ලංකා නාවික හමුදා භාරයට ගෙන තිබෙනවා. පේදුරු තුඩුවට නැගෙනහිර මුහුදේදී...

සනිටයිසර් බිව් රැඳවියන් දෙදෙනෙකු ජිවිතක්ෂයට

දෑත් පිරිසිදු කර ගැනීම සඳහා ලබාදෙනු ලබන විෂබිජනාෂක දියර (හෑන්ඩ් සැනිටයිසර්) පානය කරනු ලැබු...

දේශීය ලොකුලූනු කිලෝවක මිලත් ඉහළට

දඹුල්ල ආර්ථික මධ්‍යස්ථානයේ අද දේශීය ලොකුලූනු කිලෝවක තොග මිල රුපියල් 150ක් දක්වා ඉහළ ගොස්...

18 වැනි උපන් දිනය සමරන පුතුට මේධා ජයරත්නගේ කලින් සැමියා තැබූ සංවේදී සටහන (PHOTOS)

නිලි මේධා ජයරත්න හා ටෙලි නාට්‍ය හා සිනමා අධ්‍යක්ෂ සුරංග ලක්මාල් ටික කලකට ඉහතදී...

නිවසකට ඇතුළුවු කොල්ලකරුවන් දෙදෙනෙක් නිවසේ සිටි කාන්තාවක් මරාදමයි

මල්වතුහිරිපිටිය පිටුවල්ගොඩ ප්‍රදේශයේ නිවසකට ඇතුළුවු කොල්ලකරුවන් දෙදෙනෙක් නිවසේ සිටි කාන්තාවන් දෙදෙනෙකුට කළ පහර දීමකින්...
0
මේ පුවත ගැන ඔබේ ප්‍රතිචාරය කුමක්ද ?x
()
x