Central Bank Central Bank

තවත් සරසවියක කොවිඩ් ආසාදිතයින්

පේරාදෙණිය විශ්වවිද්‍යාලයේ ඉංජිනේරු පීඨයේ සිසුන් 08 දෙනෙකුට කොවිඩ් -19 වෛරසය ආසාදනය වී තිබේ.

විභාග කටයුතු සඳහා කැඳවූ සිසුන් 300 දෙනෙකු අතරින් 8 දෙනෙකුට වෛරසය ආසාදනය වී ඇති බවට PCR පරීක්ෂණවලින් අනාවරණය වූ බව එම විශ්වවිද්‍යාලයේ වෛද්‍ය ඒකකයේ ප්‍රධාන වෛද්‍ය නිලධාරී වෛද්‍ය පී.එම්.ඒ. සමරක්කොඩි මහතා පැවසීය.

ඒ අනුව සිසුන් 40 දෙනෙකු නේවාසිකාගාර තුළ නිරෝධායනයට ලක් කිරීමට පියවරගෙන ඇති අතර විභාග කටයුතු තාවකාලිකව නතර කිරීමට පියවරගත් බව ද ඔහු සඳහන් කළේය.

මේ අතර කැලණිය විශ්වවිද්‍යාලයේ ශාස්ත්‍ර පීඨයේ සිසුන් 05 දෙනෙකුට කොවිඩ්  -19 වෛරසය ආසාදනය වී ඇති බවට පසුගියදා හඳුනාගෙන තිබුණි.

ක්ෂේත්‍ර අධ්‍යයන කටයුත්තක් සඳහා පිටත්ව යෑමට නියමිතව සිටි කණ්ඩායමක සිසුන් 20 දෙනෙකු අහඹු PCR පරීක්ෂණවලට ලක්කිරීමේ දී ඉන් 05 දෙනෙකු ආසාදිතයින් බවට එහිදී තහවුරු විය.

මේ අතර පැල්මඩුල්ල ප්‍රදේශයේ නිවසක පැවති උත්සවයක් සඳහා සහභාගී වු පුද්ගලයින් පිරිසක් අතරින් කොවිඩ් -19 ආසාදිතයින් 08 දෙනෙකු හඳුනාගැනීම හේතුවෙන් 100කට අධික පිරිසක් නිරෝධායනයට යොමුකිරීමට පියවරගෙන තිබේ.

ඔබේ ප්‍රතිචාරය කුමක්ද ?
පට්ට !
0
අවුල් වගේ !
0
හරි හිනා !
0
හම්මෝ !
0
මාර දුකයි !
0
මලපනිනව !
0
කුජීතයි !
0

සතියේ පලවූ මෙවැනිම පුවත්

Subscribe
Notify of
0 Comments
Inline Feedbacks
සියලු ප්‍රතිචාර බලන්න !

අපගේ නවතම පුවත්