සිම්බාබ්වේ ක්‍රිකට් පුහුණුකරු කටුනායකදී “පොසිටිව්” වෙයි

සිම්බාබ්වේ ක්‍රිකට් කණ්ඩායමේ ප්‍රධාන පුහුණුකරු ලාල්චාන්ඩ් රාජ්පුට් හට කොවිඩ්-19 ආසාදනය වී ඇති බව වාර්තා වනවා. ඊයේ රාත්‍රියේ දිවයිනට පැමිණි සිම්බාබ්වේ ක්‍රිකට් කණ්ඩායම කටුනායක ජාත්‍යන්තර ගුවන්තොටුපළේ දී සිදු කළ පී.සී.ආර් පරීක්ෂණවල ප්‍රතිඵල හරහා යි මේ බව තහවුරු වී ඇත්තේ.

ඒ අනුව ලාල්චාන්ඩ් රාජ්පුට් කණ්ඩායමෙන් වෙන්කර නිරෝධායනය සදහා යොමු කිරීමට නියමිතයි.

කෙසේ වෙතත් කණ්ඩායමේ අනෙක් ක්‍රීඩකයින් සහ කාර්ය මණ්ඩලය සම්බන්ධයෙන් සිදු කළ පී.සී.ආර් පරීක්ෂණවල දී ඔවුන් කිසිවෙක් හට කෝවිඩ් 19 ආසාදනය වී ඇති බවට වාර්තා වන්නේ නැහැ.

සිම්බාබ්වේ කණ්ඩායම ශ්‍රී ලංකා සංචාරය ආරම්භ කිරීමට පෙර සංචාරය සම්බන්ධයෙන් අදහස් දැක්වූ සිම්බාබ්වේ ප්‍රධාන පුහුණුකරු ලාල්චන්ද් රාජ්පුත් කියා සිටියේ, මෙම තරග සංචාරය තුළ දී ශ්‍රී ලංකා කණ්ඩායම පරාජය කිරීමේ හොඳ අවස්ථාවක් සිය කණ්ඩායමට ඇති බවයි.

තරග තුනකින් සමන්විත එක්දින තරගාවලියේ පලමු තරග්‍ය ලබන 16 වැනි දා මහනුවර පල්ලෙකැලේ ජාත්‍යන්තර ක්‍රිකට් ක්‍රීඩාංගණයේ දී දිවා-රාත්‍රී තරගයක් ලෙස ආරම්භ වනවා.

තරගාවලියේ සෙසු තරග, ජනවාරි 18 සහ 21 යන දිනවල දිවා රාත්‍රී තරග ලෙස පැවැත්වෙන්නේ ද මහනුවර පල්ලෙකැලේ ජාත්‍යන්තර ක්‍රිකට් ක්‍රීඩාංගණයේදී යි.

ක්‍රේග් අර්වින් නායකත්වය ලබා දෙන 15 දෙනෙකුගෙන් යුත් සිම්බාබ්වේ එක්දින සංචිතයට රයන් බර්ල්, රෙගිස් චකබාවා, ලියූක් ජොන්වේයි, ටකුඩ්වන්ශේ කයිටානො, ක්ලියිව් මඩන්ඩේ, වෙස්ලි මද්වේරේ, වෙලින්ටන් මසකඩ්සා, ටිනොටෙන්ඩා මුටොම්බොඩ්සි, බ්ලෙසිග් මුසොරබානි, නගරවා රිචාර්ඩ්, සිකන්ඩර් රාසා, ෂුම්බා මිල්ටන්, සහ ෂෝන් විලියම්ස් ඇතුළත් වනවා.

ඔබේ ප්‍රතිචාරය කුමක්ද ?
පට්ට !
2
අවුල් වගේ !
0
හරි හිනා !
0
හම්මෝ !
0
මාර දුකයි !
0
මලපනිනව !
0
කුජීතයි !
0

සතියේ පලවූ මෙවැනිම පුවත්

Subscribe
Notify of
0 Comments
Inline Feedbacks
සියලු ප්‍රතිචාර බලන්න !

අපගේ නවතම පුවත්