සුදු හිමිගේ අභිරහස් මරණින් පසු තවත් දෙකක්

රත්ගම පොල්දූව ආරණ්‍ය සේනාසනයේ භාවනානුයෝගීව වැඩ වාසය කළ නෙදර්ලන්තයේ ජිනවංශ හිමියන්ගේ අභිරහස් මරණය සිදුව මේ වන විට සැලකිය යුතු කාලයක් ගතවී හමාරය. එහෙත් එම මරණය ඝාතනයක්ද සියදිවි හානිකර ගැනීමක්ද එසේත් නැතිනම් වෙනත් සංසිද්ධියකින් සිදුවූවක්දැයි මෙතෙක් පැහැදිලිව හෙළිවී නැත. මෙම ඝාතනය සම්බන්ධයෙන් විමර්ශන සිදුවන්නේ රත්ගම පොලීසියෙනි. අපරාධ පරීක්ෂණ දෙපාර්තමේන්තුවේ සහකාර පොලිස් අධිකාරීවරයෙකුගෙන් සැදුම් ලත් පොලිස් කණ්ඩායමක්ද අගමැති නියමයෙන් රත්ගම පොලීසියේ සහයට පත්කරනු ලැබීය. එම සහකාර පොලිස් අධිකාරීවරයා රත්ගම පැත්තේ සෑම අහුමුල්ලක් ගැනම හොදින් දන්නා නිලධාරියෙකි. ඒ ඔහුගේ උපන් ගම් පළාත ඇත්තේ ඒ කිට්ටුව පාත වූ බැවිනි. මාසයක් තිස්සේ ඔහු ඇතුළු කණ්ඩායමත් ජිනවංශ හිමින්ගේ මරණයේ අභිරහස විසඳීමට වෙහෙසක් ගත්තද තවමත් එම අභිරහස විසඳී නැත්තේ ජිනවංශ හිමියන්ගේ ඝාතනයත් මීගමුවේ අබා කොස්තා පියතුමන්ගේ ඝාතනය මෙන් කාලයේ වැලි තලාවේ සැඟවී යන අභිරහසක් බවට පත්වන පෙර නිමිති පෙන්වමිනි.

මෙම සිදුවීමේ ඇති එක් අභිරහසක් වන්නේ ජිනවංශ හිමියන්ගේ සිරුරේ ගැටගසා තිබූ ගල එම ප්‍රදේශයේ එකක් නොවීමය. අනෙක් අතට එම ගල බැඳගෙන පිහිනීමේ හැකියාවක් තිබීම තවත් ගැටලුවකි.

ජිනවංශ හිමියන්ගේ ඝාතනය පමණක් නොව, ඉකුත් 05 වෙනිදා රාත්‍රී කාලයේ රත්ගම සිදුවන තවත් ඝාතන දෙකකක්ම මේ වන විට ඇත්තේ නොවිසදුණු ඝාතනයන් ලෙසිනි. ඒ එක් ඝාතනයක් විශ්‍රාමික ගුරුවරියකගේය. දෙවැනි ඝාතනය පෙදරේරුවෙකුගේය. විශ්‍රාමික ගුරුවරිය ඝාතනය වන්නේ ඇය පදිංචිව සිටි නිවස තුළදීය. ඒ ගෙල මිරිකාය. පෙදරේරුවාගේ ඝාතනය සිදුවන්නේ මහමගය. ඒ ගුරුවරියගේ නිවසේ සිට මිටර් සියයක් පමණ දුරකිනි. පිහිපහරවල් තිහත් හතළිහක් එම සිරුරේ තිබී ඇත. පොලීසීය විශ්වාස කරන්නේ මෙම ඝාතන දෙක අතර යම් සම්බන්ධයක් ඇති බවය. ගුරුවරියගේ සැමියා ද කලකට පෙර මිය ගොසිනි. ඇයට දරු මල්ලන් නැත. ඇය යමක් කමක් ඇති තැනැත්තියකි. ඇගේ මරණින් පසු ඇයට හිමි දේපොළ බෙදෙන්නේ කෙසේදැයි ඇය නීතීඥවරියක් හමුවී අන්තිම කැමති පත්‍රය පවා ලියා තිබී ඇත. එම නීතීඥවරිය ඇගේ ඥාති පුතෙකුගේ බිරිඳකි. රත්ගම පැත්තේ ධීවර ව්‍යාපාරිකයින් දෙදෙනෙක් පැහැරගෙන ගොස් ඝාතනය කර හම්බන්තොට පැත්තේ කැලේකදී ගිනි තැබීමක් සම්බන්ධයෙන් අපරාධ පරීක්ෂණ දෙපාර්තමේන්තුව විසින් අත්අඩංගුවට ගත් මාතර පොලිස් ඒකකයේ පොලිස් ස්ථානාධිපතිවරයා ඔහුය. තවමත් ගුරුවරියගේ අන්තිම කැමති පත්‍රය විවෘත කර නැත. නීතීඥවරිය පවා එහි ඇත්තේ කුමක්දැයි කියන්නේද නැත. ඒ ඇගේ අන්තිම කැමැත්ත වී ඇත්තේ මියගොස් සති දෙකකින් අන්තිම කැමති පත්‍රය ප්‍රසිද්ධ කරන්නට යැයි කීම නිසා බව නීතීඥවරිය සදහන් කරයි. ඒ අනුව ඇගේ අන්තිම කැමැත්ත ලියැවි ඇත්තේ කොයි ආකාරයෙන්දැයි දැන ගන්නට තවත් දින කිහිපයක් ඇගේ පවුලේ ඥාතීන්ට බලා සිටීමට සිදුවනු ඇත. ඇතැම් විට එම අන්තිම කැමති පත්‍රය ඇගේ ඝාතනයට හෝඩුවාවක් පවා පොලීසියට ලබාදෙනු ඇති බවට විශ්වාසයක්ද පවතී.

එදා ඇගේ ඝාතනය සිදුවූ දින අවසානයට ඇගේ නිවසට පැමිණ ඇත්තේ හික්කඩුව පොලීසියේ රථවාහන අංශයේ ස්ථානාධිපතිවරයාය. ඔහුත් ඇගේ ඥාතියෙකි. ඔහු පවසන්නේ නිවසේ විදුලි බල්බයක් ක්‍රියාත්මක නොවන බවට නැන්දනිය විසින් කළ දැනුම් දීමකට අනුව ඒ ගැන සොයා බැලීමට තමා එදින නිවසට පැමිණි බවය. නිවසින් තමා පිටවූයේ රාත්‍රී 7.00 පමණ බවද ඔහු කියයි. ඝාතනය සිදුවන්නේ ඊට පසුවය. එදා රාත්‍රියේ ඝාතනයට ලක්වූ පෙදරේරුවා කෙලින් සිට ගන්නට බැරි තරමට මත්පැන් පානය කර පාපැදියකින් වැනි වැනී ගමන් කර ඇති බවටද පොලීසියට තොරතුරු ලැබී ඇත. ගුරුවරියගේ නිවස ඔහු පසුකර ගොස් ඇතැයි අනුමන කෙරෙන්නේ රාත්‍රී 8.30 ත් 9.00 ත් අතර කාල පරාසය තුළදීය. සැකකරනුයේ ගුරුවරියගේ ඝාතකයාව මෙම පෙදරේරුවා හදුනා ගැනීම නිසා ඔහුව මරා දමන්නට ඇති බවය. මේ සියල්ලක්ම අනුමානයන් පමණි. තවමත් පොලීසිය සිටින්නේ මෙම ඝාතනයේ කොනක් හරියටම සොයා ගන්නට බැරිවය. ඇතැම් විට මෙම ගුරුවරිය ඝාතනය කරන්නට ඇත්තේ ඇගෙන් නිතරම මුදල් ඉල්ලාගෙන කරදර කරන ගමේම වෙනත් පුද්ගලයෙක් වන්නට පුළුවනි. එසේම මෙම ගුරුවරියගේ ඥාති පුතා වන පොලිස් ස්ථානාධිපතිවරයා අතින් සිදුවුණු ද්විත්ව ඝාතනය හා මෙම ඝාතනයන් බැඳී තිබෙන්නටද පුළුවනි. මේවායින් මෙම ඝාතනයට මුල්වූයේ කුමක්දැයි වැඩි කල් යන්නට මත්තෙන් හෙළිකර ගැනීමට පොලීසිය අසමත් උවහොත් සිදුවන්නේ මෙම ද්විත්ව ඝාතන විමර්ශනයන්ද නෙදර්ලන්තයේ ජිනවංශ හිමියන්ගේ ඝාතන විමර්ශනයන්ට සිදුවී ඇති දේමය.

ඔබේ ප්‍රතිචාරය කුමක්ද ?
පට්ට !
0
11.svg?v=2.6
අවුල් වගේ !
0
22.svg?v=2.6
හරි හිනා !
0
3.svg?v=2.6
හම්මෝ !
0
31.svg?v=2.6
මාර දුකයි !
0
27.svg?v=2.6
මලපනිනව !
0
30.svg?v=2.6
කුජීතයි !
0
48.svg?v=2.6

මෙවැනිම සතියේ ජනප්‍රිය පුවත්

Subscribe
Notify of
guest
1 Comment
Oldest
Newest Most Voted
Inline Feedbacks
සියලු ප්‍රතිචාර බලන්න !

අපගේ නවතම පුවත්

සතියේ පලවූ තවත් පුවත්

හයිලන්ඩ් කිරිපිටි මිල ඉහළට

‪හයිලන්ඩ් කිරිපිටි මිල ඉහල දැමීමට තීරණය කර ඇති බව මිල්කෝ සමාගමේ සභාපති ලසන්ත වික්‍රමසිංහ...

ලංකාවේ නම ලෝකෙටම අරන් ගිය යොහානි නැවතත් මව්බිමට (ඡායාරූප)

ලංකාවේ නම ලෝකෙටම අරන් ගිය යොහානි, ඉන්දියානු සංචාරයෙන් අනතුරුව මේ වන විට කටුනායක ගුවන්...

ජනතාව මත බර නො පටවන්න – ජනපතිගෙන් ප්‍රකාශයක්

ඉන්ධන මිල මේ මොහොතේ වැඩි නොකිරීමට කැබිනට් මණ්ඩලය තීරණය කර තිබෙනවා. ජනාධිපති ගෝඨාභය රාජපක්ෂගේ ප්‍රධානත්වයෙන්...

ඉන්ධන මිලත් ඉහළ දමන්න – තෙල් සංස්ථාවේ සභාපති ඉල්ලයි

ඛණිජ තෙල් නීතිගත සංස්ථාව පාඩු ලබන බැවින් ඉන් මිදීම සඳහා ඉන්ධන මිල ඉහළ දැමිය...

ගෑස් නිසා ගෑස් පෙන්වන භූමිතෙල් උඳුන්වල කතාව

රටේ භූමිතෙල් උඳුන් හිඟයක් මතුව ඇති බව පිටකොටුව ස්වයං රැකියා නියුක්තිකයන්ගේ ජාතික සංගමයේ සභාපති...
1
0
මේ පුවත ගැන ඔබේ ප්‍රතිචාරය කුමක්ද ?x
()
x