Central Bank Central Bank

සිලින්ඩරයේ දිනය පරීක්ෂා කර ගෑස් මිලදී ගන්නැයි ඉල්ලීමක්

ගෑස් සිලින්ඩර මිලදී ගැනීමේදි එහි මුදුනත ඇති වෑල්වය වසර පහක් ඇතුළත වෙනස් කර ඇත්දැයි සැළකිලිමත් වන ලෙස බලශක්ති විශේෂඥයන් ජනතාවගෙන් ඉල්ලීමක් කරනවා.

ගෑස් සිලින්ඩරයද වසර පහක් ඇතුළත ප්‍රමිතිය පරීක්ෂා කර තහවුරු කළ යුතුයි.

ඒ අනුව, ගෑස් මිලදී ගැනීමේදී සිලින්ඩරයේ සටහන් කර ඇති දිනය සම්බන්ධයෙන් සැළකිලිමත් වන ලෙසයි, ඔවුන් ජනතාවගෙන් ඉල්ලා සිටින්නේ.

බලශක්ති විශේෂඥයෙකු වන අනිල් ද සිල්වා මේ බව සඳහන් කළේ, ඇල්පිටිය ප්‍රදේශයේ ඊයේ(09) දිනයේ නව ඇසුරුම සහිත ගෑස් සිලින්ඩරයක් පුපුරායාමේ සිද්ධිය සම්බන්ධයෙන් කළ විමසීමකට ප්‍රතිචාර දක්වමින්.

මතභේදාත්මක ගෑස් කාන්දුවීමේ සිද්ධීන් වාර්තාවීමෙන් පසු දිවයින පුරා ගෑස් බෙදාහැරීම පසුගිය සතියේ තාවකාලිකව නවතා දැමුණා.

යළි පසුගිය පස්වනදා සිට එම සැපයුම යථා තත්වයට පත් කරනු ලැබුවේ මෙරටට පැමිණි නව ගෑස් අඩංගු නෞකාවේ ප්‍රමිතිය තහවුරු කිරීමෙන් පසුවයි.

එමෙන්ම, ලිට්රෝ සහ ලාෆ්ස් සමාගම්වල ගෑස් ඇසුරුම් පාරිභෝගික අධිකාරියේ ඍජු මැදිහත්වීමෙන් වෙනස්කම්වලට ලක් කරනු ලැබුවා.

කෙසේ වෙතත් බලශක්ති විශේෂඥයින්ගේ මතය වී ඇත්තේ, එම ක්‍රියාවලිය තවදුරටත් සූක්ෂමව සිදුකළ යුත්තක් බවයි.

පාරිභෝගික කටයුතු පිළිබඳ අධිකාරිය පවසන්නේ ගෑස් සිලින්ඩරයේ වෑල්වය නිසි ප්‍රමිතියෙන් යුක්තදැයි පරීක්ෂා කිරීමේ හැකියාවක් තම අධිකාරිය සතුව නොමැති බවයි.

ඊට අදාළ ප්‍රමිතීන් කඩිනමින් සකස් කරන්නැයි අද දිනයේ ශ්‍රී ප්‍රමිති ආයතනයට දැනුම් දෙන බව පාරිභෝගික අධිකාරියේ සභාපති විශ්‍රාමික මේජර් ජෙනරාල් ශාන්ත දිසානායක සඳහන් කළා.

එමෙන්ම ගෑස් සංයුතිය වෙනස් කිරීම සහ අපරික්ෂාකාරී ලෙස ගෑස් සිලින්ඩර බෙදාහැරීම යන චෝදනා යටතේ ලිට්රෝ සමාගමට එරෙහිව නඩු පැවරීමට පාරිභෝගික අධිකාරිය සූදානම් වනවා. ඊට අදාළව නීතිපති උපදෙස් ලබාගැනීම ඉදිරි දින කිහිපයේදී සිදුකිරීමටයි සැළසුම් කර ඇත්තේ.

ඔබේ ප්‍රතිචාරය කුමක්ද ?
පට්ට !
1
අවුල් වගේ !
0
හරි හිනා !
0
හම්මෝ !
0
මාර දුකයි !
1
මලපනිනව !
1
කුජීතයි !
4

සතියේ පලවූ මෙවැනිම පුවත්

Subscribe
Notify of
0 Comments
Inline Feedbacks
සියලු ප්‍රතිචාර බලන්න !

අපගේ නවතම පුවත්