27 C
Colombo
Tuesday, December 7, 2021
Atlas Ad

සමනලී රන්ජන් ගැන තැබූ විශේෂ සටහන

අධිකරණයට අපහාස කිරීමේ චෝදනාව මත වසර 4ක් සිරගත කෙරුණු රන්ජන් රාමනායක මහතා සම්බන්ධයෙන් ජනප්‍රිය නිළි සමනලී ෆොන්සේකා සිය ෆේස්බුක් පිටුවේ අපූරු සටහනක් තබා තිබේ.

මේ දැක්වෙන්නේ එම සටහනය.

“රන්ජන් රාමනායකගේ කලා භාවිතාව හා දේශපාලන භාවිතාව පිළිබඳව කුමන විවේචනයක් තිබුන ද ඔහුගේ අවංකත්වය හා නිර්භීත බව අගය කළ යුතුය. පාර්ලිමේන්තුවට යන බොහෝ කලාකරුවන් මෙන් දේශපාලනය නිසා රංජන් කලාවෙන් සමු ගත්තේ නැති අතරම දේශපාලනය නිසා ඔහු ඔහුගේ සරල, ජනප්‍රිය, ගැලරියේ කලාව වෙනස් කර ගත්තේ ද නැත.

එමෙන්ම ප්‍රතිපත්තියක් නැති දේශපාලන පක්ෂයක් දිගින් දිගටම නියෝජනය කළ ද ඔහු ඔහුගේ විවේචනමය මැදිහත්වීම අවශ්‍ය තැනදී සිදු කළේය.

ස්ත්‍රිය ගැන ඔහු දරණ මතය ඉතාම පසුගාමී, අදේශපාලනික මතයක් වුව ද මැද පෙරදිග විදේශගත ශ්‍රමිකයන් වෙනුවෙන් ඔහුගේ මැදිහත්වීම ඇතුලු තවත් බොහෝ ප්‍රගතිශීලී මැදිහත්වීම් අමතක කළ නොහැක.

පාර්ලිමේන්තු මන්ත්‍රීධූරය සහ පුරවැසියකු ලෙස ඔහුගේ ඡන්ද බලය අහිමි කිරීම දක්වා රංජන්ගේ දඬුවම දිගුවීමට යයි නම්, එය ඉතාමත් අසාධාරණ මෙන්ම මර්ධනීය ක්‍රියාවක් බව පැහැදිලිය.

කිසිඳු සැඟවුණු න්‍යාය පත්‍රයකින් තොරව, පොදු ජනතාව වෙනුවෙන් සැමදා පෙනීසිටීමට උත්සාහා කළ රන්ජන් වෙනුවෙන් සාධාරණය ඉටු විය යුතුමය…!

ඔහු වෙනුවෙන් අප පෙළගැසිය යුතුමය…!”

ඔබේ ප්‍රතිචාරය කුමක්ද ?
පට්ට !
0
අවුල් වගේ !
0
හරි හිනා !
0
හම්මෝ !
0
මාර දුකයි !
0
මලපනිනව !
0
කුජීතයි !
0

සතියේ පලවූ මෙවැනිම පුවත්

Subscribe
Notify of
0 Comments
Inline Feedbacks
සියලු ප්‍රතිචාර බලන්න !

අපගේ නවතම පුවත්