හෙට ඉදන් බස්නාහිර පළාතේ ළමයින්ගේ එන්නත විදීමේදී පුළුල්ව සිදුවන වෙනස

අවුරුදු 12ට වැඩි දරුවන් එන්නත් කිරීම බස්නාහිර පළාතේ සියලු‍ම ශික්ෂණ රෝහල්, මහ රෝහල්, දිස්ත්‍රික් රෝහල් සහ මූලික රෝහල් තුළදී හෙට සිට සිදුකෙරෙන බව ළමා රෝග විශේෂඥයින්ගේ විද්වත් සංගමය සඳහන් කළා.

ඒ යටතේ එන්නත් ලබා දීම සිදු කරන්නේ නිදන්ගත රෝගවලන් පෙළන සහ විශේෂ අවශ්‍යතා සහිත දරුවන්ටයි.

නිදන්ගත රෝගවලන් පෙළන සහ විශේෂ අවශ්‍යතා සහිත වයස අවුරුදු 12ට වැඩි දරුවන්ට ෆයිසර් එන්නත ලබාදීම අදත් කොළඹ රිජ්වේ ආර්යා ළමා රෝහලේදී සහ කුරුණෑගල ශික්ෂණ රෝහලේදී සිදුවනවා.

කොළඹ රිජ්වේ ආර්යා ළමා රෝහලේදී ළමුන් 150 දෙනෙකුට සහ කුරුණෑගල ශික්ෂණ රෝහලේදී ළමුන් 126කට මේ යටතේ ෆයිසර් එන්නත් ලබා දී තිබුණා.

කොරෝනා මර්දන එන්නත්කරණ වැඩසටහන යටතේ ගෙවුණු දිනයේදී පළමු සහ දෙවැනි මාත්‍රා වශයෙන් ලබා දුන් එන්නත් මාත්‍රා ගණන 148,306ක්.

ඒ අනුව පුද්ගලයින් 65,431ක් පළමු මාත්‍රාවත්, පුද්ගලයින් 82,875ක් දෙවැනි මාත්‍රාවත් ලබා ගෙන තිබෙනවා.

විදෙස් ගතවන්නන් සඳහා ෆයිසර් එන්නත ලබාදීම නාරාහේන්පිට යුද හමුදා රෝහලේදී අද සිදුවනවා.

ශ්‍රී ලංකාවේ පැතිර යන ඩෙල්ටා කොරෝනා අනු ප්‍රභේදය නිල වශයෙන් නම් කර තිබෙනවා.

ශ්‍රී ජයවර්ධනපුර විශ්වවිද්‍යාලයේ ආසාත්මිකතා ප්‍රතිශක්ති විද්‍යා හා සෛල ජෛව විද්‍යා ආයතනය මගින් හඳුනා ගැනුණු 701-එස් කාණ්ඩයේ මෙම අනු ප්‍රභේදය හඳුන්වා ඇත්තේ ඒ.වයි.28 ලෙසින්.

ඩෙල්ටා කොරෝනා ප්‍රභේදයේ විද්‍යාත්මක හැඳින්වීම සමඟ ශ්‍රී ලංකාවේ පැතිර යන ඩෙල්ටා අනු ප්‍රභේදය බී-එක 617 දෙක විසි අට ලෙසින් දැන් හැඳින්වෙනවා.

සාම්පල පරීක්ෂණ මගින් අනාවරණ වී ඇත්තේ විශේෂයෙන් ශ්‍රී ලංකාව තුළ දැන් 95% කට වැඩි ප්‍රතිශතයක් පැතිර ඇත්තේ ඩෙල්ටා කොරෝනා ප්‍රභේදය බවයි.

කලින් පැවති කොරෝනා ප්‍රභේදවලට වඩා ඉහළ සම්ප්‍රේෂණ හැකියාවක් සහිතව පරිනාමය වූ ඩෙල්ටා ප්‍රභේදය කොරෝනා වෛරස් ගෝලීය වසංගතයේ ව්‍යාප්තිය සහ ප්‍රවණතාවන් කෙටි කාලයක් තුළ වෙනස් කිරීමට සමත් වුණා.

චීනයේ වූහාන් නුවරින් හඳුනා ගැනුණු මුල් කොරෝනා ප්‍රභේදයට සාපේක්ෂව 50% කට වැඩි සම්ප්‍රේෂණ හැකියාවක් සහිත ඩෙල්ටා කොරෝනා ප්‍රභේදය ඇල්ෆා ප්‍රභේදයට වඩා 60% කට වැඩි සම්ප්‍රේෂණ හැකියාවක් පෙන්නුම් කරනවා. ඇතැම් විද්‍යාඥයින් එය නව වෛරසයක් ලෙස හැඳින්වීමටද පෙළඹුණා.

මේ අතර, ඩෙල්ටා කොරෝනා ප්‍රභේදය මගින් දකුණු අප්‍රිකාවේ පසුගිය කාලය තුළ ව්‍යාප්තව පැවති බීටා කොරෝනා ප්‍රභේදය මුළුමනින්ම පාහේ තුරන් කර ඇති බව නව අධ්‍යනයකින් අනාවරණ වී තිබෙනවා.

ඉන්දියාවෙන් මුල්වරට හඳුනා ගැනුණු ඩෙල්ටා කොරෝනා ප්‍රභේදය දකුණු අප්‍රිකාවේ 03 වන කොරෝනා රැල්ලටද හේතු වුණා.

ඊයේ දිනයේ කොවිඩ් ආසාදිතයින් 1,159 දෙනෙකු වාර්තා වීමත් සමග මෙරට සමස්ත ආසාදිතයින් සංඛ්‍යාව දැක්වෙන්නේ 512,531ක් ලෙසින්.

එසේම ඊයේ දිනයේදී මෙරටින් කොරෝනා මරණ 79 ක් වාර්තා වුණා.

ඒ අනුව මෙරට කොරෝනා මරණ 12,609 ක් දක්වා ඉහළ ගියා.

මේ අතර ශ්‍රී ලංකා පොදුජන පෙරමුණේ ගාල්ල දිස්ත්‍රික් පාර්ලිමේන්තු මන්ත්‍රී චන්දිම වීරක්කොඩිට කොරෝනා වෛරසය ආසාදනය වී තිබෙනවා.

ඇති වූ හදිසි රෝගී තත්ත්වයක් හේතුවෙන් ඊයේ කරාපිටිය ශික්ෂණ රෝහලේදී සිදුකළ කොවිඩ් පරීක්ෂාවකදීයි මේ බව තහවුරු වී ඇත්තේ.

මන්ත්‍රීවරයාව වැඩිදුර ප්‍රතිකාර සඳහා හික්කඩුව ප්‍රදේශයේ නිරෝධායන මධ්‍යස්ථානයක් වෙත යොමුකර තිබෙනවා.

මේ අතර, කොවිඩ් රෝගීන් නිවෙස්වල රඳවමින් ප්‍රතිකාර කිරීමේ ක්‍රමවේදයේදී ජනතාවට සිදුවන අපහසුතා මග හැරවීම සඳහා ඉදිරියේදී වෙබ් අඩවියක් දියත් කරන බව  නිවෙස්ගත රෝගී සත්කාරක සේවාවේ වෛද්‍ය කණ්ඩායමේ ප්‍රධානී විශේෂඥ වෛද්‍ය මල්කාන්ති ගල්හේන ප්‍රකාශ කළා.

මේ අතර සෞඛ්‍ය සේවක දීමනා කප්පාදුවට එරෙහිව හෙට දිනයේ පෙරවරු 7.00 සිට පැය 5ක් සේවයෙන් ඉවත් වන බව සෞඛ්‍ය වෘත්තිය සමිති එකමුතුව සඳහන් කළා.

ඔබේ ප්‍රතිචාරය කුමක්ද ?
පට්ට !
1
11.svg?v=2.6
අවුල් වගේ !
0
22.svg?v=2.6
හරි හිනා !
1
3.svg?v=2.6
හම්මෝ !
0
31.svg?v=2.6
මාර දුකයි !
1
27.svg?v=2.6
මලපනිනව !
0
30.svg?v=2.6
කුජීතයි !
2
48.svg?v=2.6

සතියේ පලවූ මෙවැනිම පුවත්

Subscribe
Notify of
guest
0 Comments
Inline Feedbacks
සියලු ප්‍රතිචාර බලන්න !

අපගේ නවතම පුවත්

සතියේ පලවූ තවත් පුවත්

ගයත්‍රී ඩයස් ලංකාවෙන් සමුගනී

ගයත්‍රී ඩයස් කියන්නේ අපේ රට ඉන්න දක්ෂ රංගන ශිල්පිනියක් වගේම ඉතාමත් දක්ෂ රූපලාවණ්‍ය ශිල්පිනියක්....

ඉන්ධන මිල වසර තුනකින් ඉහළම අගය ගනී – ඇමති ගම්මන්පිලගේ බලාපොරොත්තු එළියට

මහා භාණ්ඩාගාරයෙන් සහනයක් ලබා නොදුන්න ද ඉන්ධන මිල ඉහළ නොදමා දැනට පවතින මිලටම පවත්වා...

විදෙස් ජාතික කාන්තාවක් මුහුණු පොතෙන් යහළු වී ලාංකික කතකට කල කැත වැඩේ

මෙරට කාන්තාවකගෙන් රුපියල් 129,000ක මුදලක් වංචා කළ විදෙස් ජාතිකයෙකු නුගේගොඩ ප්‍රදේශයේ දී ඊයේ (15)...

මත්පැන් සහ දුම්වැටි මිල ඉහලට

මත්පැන් සහ දුම්වැටි වල මිල ගණන් අද රාත්‍රියේදී හෝ ඉදිරි දින කිහිපයේදී ඉහල දැමීමට...

අයර්ලන්ත පන්දු යවන්නෙක් පිට පිට කඩුලූ 04ක් දවා ගනියි

පිට පිට යවන ලද පන්දු 04කදි කඩුලු 04ක් දවා ගැනීමට අයර්ලන්ත පන්දු යවන්නෙකු වන...
0
මේ පුවත ගැන ඔබේ ප්‍රතිචාරය කුමක්ද ?x
()
x