සීනි හිඟයක් ගැන අනතුරු අඟවයි

පාලන මිල ඉක්මවා වෙළෙඳුන් සීනි අලෙවි කරන බවට ජනතාව පාරිභෝගික කටයුතු පිළිබඳ අධිකාරියට පැමිණිලි කර ඇත. සීනි තොග මිල රුපියල් 130ක් වන අතර සිල්ලර මිල රුපියල් 138ක් දක්වා ඊයේ (12 වැනිදා) වනවිට වැඩි වී තිබූ බව පිටකොටුව තොග වෙළෙන්දෝ ප්‍රකාශ කරති.

පාරිභෝගික කටයුතු පිළිබඳ අධිකාරිය සැප්තැම්බර් මස දෙවැනි දින නිකුත් කළ පාලන මිල ගැසට් නිවේදනයට අනුව සුදු සීනි සිල්ලර මිල රුපියල් 122ක් වෙයි. පැකට් කළ සුදු සීනි කිලෝග්‍රෑමයක සිල්ලර මිල රුපියල් 125කි. දුඹුරු සීනි කිලෝග්‍රෑමයක උපරිම සිල්ල මිල රුපියල් 125ක් වෙයි.

සීනි ආනයනය කිරීමට අවසර දී ඇතත් ඩොලර් හිඟය නිසා ණය වර ලිපි නිකුත් කිරීමට නොහැකි තත්ත්වයක් මතුවීම හේතුවෙන් සීනි ආයනයනය කිරීමට නොහැකි වී ඇති බව ආනයනකරුවෝ පවසති. මේ නිසා ඉදිරියේදී සීනි හිඟයක්ද ඇතිවිය හැකි බවට ආනයනකරුවෝ අනතුරු ඇඟවීමක්ද කරති.

ලෝක වෙළෙඳපොළේද සීනි මෙට්‍රික් ටොන් එකක මිල ඇමරිකා ඩොලර් 550ක් දක්වා වැඩි වී තිබේ. එම නිසා සීනි කිලෝග්‍රෑමයක් වරායෙන් නිදහස් කරගන්නා විට රුපියල් 116ක් වන බවද ආනයනකරුවෝ පෙන්වා දෙති. පාරිභෝගික කටයුතු පිළිබඳ අධිකාරියේ ගැසට් නිවේදනයට අනුව ආනයනකරු විකිණිය යුතු උපරිම තොග මිලද රුපියල් 116ක් වෙයි.

කෙසේ වෙතත් පැල්වත්ත, සෙවණගල, ඇතිමලේ හා හිඟුරාන සීනි කර්මාන්තශාලාවලින් නිෂ්පාදනය කරන සීනි තොගද සතොස හා සමුපකාර සමිති සඳහා ලබාදෙයි. මෙම කර්මාන්තශාලාවල දේශීය ගැනුම්කරුවන් දසදෙනකු ලියාපදිංචි වී ඇති අතර ඔවුන්ට සීමා සහිතව සීනි නිකුත් කරන බව ලංකා සීනි සමාගම පවසයි.

පෞද්ගලික ගැනුම්කරුවන් සඳහා ඔක්තෝබර් මස සීනි මෙට්‍රික්ටොන් 2000ක් නිකුත් කර ඇති අතර අගෝස්තු මාසයේදී මෙට්‍රික් ටොන් 10,000ක් නිකුත් කර ඇත. පාලන මිල පැනවීමෙන් පසු ගැනුම්කරුවන්ට සීනි නිකුත් කිරීම සීමා කළ බව ලංකා සීනි සමාගමේ සභාපති ජනක විමලචන්ද්‍ර ‘අරුණ’ට පැවැසුවේය. සීනි සඳහා පනවා ඇති පාලන මිල ඉවත් කිරීමක් සිදුවන්නේදැයි අවධානයෙන් සිටින බව ඔහු පවසයි.

කෙසේ වෙතත් සීනි ආනයනය සඳහා පනවා ඇති සත විසිපහේ බද්දද අද (13 වැනිදා) සිට අහෝසි වීමට නියමිතය.

පාලන මිල ඉක්මවා සීනි අලෙවි කරන වෙළෙඳසල් සොයා පාරිභෝගික කටයුතු පිළිබඳ අධිකාරියේ විමර්ශන නිලධාරීන් ඊයේ (12 වැනිදා) සිට විමර්ශන ආරම්භ කළ බව එහි සභාපති විශ්‍රාමික මේජර් ජෙනරාල් ශාන්ත දිසානායක ප්‍රකාශ කරයි. කොළඹ දිස්ත්‍රික්කයේ පමණක් ඊයේ (12 වැනිදා) දිනයේදී වැටලීම් දහයක් පමණ සිදුකර ඇත.

ඔබේ ප්‍රතිචාරය කුමක්ද ?
පට්ට !
0
11.svg?v=2.6
අවුල් වගේ !
0
22.svg?v=2.6
හරි හිනා !
0
3.svg?v=2.6
හම්මෝ !
1
31.svg?v=2.6
මාර දුකයි !
0
27.svg?v=2.6
මලපනිනව !
0
30.svg?v=2.6
කුජීතයි !
6
48.svg?v=2.6

සතියේ පලවූ මෙවැනිම පුවත්

Subscribe
Notify of
guest
0 Comments
Inline Feedbacks
සියලු ප්‍රතිචාර බලන්න !

අපගේ නවතම පුවත්

සතියේ පලවූ තවත් පුවත්

ගුරුවරුන්ගෙන් ආණ්ඩුවට අලුත් අභියෝගයක්

හෙට (25) දිනයේ කොටුව දුම්රියපොළ ඉදිරිපිට උද්ඝෝෂණයක් පවත්වන බව ලංකා ගුරු සංගමයේ ලේකම් ජෝසෆ්...

ෆේස්බුක් පෙමක පැටලුනු තරුණියක් අභිරහස් ලෙස මියයයි

බලන්ගොඩ, මස්සැන්න, හෙලකන්ද ප්‍රදේශයේ නිවසක කාමරයක් තුළ තිබී සැකසහිත ලෙස මියගිය තරුණියකගේ සිරුරක් ඊයේ...

සහනයක් සොයා කපුවකු හමුවට ආ තරුණයා කපුවාගෙ පවුල සමඟ පැනගිහින්… බිරිඳ සොයා කපුවා පොලීසි යයි

බිරිය වෙනතක ගියේ යැයි කියා සහනයක් සොයා දේවාලයක කපුවකු හමුවට ආ පුද්ගලයකු කපුවාගේ බිරිය...

කොවිඩ් මරණ 19ක්

තවත් කොවිඩ් මරණ 19ක් සෞඛ්‍ය සේවා අධ්‍යක්ෂ ජනරාල්වරයා විසින් තහවුරු කර තිබේ. එම මරණ ඊයේ...

මහේල ශ්‍රී ලංකා ක්‍රිකට් කණ්ඩායමට සමුදෙයි

ලෝක කුසලාන පන්දුවාර විස්ස ක්‍රිකට් තරගාවලිය සඳහා එක්ව සිටින ශ්‍රී ලංකා කණ්ඩායමට ක්‍රිකට් උපදේශකවරයෙකු...
0
මේ පුවත ගැන ඔබේ ප්‍රතිචාරය කුමක්ද ?x
()
x