24 C
Colombo
Wednesday, December 8, 2021
Atlas Ad

සූරියවැව දැරියගේ සිද්ධියේ සුලමුල හෙළිවෙයි – පියා සහ බාප්පා සියල්ල පාපොච්චාරණය කරයි

සූරියවැව, බැද්දෙවැව ගම්මානයේ පදිංචිව සිටි දැරියක් ගිනි අවි පෙන්වා පැහැර ගැනීමේ සිද්ධියෙහි සුල මුළ අනාවරණය කර ගැනීමට පොලීසිය සමත් වී තිබෙනවා.

මෙම දැරියගේ මව වෙනත් පුරුෂයෙකු සමග වෙනම ජීවත්වන අතර දැරිය ජීවත් වී ඇත්තේ සිය පියා සමග යි.

පසුගිය 04 වැනි දා අළුයම් කාලයේ දී යතුරුපැදිවලින් පැමිණි මුහුණු ආවරණය කර ගත් පිරිසක් සිය නිවසට කඩා වැදී ආයුධ පෙන්වා බිය ගන්වා සිය දියණිය පැහැරගෙන ගිය බව පවසමින් දැරියගේ පියා පොලීසියේ පැමිණිල්ලක් කොට තිබුණා.

ඒ අනුව මේ සම්බන්ධයෙන් සූරියවැව පොලීසිය විමර්ශන ආරම්භ කළ අතර එහි දී පොලීසියට නිරීක්ෂණය වී දැරියගේ පියාගෙන් සිද්ධිය පිළිබඳව සිදුකල ප්‍රශ්ණ කිරීමේදී ලබා දී ඇති සාක්ෂි පරස්පරවිරෝධී බව යි.

අනතුරුව ඇති වූ සැකය මත දැරියගේ පියා සහ ඔහුගේ බාල සොහොයුරෙකු අත්අඩංගුවට ගෙන ප්‍රශ්ණ කිරීමට පොලීසිය කටයුතු කර තිබෙනවා.

දිගින් දිගටම කළ ප්‍රශ්ණ කිරීම් හමුවේ සත්‍ය වශයෙන්ම සිදුවූයේ කුමක්දැයි පාපොච්ඡාරණය කිරීමට ඔවුන් දෙදෙනා කටයුතු කර ඇති බව සඳහන්.

ඒ අනුව අනාවරණය වී ඇත්තේ දැරිය පැහැරගෙන යාමේ සිදුවීම සම්පූර්ණයෙන්ම දැරියගේ පියාගේ සහ ඔහුගේ බාල සොයුරාගේ නිර්මාණයක් බවයි.

මීට මාස එක හමාරකට පමණ පෙර සිට වෙනත් පුද්ගලයෙකු සමග ගොස් සිටින දැරියගේ මව පොලීසිය වෙත ගෙන්වා ගැනීමත්, මෙම පැහැර ගැනීමේ සිද්ධියට ඇයව හසු කිරීමත් ඔවුන්ගේ අරමුණ වී තිබෙනවා.

දැරියගේ පියාගෙන් වැඩිදුරටත් සිදුකල ප්‍රශ්ණ කිරීමේදී ඔහු අනාවරණය කර ඇත්තේ පැහැරගැනීම සිදුවූ බවට පැවසූ දිනට පෙර දින, එනම් 03 වැනි දා තමා සිය දියණිය සූරියවැව ඥාතිවරයෙකුගේ නිවසක නතර කර පැමිණි බවයි.

අනතුරුව පසු දා (04) උදෑසන සිය දියණිය පැහැරගත් බවට පොලීසියට පැමිණ පැමිණිලි කළ බව ඔහු ප්‍රකාශ කොට තිබෙනවා.

අදාළ පැමිණිල්ල සිදු කිරීමෙන් අනතුරුව දැරියගේ පියා, සිය දියණිය සිටි ඥාති නිවසින් ඇයව රැගෙන ගොස් දික්වැල්ල, දොඩම්පහල ප්‍රදේශයේ පදිංචි බිරිදගේ ඥාතිවරයෙකුගේ නිවසකට යවා ඇති බව ද පොලීසිය අනාවරණය කරගෙන ඇති බව සඳහන්.

සැකකරුවන් හම්බන්තොට මහේස්ත්‍රාත් අධිකරණය හමුවට ඊයේ (05) ඉදිරිපත් කිරීමෙන් පසු රුපියල් ලක්ෂ දෙක බැගින් වු ශරීර ඇප හතරක් මත නිදහස් කරන ලෙසට නියොග කර ඇති අතර ඉදිරි නඩු දිනයේ යළි අධිකරණය හමුවේ පෙනී සිටින ලෙස ද හම්බන්තොට වැඩබලන මහේස්ත්‍රාත්වරයා නියෝග කර තිබෙනවා.

වරද පිළිගැනිම හේතුවෙන් සැකකරුවන්ව මෙලෙස ශරීර ඇප මත නිදහස් කර ඇති අතර සැකකරුවන් වෙනුවෙන් පෙනී සිටි නීතීඥවරයා විසින් ඉදිරිපත් කල කරුණු සළකා බැලූ වැඩබලන මහේස්ත්‍රාත්වරයා දැරිය පියා බාරයේම තබාගැනිමට ද අවසර ලබාදී ඇති බවයි වාර්තා වන්නේ.

ඔබේ ප්‍රතිචාරය කුමක්ද ?
පට්ට !
0
අවුල් වගේ !
2
හරි හිනා !
3
හම්මෝ !
1
මාර දුකයි !
4
මලපනිනව !
7
කුජීතයි !
10

සතියේ පලවූ මෙවැනිම පුවත්

Subscribe
Notify of
1 Comment
Oldest
Newest Most Voted
Inline Feedbacks
සියලු ප්‍රතිචාර බලන්න !

අපගේ නවතම පුවත්