28 C
Colombo
Wednesday, June 16, 2021
logo

හමුදා ප්‍රහාර හමුවේ හිනැහුණු ජෙරුසෙලමේ තරුණියකගේ කතාව

දින ගණනාවක් මුළුල්ලේ ගාසා තීරයට එල්ල වූ ප්‍රහාරවලින් 230 කට වැඩි පිරිසක් මරුමුවට පත්වූ අතර කාන්තාවන් සහ දරුවන් 100කට වැඩි පිරිසක් ද ඒ අතර සිටිනවා.

ඊශ්‍රායලය පවසන්නේ, ඒ අතරින් 150 කට වැඩි පිරිසක් හමාස් කැරලිකරුවන් බවයි.

හමාස් සංවිධානය විසින් ඊශ්‍රායලයට එල්ලකරන ලද දහස් ගණන් රොකට් ප්‍රහාර හේතුවෙන් 12 දෙනෙක් මරුමුවට පත්වූ අතර දරුවන් දෙදෙනෙක් ද ඒ අතර සිටිනවා.

මේ අතර, ජෙරුසෙලමේ ෂෙයික් ජරා (Sheikh Jarrah) ප්‍රදේශයේ දී පලස්තීන ජාතිකයන් උද්ඝෝෂණයක නිරතව සිටියදී ඊශ්‍රායල පොලිසිය විසින් අත්අඩංගුවට ගනු ලැබූ තරුණියක් කිසිදු චකිතයකින් තොරව හිනැහෙමින් සිටින ආකාරය දැක්වෙන වීඩියෝ පටයක් විශාල පිරිසක් විසින් හුවමාරු කරගනු ලැබ තිබුණා.

පසුගිය මැයි 08 වෙනි දින අත්අඩංගුවට පත්වීමෙන් අනතුරුවත් ඇය සොල්දාදුවාගෙන් දැඩිව ප්‍රශ්න කරමින් සිටියා.

මරියම් අෆිෆි නම් එම 26 හැවිරිදි තරුණිය ජෙරුසෙලමේ වාසය කරන සංගීත ශිල්පිණියක් වනවා..

“ජෙරුසෙලමේ දියණියෝ” (Daughters of Jerusalem) නම් සංගීත කණ්ඩායමේ ‘ඩබල් බේස්’ (double bass) වාදන ශිල්පිනිය වන ඇය “පලස්තීන තරුණ වාද්‍ය වෘන්දය” (Palestine Youth Orchestra) සංගීත සමූහයේ ද සාමාජිකාවකි.

thumbnail 1 1 | Gossip Lanka
හමුදා ප්‍රහාර හමුවේ හිනැහුණු ජෙරුසෙලමේ තරුණියකගේ කතාව

“මාව ඇදගෙන ගිහිල්ල, පහරදීල ඒ සොල්දාදුවා උත්සහ කළේ එයාට බලයක් තියෙනව කියල පෙන්නන්න,” මරියම් අෆිෆි පැවසුවා.

ඇය බීබීසී සමඟ අදහස් දැක්වූයේ අත්අඩංගුවට ගැනීමෙන් දිනකට පසුව අධිකරණය විසින් ඇය නිදහස් කරනු ලැබීමෙන් අනතුරුවයි.

“මම හිනාවුනේ, දුර්වලයෙක් නොවෙයි නම් කිසිම කෙනෙක් ප්‍රචණ්ඩත්වයට යොමුවෙන්නේ නැති නිසා.”

නිදහස් වී ජෙරුසෙලමේ සිය දෙමාපියන් සමඟ වෙසෙන මහල් නිවාසයට පැමිණ සිටින අතරවාරයේ බීබීසී සමඟ අදහස් දැක්වූ මරියම් අෆිෆි (Maryam Afifi) කියා සිටියේ, පහරදීම සහ රාත්‍රියක් සිර කුටියක ගතකිරීම හේතුවෙන් ඒ වනවිටත් සිය සිරුර කකියන බවයි.

“ප්‍රචණ්ඩත්වය කියන්නේ දුර්වලකමේ සංකේතයක්. මම හිනාවුනේ ඒ බව ඒ සොල්දාදුවාට පෙන්නන්න.”

thumbnail 1 1 1 | Gossip Lanka
හමුදා ප්‍රහාර හමුවේ හිනැහුණු ජෙරුසෙලමේ තරුණියකගේ කතාව

තමන් දිගටම රඳවා ගැනීමට ඊශ්‍රායල පොලිසියට අවශ්‍යව තිබුණ ද, සිය නීතිවේදීන්ගේ උත්සාහය හේතුවෙන් ඉක්මණින් අධිකරණය වෙත ඉදිරිපත් කිරීමට සිදු වූ බව තරුණ සංගීත ශිල්පිනිය කියා සිටියා.

“මාව අත්අඩංගුවට ගැනීම නීති විරෝධීයි කියල මගේ නීතිඥයා තර්ක කළා.”

එය අනුමත කළ අධිකරණය ඇය නිදොස් කොට නිදහස් කළා.

ඇය අත්අඩංගුවට ගනු ලැබුණේ ජෙරුසෙලම නගරයේ උද්ඝෝෂණයක නිරතව සිටියදී පහර දීමට ලක් වූ තවත් තරුණියක බේරාගැනීමට ඉදිරිපත් වූ අවස්ථාවේදීයි.

“මොකක්ද මම කරපු වරද? පහරකමින් හිටපු තරුණියක් ආරක්ෂා කරන්න හදපු එකද?,” යනුවෙන් ඇය දිගින් දිගටම සොල්දාදුවාගෙන් ප්‍රශ්න කරනු වීඩියෝ පටයේ සටහන්ව තිබෙනවා.

“තරුණියක් කලන්තේ දාල බිම වැටිලා හිටිය. කවුරුවත් එයාට උදවු කරන්න ආවේ නෑ. සොල්දාදුවෝ එයාට පහර දීල, එයාව අත්අඩංගුවට ගන්න උත්සහ කළා. ඒ වෙලාවේ තමයි මම එයාට උදවු කරන්න හැදුවේ,” මරියම් බීබීසී සමඟ විස්තර කළා..

ඔබේ ප්‍රතිචාරය කුමක්ද ?
පට්ට !
6
11.svg?v=2.6 | Gossip Lanka
අවුල් වගේ !
0
22.svg?v=2.6 | Gossip Lanka
හරි හිනා !
0
3.svg?v=2.6 | Gossip Lanka
හම්මෝ !
0
31.svg?v=2.6 | Gossip Lanka
මාර දුකයි !
0
27.svg?v=2.6 | Gossip Lanka
මලපනිනව !
0
30.svg?v=2.6 | Gossip Lanka
කුජීතයි !
0
48.svg?v=2.6 | Gossip Lanka
Subscribe
Notify of
guest
0 Comments
Inline Feedbacks
සියලු ප්‍රතිචාර බලන්න !

තවත් මෙවැනිම පුවත්

ලොතරැයියක් වෙනුවෙන් සහෝදරියන් දෙදෙනාව යක්ෂයාට බිලි දුන් අමුතු සහෝදරයා

සහෝදරයෙකු විසින් සිය සහෝදරියන් දෙදෙනාව කෲර ලෙස පිහියකින් ඇන මරා දැමූ පුවතක් එංගලන්තයේ වෙම්බ්ලි...

බ්‍රිතාන්‍ය විද්‍යාඥවරු අනාවරණය කළ අලුත් කොවිඩ් රෝග ලක්ෂණ

හිසරදය, නාසයේ බරගතිය  සහ උගුරේ අමාරුව දැන් සුලභව වාර්තා වී ඇති කෝවිඩ් රෝග ලක්ෂණ...

ලාංකික යුවළක් ජර්මනියේ දී දුම්රියට පනියි

ශ්‍රී ලාංකික යුවළක් ජර්මනියේ දී දිවි නසාගෙන ඇති බව වාර්තා වෙනවා.මෙම යුවළ එරටට ගොස්...

37 වැනි වරටත් විවාහ වූ පුද්ගලයා

මැද පෙරදිග රටක පුද්ගලයෙක් 37 වැනි වරටත් විවාහ දිවියට ඇතුළත් වූ බව විදෙස් මාධ්‍ය...

දරුණු පිපිරීමකින් චීනය සෙළවෙයි – මළ සිරුරු සොයා මෙහෙයුම්

චීනයේ දරුණු පිපිරීමක් සිදුව තිබෙනවා.එරට හුබෙයි පළාතේ, ශියාන් නගරයේ මෙය සිදුව ඇති බවයි චීන මාධ්‍ය...

අපගේ නවතම පුවත්

0
මේ පුවත ගැන ඔබේ ප්‍රතිචාරය කුමක්ද ?x
()
x